വിദേശം‌ -

അബുദാബിയില്‍ 650 സ്കൂള്‍ ബസുകളില്‍ ജിപിഎസ് സ്ഥാപിച്ചു.

2012-02-13T18:19:00.002+04:00

അബുദാബി: വിദ്യാര്‍ഥികളുടെ സുരക്ഷ ഉറപ്പാക്കാന്‍ അബുദാബിയില്‍ 650 സ്കൂള്‍ ബസുകളില്‍ ജിപിഎസ് സ്ഥാപിച്ചു. എമിറെറ്റ്സ് ട്രാന്‍സ്പോര്‍ട്ടിനു കീഴില്‍ 850 ബസുകളിലാണ് ആദ്യഘട്ടത്തില്‍ സംവിധാനം നടപ്പാക്കുന്നത്. ജിപിഎസിലൂടെ ബസുകള്‍ നിരീക്ഷിക്കും. യാത്ര, റൂട്ട്, പോയിന്‍റുകളില്‍ ബസ് നിര്‍ത്തുന്ന സമയം, വേഗത,അപകട വിവരം എന്നിവയെക്കുറിച്ച് അധികൃതര്‍ക്കു മനസിലാക്കാന്‍ സഹായകമാകും. 650 സ്കൂള്‍ ബസുകളില്‍ ക്യാമറ ഘടിപ്പിക്കാനും നടപടി. ഡ്രൈവര്‍മാരുടെ പെരുമാറ്റം നിരീക്ഷിക്കുകയും യാത്രാവേളയില്‍ വിദ്യാര്‍ഥികളുടെ മാനസികവും ശാരീരികവുമായ ബുദ്ധിമുട്ടുകള്‍ ഒഴിവാക്കുകയുമാണു ലക്ഷ്യം.

അബുദാബിയില്‍ പുതിയ കെട്ടിട നിര്‍മാണച്ചട്ടം നിലവില്‍ വരുന്നു

2012-02-13T18:12:00.002+04:00

അബുദാബി : അബുദാബിയില്‍ പുതിയ കെട്ടിട നിര്‍മാണച്ചട്ടം നിലവില്‍ വരുന്നു. ഡിപ്പാര്‍ട്ട്മെന്‍റ് ഒഫ് ഇക്കണോമിക് ഡെവലപ്പ്മെന്‍റിന്‍റെ സഹകരണത്തോടെ അര്‍ബണ്‍ പ്ലാനിങ് കൗണ്‍സിലാണു പദ്ധതി നടപ്പാക്കുന്നത്. ഇതു സംബന്ധിച്ച നിയമാവലി ഉടന്‍ പുറത്തിറക്കും. സ്റ്റോറുകളുടെ മുന്‍വശം പരസ്യത്തിന് ഉപയോഗിക്കുന്നതു തടയും. റെസ്റ്ററന്‍റുകളില്‍ പാചകവാതക സിലിണ്ടറുകള്‍ പൊതുസ്ഥലത്തു സൂക്ഷിക്കരുതെന്നും ചട്ടത്തില്‍ പറയുന്നു.

തീപ്പിടുത്തം: സൗജന്യ ഐഡികാര്‍ഡ് അനുവദിക്കും

2012-02-12T19:47:00.002+04:00

അബുദാബി: അല്‍ താവുനിലെ ബേക്കര്‍ ഫോര്‍ ടവറിലുണ്ടായ അഗ്നിബാധയില്‍ യുഎഇ തിരിച്ചറിയല്‍ രേഖകള്‍ നഷ്ടമായവര്‍ക്ക് സൗജന്യമായി കാര്‍ഡ് നല്‍കാന്‍ എമിറേറ്റ് ഐഡന്റി അതോറിറ്റി തീരുമാനിച്ചു. അജ്മാനിലെ ഷാര്‍ജയിലോ ഉള്ള സെന്ററില്‍ നിന്നുവേണം നഷ്ടപ്പെട്ട കാര്‍ഡിനു പകരം പുതിയ കാര്‍ഡ് വാങ്ങാന്‍. കൂടാതെ ടവറിലെ താമസിക്കാര്‍ക്ക് തീര്‍ത്തും സൗജന്യമായി തിരിച്ചറിയല്‍ കാര്‍ഡിന് രജിസ്റ്റര്‍ ചെയ്യാനും അനുവദിക്കും. ലെഫ്റ്റനന്റ് ജനറല്‍ ശൈഖ് സെയ്ഫ് ബിന്‍ സയീദ് അല്‍ നഹ്യാന്‍, ഡെപ്യൂട്ടി പ്രധാനമന്ത്രി എന്നിവരുടെ നിര്‍ദ്ദേശമനുസരിച്ചാണ് ഈ ഉത്തരവ്.

മാര്‍ക്കോസിന്റെ അറസ്റ്റിന് വഴിവച്ചത് സംഘാടകരുടെ പിഴവ്

2012-02-12T19:37:00.001+04:00

ദമാം: സൗദി പൊലീസ് കസ്റ്റഡിയിലെടുത്ത പ്രശസ്ത ഗായകന്‍ മാര്‍ക്കോസിനെ വിട്ടയച്ചു. സംഘാടകരുടെ ഭാഗത്തു നിന്നുണ്ടായ പിഴവാണ് അറസ്റ്റിന് വഴി വച്ചതെന്നാണ് റിപ്പോര്‍ട്ട്. പരിപാടി നടത്തുന്നതിന് സംഘാടകര്‍ മുന്‍കൂട്ടി അനുമതി നേടിയിരുന്നില്ല എന്നതാണ് അറസ്റ്റിന് കാരണമായി പൊലീസ് പറയുന്നത്. ഇതിന് പുറമേ മാര്‍ക്കോസിന്റെ ചിത്രം പ്രദര്‍ശിപ്പിച്ചും ടിക്കറ്റ് വച്ചും പരിപാടി സംഘടിപ്പിച്ചതും അറസ്റ്റിന് വഴിയൊരുക്കി. ദമാമിലെ അല്‍ നുസൈഫിലെ ഫാമില്‍ മലയാളി സംഘടനയായ ദമാം സൗഹൃദവേദി സംഘടിപ്പിച്ച മ്യൂസിക് ഫെസ്റ്റ് എന്ന പരിപാടിയില്‍ പങ്കെടുക്കവേയാണ് മാര്‍ക്കോസിനെ അറസ്റ്റ് ചെയ്തത്. ഖാതീഫ് മേഖലയില്‍ കഴിഞ്ഞ ദിവസം ഉണ്ടായ ഏറ്റുമുട്ടലില്‍ ഒരാള്‍ കൊല്ലപ്പെട്ടിരുന്നു. തുടര്‍ന്ന് പൊലീസ് ഇവിടെ കര്‍ശന നിരീക്ഷണം നടത്തി വരികയായിരുന്നു.

എ.ജി.സി. ബഷീർ ദോഹയിൽ

2012-02-11T22:19:00.002+04:00

ദോഹ: ഖത്തർ - ത്രിക്കരിപ്പൂർ മണ്ഡലം കെ.എം.സി.സി കമ്മിറ്റി ഫെബ്രുവരി 16ന് ഖത്തർ കെ.എം.സി.സി. ആസ്ഥാനത്ത് സംഘടിപ്പിക്കുന്ന കാരുണ്യ സംഗമത്തിൽ കാസർഗോഡ് ജില്ലാ മുസ്ലിം ലീഗ് സെക്രട്ടറിയും ത്രിക്കരിപ്പൂര്‍ ഗ്രാമ പഞ്ചായത്ത് പ്രസിഡണ്ടുമായ എ.ജി.സി. ബഷീർ മുഖ്യാതിഥിയായി പങ്കെടുക്കും. ചടങ്ങിൽ വെച്ച് അഞ്ച് പതിറ്റാണ്ട് പ്രവാസ ജീവിതം പൂർത്തിയാക്കിയ അവാർഡ് ജേതാവ് എം.പി. ഷാഫി ഹാജിയെയും മഹാ കവി മോയിൻ കുട്ടി സ്‌മാരക കമ്മിറ്റി മെമ്പറായി തെരഞ്ഞെടുക്കപ്പെട്ട മുഹമ്മദ് ഈസാ സാഹിബിനെയും ആദരിക്കും. ദോഹയിലെ പൌര പ്രമുഖർ പങ്കെടുക്കുന്ന ചടങ്ങിനോടനുബന്ധിച്ച് മജീദ് ചെമ്പിരിക്ക നേതൃത്വം നൽകുന്ന ഇശൽ നൈറ്റിൽ ഏഷ്യാനെറ്റ് ഫെയിം കുഞ്ഞുബായിയും പട്ടുറുമാൽ ഫെയിം ഹംദാൻ, സിമിയ ഹംദാൻ എന്നിവരും അണി ചേരും.

വാഹനങ്ങള്‍ പാര്‍ക്ക് ചെയ്യുന്നത് പ്രത്യേകമായി നിരീക്ഷിക്കാന്‍ ഷാര്‍ജ മുനിസിപ്പാലിറ്റി

2012-02-11T18:50:00.001+04:00

ഷാര്‍ജ : അവധി ദിവസങ്ങളില്‍ വാഹനങ്ങള്‍ പാര്‍ക്ക് ചെയ്യുന്നത് പ്രത്യേകമായി നിരീക്ഷിക്കാന്‍ ഷാര്‍ജ മുനിസിപ്പാലിറ്റി തീരുമാനിച്ചു. അവധി ദിനങ്ങളില്‍ അശ്രദ്ധമായി വാഹനങ്ങള്‍ പാര്‍ക്ക് ചെയ്യുന്നതുമൂലമുണ്ടാകുന്ന തടസങ്ങള്‍ നീക്കുന്നതിനാണു നഗരസഭയുടെ പുതിയ നീക്കം. പാര്‍ക്കിങ് പോയിന്‍റുകളില്‍ അശ്രദ്ധയോടെ പാര്‍ക്കു ചെയ്യുന്ന വാഹനങ്ങള്‍ക്ക് ഇരുന്നൂറ് ദിര്‍ഹം പിഴ ചുമത്തും. ഇതിനായി പ്രത്യേക ഉദ്യോഗസ്ഥരെ നിയമിച്ചതായി ഷാര്‍ജ മുനിസിപ്പാലിറ്റി അധികൃതര്‍ അറിയിച്ചു.

ദുബായില്‍ രണ്ടു വിസ മെഡിക്കല്‍ സെന്‍ററുകള്‍ കൂടി ആരംഭിക്കുന്നു

2012-02-11T18:41:00.003+04:00

ദുബായ്: ദുബായില്‍ രണ്ടു വിസ മെഡിക്കല്‍ സെന്‍ററുകള്‍ കൂടി ആരംഭിക്കാന്‍ തീരുമാനമായി. തിരക്കു വര്‍ധിച്ചതിനെ തുടര്‍ന്നാണിത്. ദുബായ് ദേരയിലും ബര്‍ദ് ദുബായിലുമാണ് ഓരോ കേന്ദ്രങ്ങള്‍ കൂടി തുടങ്ങുക. നിലവില്‍ അല്‍ മുഹൈസിനിലാണ് വിസ മെഡിക്കലിനായി പ്രവാസികള്‍ കൂടുതലായി എത്തുന്നത്. മണിക്കൂറുകളോളം ചിലപ്പോള്‍ ഇവിടെ ക്യൂ നില്‍ക്കേണ്ട അവസ്ഥയാണിപ്പോള്‍. പുതുതായി വിസ മെഡിക്കല്‍ സെന്ററുകള്‍ വരുന്നതോടെ തിരക്ക് കുറക്കാന്‍ സാധിക്കും. ഇതോടെ ദുബായിലെ വിസ മെഡിക്കല്‍ സെന്‍ററുകളുടെ എണ്ണം പതിനെട്ടാകും.

ഗായകന്‍ മാര്‍ക്കോസിനെ സൗദി പോലീസ് അറസ്റ്റ് ചെയ്തു.

2012-02-11T17:43:00.002+04:00

ദമാം: മലയാളി ഗായകന്‍ സൗദി പോലീസ് അറസ്റ്റ് ചെയ്തു. വെള്ളിയാഴ്ച സൗദിയിലെ ദമാമില്‍ വച്ചാണ് മാര്‍ക്കോസിനെ അറസ്റ്റ് ചെയ്തത്. ഒരു ഗാനമേള നടത്തുന്നതിനിടെയായിരുന്നു അറസ്റ്റ്. ദമാമിലെ മലയാളി കൂട്ടായ്മ സംഘടിപ്പിച്ച ഇന്ത്യന്‍ റിപ്പബ്ലിക് ദിനാഘോഷത്തോടനുബന്ധിച്ചാണ് ഗാനമേള നടത്തിയത്. കെജി മാര്‍ക്കോസിന്റെ നേതൃത്വത്തിലുള്ള സംഘത്തിന്റെ ഗാനമേള നടക്കുന്ന ഓഡിറ്റോറിയത്തിലെത്തിയ പോലീസ് മാര്‍ക്കോസിനെ അറസ്റ്റു ചെയ്യുകയായിരുന്നു. മാര്‍ക്കോസ് ഇപ്പോഴും പോലീസ് കസ്റ്റഡിയിലാണ്. പരിപാടി നടത്തുന്നതിന് സംഘാടകര്‍ മുന്‍കൂട്ടി അനുമതി നേടാത്തതിനാലാണ് അറസ്റ്റ് ചെയ്‌തെതെന്നാണ് അറിയുന്നത്.

ദോഹയില്‍ താമസ പ്രദേശങ്ങളില്‍ ഷീഷ ഔട്ട്ലെറ്റുകള്‍ നിരോധിക്കുന്നു

2012-02-09T23:14:00.002+04:00

ദോഹ: താമസ പ്രദേശങ്ങളിലും വിദ്യാലയങ്ങള്‍ക്ക്‌ സമീപവും ഷീഷ ഔട്ട്ലെറ്റുകള്‍ നിരോധിക്കാന്‍ തയ്യാറെടുക്കുന്നതായി സുപ്രിം കൌണ്‍സില്‍ ഓഫ്‌ ഹെല്‍ത്ത്‌ അറിയിച്ചു. ഗുരുതരമായ ആരോഗ്യ പ്രശ്നങ്ങള്‍ തടയുതിണ്റ്റെ ഭാഗമായാണ്‌ നിരോധനം ഏര്‍പ്പെടുത്താന്‍ തീരുമാനിച്ചിരിക്കുന്നത്‌. പുകയിലെക്കെതിരെയുള്ള പുതിയ നിയമം രാജ്യത്ത്‌ നിലവില്‍ വരുന്നതോടെ ഷീഷ ഔട്ട്ലെറ്റുകളുടെ നിരോധനം നടപ്പില്‍ വരുമെന്ന് സുപ്രിം കൌണ്‍സില്‍ ഓഫ്‌ ഹെല്‍ത്തിലെ ഹെല്‍ത്ത്‌ പ്രമോഷന്‍ മാനേജര്‍ ഡോ. അ അനൂദ്‌ ബിന്ത്‌ മുഹമ്മദ്‌ അതാനി പറഞ്ഞു. ലോക കാന്‍സര്‍ ദിനത്തോടനുബന്ധിച്ച്‌ സുപ്രിം കൌണ്‍സില്‍ ഓഫ്‌ ഹെല്‍ത്ത്‌ സംഘടിപ്പിച്ച സെമിനാറില്‍ സംസാരിക്കുകയായിരുന്നു അവര്‍. പുകവലിയും ഷീഷയും കാന്‍സര്‍ ഉള്‍പ്പെടെ നിരവധി ആരോഗ്യ പ്രശനങ്ങള്‍ക്ക്‌ കാരണമാണെന്നും കാന്‍സര്‍ രോഗങ്ങളില്‍ 70 ശതമാനവും പുകവലിയും ജീവിത ശൈലിയുമായി ബന്ധപ്പട്ടതാണെന്നും അവര്‍ പറഞ്ഞു. ഇതിണ്റ്റെ പശ്ചാതലത്തിലാണ്‌ താമസ പ്രദേശങ്ങളിലും വിദ്യാലയങ്ങള്‍ക്ക്‌ സമീപവും ഷീഷ ഔട്ട്ലെറ്റുകള്‍ നിരോധിക്കുന്നത്‌ ഉള്‍പ്പെടെയുള്ള നടപടികള്‍ക്ക്‌ സുപ്രിം കൌണ്‍സില്‍ ഓഫ്‌ ഹെല്‍ത്ത്‌ തയ്യാറെടുക്കുന്നതെന്ന്‌ അവര്‍ പറഞ്ഞു. പൊതു സ്ഥലങ്ങളിലും ഓഫീസുകളിലും പുകവലിക്കുതും സ്കൂള്‍ പരിസരങ്ങളി പുകയില ഉത്പന്നങ്ങള്‍ വിക്കുതും രാജ്യം നേരത്തെ നിരോധിച്ചിട്ടുണ്ട്‌.

ശമ്പള വര്‍ധന നടപ്പിലാക്കാത്തതില്‍ പ്രതിഷേധിച്ച്‌ ഷാര്‍ജയില്‍ തൊഴിലാളികള്‍ പണിമുടക്കി

2012-02-09T22:55:00.004+04:00

ഷാര്‍ജ: ഭരണകൂടം അനുവദിച്ചിട്ടും ശമ്പള വര്‍ധന നടപ്പിലാക്കാത്തതില്‍ പ്രതിഷേധിച്ച്‌ ഷാര്‍ജയില്‍ ആയിരത്തിലേറെ ശുചീകരണ തൊഴിലാളികള്‍ പണിമുടക്കി. കഴിഞ്ഞ ദിവസം രാവിലെ അഞ്ച് മുതല്‍ ഉച്ചക്ക് 12 വരെയാണ്‌ ജോലിചെയ്യാതെ തൊഴിലാളികള്‍ പ്രതിഷേധിച്ചത്‌. നിലവിലെ ശമ്പളമായ 896 ദിര്‍ഹത്തിന്‍ണ്റ്റെകൂടെ ശുചീകരണ തൊഴിലാളികള്‍ക്ക്‌ 403 ദിര്‍ഹം കൂടി വര്‍ധിപ്പിച്ച്‌ നല്‍കാന്‍ മന്ത്രാലയം കഴിഞ്ഞ ദിവസം ഉത്തരവ്‌ പുറപ്പെടുവിച്ചിരുന്നു. എന്നാല്‍ കൂടിയ ശമ്പളം ചുവപ്പ്‌ യൂണിഫോം ധരിച്ച്‌ ശുചീകരണ പ്രവര്‍ത്തനങ്ങള്‍ നടത്തുന്നവര്‍ക്ക്‌ മാത്രമാണ്‌ നല്‍കിയത്‌. ഇതിനെതിരെയാണ്‌ തൊഴിലാളികള്‍ പണി മുടക്കി പ്രതിഷേധിച്ചത്‌. സര്‍ക്കാര്‍ വകുപ്പുകളുടെ ഉന്നത അധികാരികള്‍ എത്തി തൊഴിലാളികളോട്‌ സംസാരിച്ച്‌ ഇവര്‍ക്ക്‌ മൂന്ന് ദിവസത്തിനുള്ളില്‍ ശമ്പളവര്‍ദ്ധിപ്പിച്ച്‌ നല്‍കാം എന്ന് ഉറപ്പ്‌ നകിയതിനെ തുടര്‍ന്നാണ്‌ സമരം അവസാനിപ്പിച്ചത്‌. മുനിസിപ്പാലിറ്റിയുടെ വിസയിലാണ്‌ ഇവരും ജോലിചെയ്യുത്‌. 30 വര്‍ഷത്തിലേറെ സര്‍വീസുള്ള തൊഴിലാളികള്‍ വരെ ഇക്കൂട്ടത്തിലുണ്ട്‌. സര്‍ക്കാറിന്‍ണ്റ്റെ മുഴുവന്‍ നിയമങ്ങളും തങ്ങള്‍ക്ക്‌ ബാധകമാണെന്നും ശമ്പള വര്‍ധനയില്‍ നിന്ന്ന് മാത്രം ഒഴിവാക്കിയ നടപടി അധികൃതരുടെ ശ്രദ്ധയില്‍ പെടുത്താനാണ്‌ പ്രതിഷേധിച്ചതെന്നും ഇവര്‍ പറയുന്നു. പ്രതിഷേധിച്ചഎഴുനൂറില്‍പരം തൊഴിലാളികള്‍ ഇന്ത്യക്കാരാണ്‌. ഇതില്‍ നാനൂറിലേറെ മലയാളികളുണ്ട്‌.

ദുബൈ - ത്രിക്കരിപ്പൂര്‍ ജമാ‌അത്ത് പ്രവര്‍ത്തക സമിതി വെള്ളിയാഴ്ച

2012-02-08T22:45:00.001+04:00

ദുബൈ : ദുബൈ - ത്രിക്കരിപ്പൂര്‍ മുസ്ലിം ജമാ‌അത്ത് പ്രവര്‍ത്തക സമിതിയുടെയും മെഡിറ്റ് ത്രിക്കരിപ്പൂരിന്റെയും സംയുക്ത യോഗം ഫെബ്രുവരി 10 വെള്ളിയാഴ്ച വൈകുന്നേരം 6.30ന് ബര്‍ദുബായിയില്‍ വെച്ച് നടക്കുമെന്ന് ജന: സെക്രട്ടറി സലാം തട്ടാനിച്ചേരി അറിയിച്ചു. കൂടുതല്‍ വിവരങ്ങള്‍ക്ക് 050-3988390 എന്ന നമ്പറില്‍ ബന്ധപ്പെടുക

20കാരി 80കാരനെ 60 മിനിറ്റിനുള്ളില്‍ ഡൈവോഴ്‌സ്ചെയ്തു

2012-02-08T19:56:00.002+04:00

റാസല്‍ഖൈമ: വിവാഹം കഴിഞ്ഞ് ഒരു മണിക്കൂറിനുള്ളില്‍ 20കാരി 80കാരനായ ഭര്‍ത്താവില്‍ നിന്നും വിവാഹമോചനം ആവശ്യപ്പെട്ട് കോടതിയിലെത്തി. റാസല്‍ഖൈമയിലുണ്ടായ സംഭവം അല്‍ഖലീജ് പത്രമാണ് റിപ്പോര്‍ട്ട് ചെയ്തത്. വിവാഹം സാധുവാക്കിതരണമെന്നാവശ്യപ്പെട്ട വൃദ്ധനാണ് ആദ്യം കോടതിയെ സമീപിച്ചത്. പെണ്‍കുട്ടിയോടൊപ്പം രക്ഷാകര്‍ത്താക്കള്‍ എത്താത്തതിനാല്‍ വിവാഹം സാധുവാക്കാന്‍ ആദ്യം കോടതി വിസമ്മതിച്ചു. തുടര്‍ന്ന് മണവാളന്‍ പെണ്‍കുട്ടിയുടെ ഉത്തരവാദപ്പെട്ടവരുമായെത്തി കോടതിയുടെ അനുമതി വാങ്ങി. എന്നാല്‍ 60 മിനിറ്റിനുള്ളില്‍ വരന്റെ വീട്ടില്‍ നിന്നും അതേ ജഡ്ജിയുടെ മുന്നിലെത്തിയ പെണ്‍കുട്ടി വിവാഹം മോചനം വേണമെന്ന് ആവശ്യപ്പെടുകയായിരുന്നു. ഭര്‍ത്താവിന്റെ അനുമതിയോടെ വിവാഹം റദ്ദാക്കുകയും മഹറായി ലഭിച്ച തുക തിരിച്ചുനല്‍കുകയും ചെയ്തു.

എമിറേറ്റ്‌സ് ടിക്കറ്റ് ചാര്‍ജ് 30 ശതമാനം കുറച്ചു

2012-02-08T19:44:00.001+04:00

ദുബയ്: യുഎഇ വിമാനക്കമ്പനിയായ എമിറേറ്റ്‌സ് നിരക്കുകളില്‍ 30 ശതമാനം ഡിസ്‌കൗണ്ട് പ്രഖ്യാപിച്ചു. തിരഞ്ഞെടുത്ത ലക്ഷ്യസ്ഥാനങ്ങളിലേക്കാണ് മൂന്നു ദിവസം നീണ്ടുനില്‍ക്കുന്ന ഓഫര്‍ പ്രഖ്യാപിച്ചിട്ടുള്ളത്. യാത്രക്കാരുടെ തിരക്കില്ലാത്ത റൂട്ടുകളില്‍ ഓഫറുകളിലൂടെ കൂടുതല്‍ യാത്രക്കാരെ കണ്ടെത്താനുള്ള ശ്രമത്തിന്റെ ഭാഗമായാണിത്. ഒമ്പതാം തിയ്യതിയാണ് ഓഫര്‍ അവസാനിക്കുന്നത്. ലണ്ടന്‍, ഡല്ലാസ്, സൂറിക്, ബെയ്‌റൂത്ത്, ബാങ്കോക്ക്, കറാച്ചി, പാരിസ്, റിയോഡിജനീറോ, ബ്യൂണസ്‌ഐറിസ്, മുംബൈ എന്നിവ ഓഫര്‍ ഉള്ള സ്ഥലങ്ങളില്‍ ഉള്‍പ്പെടും. ബിസിനസ് ആവശ്യത്തിനായാലും വിനോദത്തിനായാലും യാത്രയ്ക്ക് ചെലവ്കുറയുന്നത് മറ്റുകാര്യങ്ങളില്‍ കൂടുതല്‍ ചെലവഴിക്കാനുള്ള അവസരമാണ് നല്‍കുന്നത്. മൂന്നു ദിവസത്തിനുള്ളില്‍ ടിക്കറ്റ് ബുക്ക് ചെയ്യണമെങ്കില്‍ യാത്ര ചെയ്യാന്‍ ജൂണ്‍ 10 വരെ സമയമുണ്ട്. പുതിയ ഓഫര്‍ പ്രകാരം ചെന്നൈ, കോഴിക്കോട്, കൊച്ചി, മുംബൈ എന്നിവടങ്ങളിലേക്ക് 1100 ദിര്‍ഹമാണ് ഇക്കോണമി ചാര്‍ജ്.

ഷാര്‍ജയില്‍ ഗ്യാസിനു വിലയേറും

2012-02-07T19:02:00.002+04:00

ഷാര്‍ജ: ചൊവ്വാഴ്ച മുതല്‍ ഷാര്‍ജയില്‍ ഗ്യാസിനു വിലയേറുമെന്ന് അധികൃതര്‍ അറിയിച്ചു. ഇത്രയും കാലം 58 ദിര്‍ഹമായിരുന്ന 11 കിലോ ഗ്യാസിന് ഇനിമുതല്‍ 64 ദിര്‍ഹവും 117 ദിര്‍ഹത്തിന് 22 കിലോ സിലിണ്ടറിന് 128 ദിര്‍ഹവുമായിരിക്കും വില. പുതിയ വര്‍ഷത്തില്‍ ഇതു രണ്ടാം തവണയാണ് ചാര്‍ജ്ജ് വര്‍ധിപ്പിക്കുന്നത്. നേരത്തെ ചെറിയ സിലിണ്ടറിന് 48 ദിര്‍ഹവും മീഡിയത്തിന് 100ദിര്‍ഹവും വലിയ സിലിണ്ടറിന് 180 ദിര്‍ഹവുമായിരുന്നു വില. ആഗോളവ്യാപകമായി ഗ്യാസിനു വിലകൂടിയതാണ് വര്‍ധനവിനു കാരണമെന്ന് റിപ്പോര്‍ട്ടുണ്ട്. യൂറോപ്യന്‍ രാജ്യങ്ങളിലെ ശൈത്യം തുടരുകയാണെങ്കില്‍ ഗ്യാസിന് ഇനിയും വിലവര്‍ധിക്കാന്‍ സാധ്യതയുണ്ട്.

ക്രെഡിറ്റ് കാര്‍ഡ്: പുതിയ ചാര്‍ജ്ജുകള്‍ ഉള്‍പ്പെടുത്തുന്നു

2012-02-06T19:14:00.001+04:00

ദുബയ്: ദുബയിലെ ചില ബാങ്കുകള്‍ ക്രെഡിറ്റ് കാര്‍ഡ് ബില്‍ സ്റ്റേറ്റ്‌മെന്റില്‍ പുതിയ ചാര്‍ജ്ജുകള്‍ ഉള്‍പ്പെടുത്താന്‍ തുടങ്ങി. എക്കൗണ്ട് സ്റ്റേറ്റ്‌മെന്റിനായി അഞ്ച് ദീര്‍ഹം ചുമത്തിയതിനു പുറമെ ഇന്‍ഷുറന്‍സ് ചാര്‍ജ്ജുകളിലും വര്‍ധനവ് വരുത്തിയിട്ടുണ്ട്. കൂടാതെ നേരത്തെ നല്‍കി കൊണ്ടിരുന്ന ചില പ്രത്യേക സേവനങ്ങളും റദ്ദാക്കിയിട്ടുണ്ട്. ക്രെഡിറ്റ് കാര്‍ഡുമായി ബന്ധപ്പെട്ട് കേന്ദ്രബാങ്ക് കൊണ്ടു വരാന്‍ പോകുന്ന പൊതു നിയമത്തിനു മുന്നോടിയായാണ് ഈ മാറ്റം എന്നു വിലയിരുത്തപ്പെടുന്നു.

പുതിയ കേന്ദ്രനിയമം നിലവില്‍ വന്നു കഴിഞ്ഞാല്‍ ഇത്തരത്തിലുള്ള ഫീസുകള്‍ ഏകപക്ഷീയമായി ഏര്‍പ്പെടുത്താന്‍ സാധിക്കില്ലെന്ന വ്യവസ്ഥയുണ്ട്. ഇതു മറികടക്കുന്നതിനുവേണ്ടിയാണ് ഇത്തരത്തില്‍ സ്റ്റേറ്റ്‌മെന്റില്‍ ചാര്‍ജുകള്‍ ഉള്‍പ്പെടുത്തി തുടങ്ങിയത്. എന്നാല്‍ മുന്‍കൂട്ടി അറിയിക്കാതെ ഇത്തരം ചാര്‍ജുകള്‍ ഈടാക്കുന്നതിനെതിരേ നിരവധി ഉപഭോക്താക്കള്‍ പരാതി നല്‍കി തുടങ്ങിയിട്ടുണ്ട്.

ഇന്ത്യ ഫെസ്റ്റ് 2012ന് അബുദാബിയില്‍ തുടക്കമായി.

2012-02-06T19:10:00.002+04:00

അബുദാബി: ഇന്ത്യയുടെ സാംസ്‌കാരിക വൈവിധ്യം വിളിച്ചോതുന്ന ഇന്ത്യ ഫെസ്റ്റ് 2012ന് അബുദാബിയില്‍ തുടക്കമായി. ആദ്യ ദിവസം 15000ലേറെ ആളുകളാണ് വേദിയിലേക്ക് ഒഴുകിയെത്തിയത്. യുഎഇയിലെ ഇന്ത്യന്‍ അംബാസിഡര്‍ എംകെ ലോകേഷാണ് മേള ഉദ്ഘാടനം ചെയ്തത്. ഇന്ത്യന്‍ സ്‌കൂളും ഇന്ത്യന്‍ കള്‍ച്ചറല്‍ സെന്ററും സംയുക്തമായാണ് പരിപാടി സംഘടിപ്പിക്കുന്നത്. ഇത്തവണ വിവിധ കേന്ദ്രഗവണ്‍മെന്റ് സ്ഥാപനങ്ങളുമായി കൈകോര്‍ത്താണ് ഫെസ്റ്റിവല്‍ സംഘടിപ്പിക്കുന്നത്. ഇന്ത്യയില്‍ നിന്നും മൂന്നു ട്രൂപ്പുകളാണ് എത്തിയിട്ടുള്ളത്. ശ്രീലങ്ക, ഇന്തോനേഷ്യ, ഫിലിപ്പീന്‍സ് എന്നിവിടങ്ങളില്‍ നിന്നുള്ള കലാകാരന്മാരും മേളയ്‌ക്കെത്തിയിട്ടുണ്ട്.
2011ല്‍ സംഘടിപ്പിച്ച മേള കാണാന്‍ ഏകദേശം 20000 പേര്‍ എത്തിയിരുന്നു. ഇത്തവണ മൂന്നു ദിവസം നീണ്ടു നില്‍ക്കുന്ന മേളയ്ക്ക് അരലക്ഷത്തോളം പേരെങ്കിലും കാണികളായെത്തുമെന്നാണ് സംഘാടകര്‍ പ്രതീക്ഷിക്കുന്നത്

തൊഴിലാളികളുടെ ആനുകൂല്യങ്ങള്‍ വെട്ടി കുറക്കരുതെന്ന് ദുബൈ കോടതി

2012-02-06T18:38:00.001+04:00

ദുബൈ: തൊഴിലാളികള്‍ക്കു പുതുതായി അനുവദിക്കുന്ന ആനുകൂല്യങ്ങള്‍ പിന്നീടു വെട്ടിക്കുറയ്ക്കരുതെന്നു ദുബായി കോടതി. തൊഴിലാളികള്‍ക്ക് അനുവദിച്ച ബോണസ് ആനുകൂല്യങ്ങള്‍ പിന്നീടു റദ്ദാക്കിയ കമ്പനി നടപടിയുമായി ബന്ധപ്പെട്ട കേസിലാണു കോടതി ഉത്തരവ്. തൊഴിലാളികള്‍ക്കു ബോണസ് നല്‍കണമെന്ന അപ്പീലിനെതിരേ കമ്പനി അധികൃതരാണു കോടതിയെ സമീപിച്ചത്. സ്ഥാപനത്തില്‍ പത്തു വര്‍ഷത്തിലധികമായി ജോലി ചെയ്യുന്നവര്‍ക്കു വര്‍ഷത്തിലൊരിക്കല്‍ ശമ്പളത്തിന്‍റെ പകുതി തുക ബോണസായി നല്‍കാന്‍ തീരുമാനിച്ചിരുന്നു. എന്നാല്‍ ഇത് കമ്പനി അധികൃതര്‍ വെട്ടിക്കുറച്ചു. കമ്പനിയില്‍ നിന്നു പുറത്താക്കപ്പെട്ട തൊഴിലാളിയാണു ബോണസ് കുടിശിക ആവശ്യപ്പെട്ടു കോടതിയെ സമീപിച്ചത്.

സൗദിയില്‍ മത ഉപദേശക സംഘങ്ങള്‍ക്കു നിയന്ത്രണം ഏര്‍പ്പെടുത്തുന്നു.

2012-02-06T18:23:00.003+04:00

ദമാം: പരിഷ്കരണ നടപടികളുടെ ഭാഗമായി സൗദിയില്‍ മത ഉപദേശക സംഘങ്ങള്‍ക്കു നിയന്ത്രണം ഏര്‍പ്പെടുത്തുന്നു. പൊതുസ്ഥലങ്ങളില്‍ സന്ദര്‍ശകരെ നിരീക്ഷിക്കുകയും പരിശോധനകള്‍ക്കു വിധേയരാക്കുകയും ചെയ്യുന്ന ഉദ്യോഗസ്ഥരുടെ പ്രവര്‍ത്തനങ്ങള്‍ക്കാണു നിയന്ത്രണം ഏര്‍പ്പെടുത്തുക. പൊതുജനങ്ങളോടുള്ള ഉദ്യോഗസ്ഥരുടെ മാന്യമല്ലാത്ത പെരുമാറ്റം വകുപ്പിന്‍റെ പ്രതിച്ഛായ മോശമാക്കിയ പശ്ചാത്തലത്തിലാണു തീരുമാനം. ഉദ്യോഗസ്ഥരുടെ പ്രവര്‍ത്തനങ്ങളില്‍ സുതാര്യത, സഹകാരികള്‍ക്കു വിലക്ക് ഏര്‍പ്പെടുത്തല്‍, പ്രശ്ന പരിഹാര കേന്ദ്രങ്ങള്‍ തുടങ്ങല്‍ എന്നീ പരിഷ്കരണങ്ങളും ഏര്‍പ്പെടുത്തും. ഉദ്യോഗസ്ഥര്‍ ചമഞ്ഞുള്ള തട്ടിപ്പുകളെക്കുറിച്ചു വ്യാപക പരാതി ഉയര്‍ന്ന സാഹചര്യത്തില്‍ പരിശോധന വേളയില്‍ തിരിച്ചറിയല്‍ കാര്‍ഡുകള്‍ നിര്‍ബന്ധമായും ധരിക്കണമെന്നും നിര്‍ദേശം.

മതകാര്യ വകുപ്പിനു കീഴിലുള്ള സദുപദേശക സമിതി അധ്യക്ഷന്‍ ഡോ. അബ്ദുല്‍ ലത്തീഫ് അല്‍ ഷെയ്ഖിന്‍റേതാണു നടപടി. സ്വദേശികളോടും വിദേശികളോടുമുള്ള ഉദ്യോഗസ്ഥരുടെ പെരുമാറ്റത്തില്‍ മാറ്റം വരുത്തുമെന്നും അദ്ദേഹം പ്രഖ്യാപിച്ചിട്ടുണ്ട്.

കുവൈത്തില്‍ ഇസ്ലാമിസ്റ്റ് കക്ഷി ഭരണത്തില്‍

2012-02-05T18:34:00.002+04:00

കുവൈത്ത് സിറ്റി: കുവൈത്ത് പാര്‍ലമെന്റ് തിരഞ്ഞെടുപ്പില്‍ ഇസ്ലാലിമിസ്റ്റ് കക്ഷിയുടെ നേതൃത്വത്തിലുള്ള പ്രതിപക്ഷം വിജയിച്ചു. 50 അംഗ സഭയില്‍ 34 സീറ്റുകളാണ് മുന്നണി സ്വന്തമാക്കിയത്. പിരിച്ചുവിടപ്പെട്ട പാര്‍ലമെന്റില്‍ ഒമ്പതു അംഗങ്ങള്‍ മാത്രമുണ്ടായിരുന്ന ഇസ്ലാമിക കക്ഷി ഇത്തവണ തനിച്ച് 23 സീറ്റുകള്‍ നേടിയിട്ടുണ്ട്. മത്സരിച്ച സ്ത്രീകളാരും തന്നെ വിജയിച്ചിട്ടില്ല. കഴിഞ്ഞ പാര്‍ലമെന്റില്‍ നാലു വനിതാ അംഗങ്ങളുണ്ടായിരുന്നു. ഗോത്രവര്‍ഗ്ഗമേഖലയിലാണ് ഇസ്ലാമിക കക്ഷി ഏറ്റവും കൂടുതല്‍ ആധിപത്യം നേടിയത്. 20 സീറ്റുകളില്‍ 18ഉം അവര്‍ സ്വന്തമാക്കി. അഴിമതിയ്ക്കും സ്വജനപക്ഷപാതത്തിനുമെതിരേ യുവജനസംഘടനകള്‍ പരസ്യമായി തെരുവിലിറങ്ങാന്‍ തുടങ്ങിയതോടെയാണ് കുവൈത്ത് അമീര്‍ പാര്‍ലമെന്റ് പിരിച്ചുവിട്ടത്.

ഖത്തര്‍ - ത്രിക്കരിപ്പൂര്‍ മണ്ഡലം കെ.എം.സി.സി കാരുണ്യ സംഗമം ഫെബ്രുവരി 16ന്

2012-02-04T22:14:00.002+04:00

ദോഹ: ഖത്തര്‍ - ത്രിക്കരിപ്പൂര്‍ മണ്ഡലം കെ.എം.സി.സി കാരുണ്യ സംഗമം ഫെബ്രുവരി 16ന് ദോഹയില്‍ വെച്ച് നടക്കും. ഖത്തര്‍ കെ.എം.സി.സി ഹാളില്‍ വെച്ച് നടക്കുന്ന സംഗമം വൈകുന്നേരം 6 മണി മുതല്‍ ആരംഭിക്കൂം. ചടങ്ങില്‍ വെച്ച് ഖത്തര്‍ - ത്രിക്കരിപ്പൂര്‍ മണ്ഡലം കെ.എം.സി.സിയുടെ റിലീഫ് വിതരണവും ഖത്തര്‍ - ത്രിക്കരിപ്പൂര്‍ യുനൈറ്റഡ് ഫണ്ട് (ക്യു.ടി.യു.എഫ്) ഫണ്ടിന്റെ ഉദ്ഘാടനവും നടക്കും. ഖത്തര്‍ കെ.എം.സി.സി സ്റ്റേറ്റ് പ്രസിഡണ്ട് പി.എസ്.എച്ച് തങ്ങള്‍ സംഗമം ഉദ്ഘാടനം ചെ.യ്യും. റിലീഫ് ഫണ്ട് വിതരണവും ഖത്തര്‍ - ത്രിക്കരിപ്പൂര്‍ യുനൈറ്റഡ് ഫണ്ടിന്റെ ഉദ്ഘാടനവും കാസര്‍ഗോഡ് ജില്ലാ മുസ്ലിം ലീഗ് സെക്രട്ടറിയും ത്രിക്കരിപ്പൂര്‍ ഗ്രാമ പഞ്ചായത്ത് പ്രസിഡണ്ടുമായ എ.ജി.സി. ബഷീര്‍ നിര്‍വ്വഹിക്കും. ചടങ്ങില്‍ പ്രമുഖ നേതാക്കള്‍ പങ്കെടുക്കും. ത്രിക്കരിപ്പൂര്‍ മണ്ഡലം കെ.എം.സി.സി പ്രസിഡണ്ട് എന്‍. ബഷീര്‍ ചടങ്ങില്‍ അദ്ധ്യക്ഷത വഹിക്കും. എസ്.എ.എം ബഷീര്‍ ആശംസാ പ്രസംഗം നടത്തും. ജന: സെക്രട്ടറി ടി.സി. സലാം സ്വാഗതവും ശംസുദ്ധീന്‍ നന്ദിയും പറയും. തുടര്‍ന്ന് നടക്കുന്ന ഇശല്‍ രാവിന് മജീദ് ചെമ്പിരിക്ക നേതൃത്വം നല്‍കും. ഏഷ്യാനെറ്റ് മൈലാഞ്ചി ഫെയിം കുഞ്ഞുബായി, പട്ടുറുമാല്‍ ഫെയിം ഹംദാന്‍, സിമിയ ഹംദാന്‍ എന്നിവര്‍ ഇശല്‍ രാവില്‍ അണിചേരുമെന്ന് ഭാരവാഹികള്‍ അറിയിച്ചു.

എം. എ. യൂസഫലിക്ക് സ്വിസ് സര്‍ക്കാര്‍ ബഹുമതി

2012-02-04T18:13:00.002+04:00

അബുദാബി : പദ്മശ്രീ എം. എ. യൂസഫലിക്ക് സ്വിറ്റ്സര്‍ ലാന്‍ഡ് സര്‍ക്കാ റിന്‍റെ ബഹുമതിയും. ലുലു ഹൈപ്പര്‍മാര്‍ക്കറ്റ് ശൃംഖല സ്വിറ്റ്സര്‍ ലാന്‍ഡിലെ വാണിജ്യ മേഖല ക്ക് നല്‍കുന്ന മികച്ച സംഭാവന കള്‍ക്കുള്ള അംഗീകാരമാണ് യു. എ. ഇ. യിലെ സ്വിറ്റ്സര്‍ ലാന്‍ഡ് സ്ഥാനപതി നല്‍കുന്ന ഈ ബഹുമതി. പ്രമുഖ അറേബ്യന്‍ ചിത്രകാരി അസ്സ അല്‍ ഖുബൈസി രൂപകല്‍പന ചെയ്ത ശില്‍പവും ബഹുമതി പത്രവും അടങ്ങുന്ന അവാര്‍ഡ് ഏപ്രില്‍ അവസാനം അബുദാബി യില്‍ നടക്കുന്ന ചടങ്ങില്‍ സ്വിറ്റ്സര്‍ ലാന്‍റ് അംബാസഡര്‍ വോള്‍ഫ് ഗാംഗ് ബ്രൂവല്‍ ഹാര്‍ട്ട് സമ്മാനിക്കും. കഴിഞ്ഞ വര്‍ഷം ഗള്‍ഫിലെ ലുലു ഹൈപ്പര്‍ മാര്‍ക്കറ്റു കളില്‍ നടത്തിയ സ്വിസ് ഭക്ഷ്യ മേളക്ക് മികച്ച പ്രതികരണം ആണുണ്ടായത്. സ്വിറ്റ്സര്‍ ലാന്‍ഡിലെ തനത് ഭക്ഷ്യ വിഭവങ്ങള്‍ ഗള്‍ഫ് രാജ്യങ്ങളില്‍ പരിചയ പ്പെടുത്തുവാനും കൂടുതലായി വിപണനം ചെയ്യു വാനും ഭക്ഷ്യ മേള ഏറെ സഹായിച്ചു.

സ്‌കൂള്‍ അഡ്മിഷന് ഐഡി കാര്‍ഡ് നിര്‍ബന്ധം

2012-02-01T17:36:00.003+04:00

അബുദാബി: സ്‌കൂള്‍ അഡ്മിഷന് എമിറേറ്റ് ഐഡി കാര്‍ഡുകള്‍ നിര്‍ബന്ധമാണെന്ന് അബുദാബി എജ്യുക്കേഷന്‍ കൗണ്‍സില്‍ അറിയിച്ചു. 2012-13 അഡ്മിഷന്‍ മുതല്‍ തന്നെ ഇത് കര്‍ശനമായി നടപ്പാക്കും. തദ്ദേശിയരായാലും വിദേശികളായാലും അഡ്മിഷന്‍ സമയത്ത് സമര്‍പ്പിക്കുന്ന രേഖകള്‍ക്കൊപ്പം ഐഡികാര്‍ഡും ഉണ്ടായിരിക്കണം.

രാജ്യത്തെ മുഴുവന്‍ ജനങ്ങളെയും ഐഡികാര്‍ഡിന്റെ പരിധിയില്‍ കൊണ്ടു വരാനുള്ള സര്‍ക്കാറിന്റെ പ്രഖ്യാപിത നയത്തിന്റെ ഭാഗമായാണിത്. ജനങ്ങള്‍ക്ക് എത്രയും വേഗം ഐഡികാര്‍ഡുകള്‍ ലഭ്യമാക്കുന്നതിനായി രാജ്യത്ത് നാലു അതിവേഗ കേന്ദ്രങ്ങള്‍ ആരംഭിച്ചിട്ടുണ്ട്. ആവശ്യമായ രേഖകളുമായെത്തിയാല്‍ കാര്‍ഡുമായി മടങ്ങാന്‍ സാധിക്കും. അതേ സമയം പുതിയ കാര്‍ഡുകള്‍ എടുക്കുന്നതിന് നിലവില്‍ ചെറിയ കാലതാമസമുണ്ട്. സമര്‍പ്പിക്കുന്ന രേഖകള്‍ പരിശോധിക്കുന്നതിനുവേണ്ടിയാണിതെന്ന് അധികൃതര്‍ അറിയിച്ചു.

ഇത്തിസലാത്ത് ജിസിസി റോമിങ് നിരക്ക് കുറച്ചു

2012-02-01T17:33:00.001+04:00

ദുബയ്: ജിസിസി രാജ്യങ്ങളിലെ റോമിങ് നിരക്ക് ഗണ്യമായി കുറയ്ക്കാന്‍ യുഎഇ മൊബൈല്‍ സേവനദാതാവായ ഇത്തിസലാത്ത് തീരുമാനിച്ചു. ബഹ്‌റൈന്‍, കുവൈത്ത്, ഒമാന്‍, ഖത്തര്‍, സൗദി അറേബ്യ രാജ്യങ്ങളില്‍ സന്ദര്‍ശിക്കുന്നവര്‍ക്ക് 26 ശതമാനത്തോളം കുറവാണ് ചാര്‍ജ്ജില്‍ ലഭിക്കുന്നത്. രാജ്യത്തിനകത്തായാലും പുറത്തായാലും ഉപഭോക്താക്കള്‍ക്ക് ഏറ്റവും മികച്ച സേവനം നല്‍കണമെന്നതാണ് കമ്പനിയുടെ നയം-ചീഫ് മാര്‍ക്കറ്റിങ് ഓഫിസര്‍ മാത്യു വില്‍ഷര്‍ അറിയിച്ചു. പുതിയ താരിഫ് സൗകര്യം ലഭിക്കുന്നതിന് ഉപഭോക്താക്കളുടെ ഭാഗത്ത് നിന്നും ഒന്നും ചെയ്യേണ്ട കാര്യമില്ല. ജിസിസി രാജ്യങ്ങളില്‍ റോമിങിനെത്തുമ്പോള്‍ പ്രീപെയ്ഡ്, പോസ്റ്റ് പെയ്ഡ് കോള്‍നിരക്കുകള്‍ പുതിയ താരിഫിനനുസരിച്ചായിരിക്കും.

ഖത്തറില്‍ ഗാര്‍ഹിക ജോലിക്കാര്‍ക്കു ക്ഷാമം

2012-01-31T22:29:00.002+04:00

ദോഹ: ഗള്‍ഫ് രാജ്യങ്ങളിലേക്കുള്ള കുടിയേറ്റ നിയമങ്ങള്‍ കര്‍ശനമാക്കിയതിനെ തുടര്‍ന്നു ഖത്തറില്‍ ഗാര്‍ഹിക ജോലിക്കാര്‍ക്കു ക്ഷാമം നേരിടുന്നു. സ്പോണ്‍സര്‍മാര്‍ നിയമ നടപടികള്‍ അംഗീകരിക്കാത്തതാണു കാരണം. ഗാര്‍ഹിക തൊഴിലാളികള്‍ക്കു കുറഞ്ഞ വേതനം, ഫോണ്‍ സൗകര്യം, ആരോഗ്യ സുരക്ഷ, ബാങ്ക് ഗ്യാരന്‍റി എന്നിവ ഉറപ്പാക്കണമെന്നായിരുന്നു നിര്‍ദേശം. ഇന്ത്യ, ഫിലിപ്പീന്‍സ്, ശ്രീലങ്ക എന്നിവിടങ്ങളില്‍ നിന്നാണു പരമ്പരാഗതമായി തൊഴിലാളികളെ കൊണ്ടു വന്നിരുന്നത്. സ്പോണ്‍സറില്‍ നിന്നു തൊഴിലാളികള്‍ ഒളിച്ചോടുന്നതായും കണ്ടു വരുന്നു. പ്രശ്ന പരിഹാരത്തിന് ആഫ്രിക്ക, ബാള്‍ട്ടിക് എന്നിവിടങ്ങളില്‍ നിന്നു തൊഴിലാളികളെ കൊണ്ടു വരുന്നതടക്കമുള്ള ബദല്‍ മാര്‍ഗം തേടുകയാണു സ്പോണ്‍സര്‍മാര്‍.

സൗദിയില്‍ സര്‍വീസ് ചാര്‍ജ്ജിന് വിലക്ക്

2012-01-31T22:26:00.002+04:00

ദമാം: സൗദിയില്‍ ഹോട്ടലുകള്‍ സര്‍വീസ് ചാര്‍ജ് ഈടാക്കുന്നതു വാണിജ്യ മന്ത്രാലയം വിലക്കി. ബില്ലില്‍ സര്‍വീസ് ചാര്‍ജ് ഇനത്തില്‍ അധിക തുക ഈടാക്കുന്നതു പതിവാണ്. ഇത് ഉപഭോക്താക്കള്‍ക്കു കനത്ത നഷ്ടം വരുത്തിയിരുന്നു. അധിക ചാര്‍ജ് ഈടാക്കിയാല്‍ ഉപഭോക്താക്കള്‍ 8001241616 എന്ന നമ്പറില്‍ അറിയിക്കണമെന്ന് വാണിജ്യ മന്ത്രാലയം നിര്‍ദേശിച്ചു.

ഒമാനില്‍ പയ്യന്നൂര്‍ ഫെസ്റ്റ് സംഘടിപ്പിക്കുന്നു

2012-01-31T18:02:00.002+04:00

മസ്കറ്റ്: പയ്യന്നൂര്‍ സൗഹൃദ വേദി ഒമാന്‍ ചാപ്റ്റര്‍ 'പയ്യന്നൂര്‍ ഫെസ്റ്റ്' സംഘടിപ്പിക്കുന്നു. ഫെബ്രുവരി 23 വ്യാഴാഴ്ച മസ്കറ്റ് റുവിയില്‍ വെച്ചാണ് പയ്യന്നൂരിന്‍റെ സാംസ്കാരിക തനിമ പ്രവാസ ലോകത്ത് പരിചയപ്പെടുത്തുന്ന ഈ പരിപാടി നടത്തുന്നതെന്ന് പി എസ് വി പ്രസിഡന്റ്‌ ഇ പ്രേമാനന്ദന്‍ മാസ്റ്റര്‍, ജനറല്‍ സെക്രട്ടറി കെ മോഹനന്‍ എന്നിവര്‍ അറിയിച്ചു. ഫെസ്റ്റിന്‍റെ ഭാഗമായി നിസ്വ വോയിസിന്‍റെ ഗാനമേള, നൃത്ത്യനൃത്തങ്ങള്‍, വിവിധ കലാ സാഹിത്യ മത്സരങ്ങള്‍ എന്നിവയും സംഘടിപ്പിക്കും. പയ്യന്നൂരിലെ സാംസ്കാരിക രാഷ്ട്രീയ രംഗങ്ങളിലെ പ്രമുഖരും ജനപ്രതിനിധികളും പങ്കെടുക്കുന്നതായിരിക്കും. കൂടുതല്‍ വിവരങ്ങള്‍ക്ക് ബന്ധപ്പെടുക: 99681186, 95090890.

സി.എച്ച് സെന്റർ പൊതുസമൂഹത്തിന് ലഭിച്ച വരദാനം: എ.ജി.സി ബഷീർ

2012-01-30T21:37:00.003+04:00

ദുബൈ: സി.എച്ച് സെന്റർ പൊതുസമൂഹത്തിന് ലഭിച്ച വരദാനമാണെന്ന് ത്രിക്കരിപ്പൂർ ഗ്രാമ പഞ്ചായത്ത് പ്രസിഡണ്ടും ജില്ലാ മുസ്ലിം ലീഗ് സെക്രട്ടറിയുമായ എ.ജി.സി ബഷീർ പറഞ്ഞു. ദുബായിൽ വെച്ച് നടന്ന ത്രിക്കരിപ്പൂർ സി.എച്ച് സെന്റർ ഗൾഫ് ക്യാമ്പയിനിന്റെ ഉദ്ഘാടനത്തോടനുബന്ധിച്ച് സംഘടിപ്പിച്ച ചടങ്ങിൽ വെച്ച് മുഖ്യ പ്രഭാഷണം നടത്തുകയായിരുന്നു. എ.ജി.സി. ആതുര ശുശ്രൂഷാ രംഗത്ത് സി.എച്ച് സെന്റർ നൽകുന്ന സേവനങ്ങളും പ്രവർത്തനങ്ങളും ത്രിക്കരിപ്പൂരിലും പരിസര പ്രദേശങ്ങളിലുമുള്ളവർക്ക് സാന്ത്വനത്തിന്റെ കൈത്താങ്ങായിരിക്കുമെന്ന് എ.ജി.സി. അഭിപ്രായപ്പെട്ടു. ത്രിക്കരിപ്പൂർ സി.എച്ച് സെന്ററിന്റെ പ്രവർത്തനങ്ങൾക്ക് വിവിധ കെ.എം.സി.സികളും പൊതുസമൂഹവും നൽകുന്ന സഹകരണവും സഹായവും വളരെയധികം വിലപ്പെട്ടതാണെന്നും അദ്ദേഹം കൂട്ടിച്ചേർത്തു. ത്രിക്കരിപ്പൂർ സി.എച്ച് സെന്ററിന്റെ പ്രവർത്തന വിപുലീകരണത്തിന്റെ ഭാഗമായി 10 മെഷീനുകൾ സ്ഥാപിച്ച് ഡയാലിസിസ് സംവിധാനവും അത് കൂടാതെ കാൻസർ പരിശോധന സംവിധാനവും നടപ്പിൽ വരുത്തുമെന്നും അദ്ദേഹം അറിയിച്ചു.

ദുബൈ ത്രിക്കരിപ്പൂർ പഞ്ചായത്ത് കെ.എം.സി.സി ആതിഥ്വമേകിയ ഗൾഫ് ക്യാമ്പയിൻ സ്വാഗത സംഘം ചെയർമാൻ വി.വി. കാസിം മെട്ടമ്മലിന്റെ അദ്ധ്യക്ഷതയിൽ അൽ ഹത്ബൂർ ഗ്രൂപ്പ് സി.ഇ.ഒ എഞ്ചിനീയർ എം. സലാഹുദ്ധീൻ ഉദ്ഘാടനം ചെയ്‌തു. അൽ മസ്‌റൂയി ഗ്രൂപ്പ് എം.ഡി. എഞ്ചിനീയർ അബ്‌ദുറഹ്‌മാൻ, മലബാർ ഗോൾഡ് കോ: ചെയർമാൻ പി.എ. ഇബ്രാഹിം ഹാജി, ദുബൈ കെ.എംസി.സി സ്റ്റേറ്റ് ട്രഷറർ ഹുസൈനാർ ഹാജി എടച്ചാക്കൈ എന്നിവർ പ്രസംഗിച്ചു. സി.എച്ച് സെന്ററിന്റെ എംബ്ലം രൂപകൽ‌പ്പന ചെയ്‌ത ഷുക്കൂർ ഉടുമ്പുന്തലക്ക് ചടങ്ങിൽ വെച്ച് ജില്ലാ കെ.എം.സി.സി പ്രസിഡണ്ട് ഹംസ തൊട്ടി ഉപഹാരം നൽകി. ജില്ലാ കെ.എം.സി.സി ജന: സെക്രട്ടറി ഹനീഫ് ചെർക്കളം, മണ്ഡലം കെ.എം.സി.സി ജന: സെക്രട്ടറി മുഹമ്മദലി ടി ത്രിക്കരിപ്പൂർ, ദുബൈ - ത്രിക്കരിപ്പൂർ പഞ്ചായത്ത് ജന: സെക്രട്ടറി അഫസൽ എ.സി. മെട്ടമ്മൽ, ട്രഷറർ എൻ.പി. ഹമീദ്, റഷീദ് വള്‍വക്കാട്, നൌഷാദ് വി.പി.എം കൂലേരി, അബൂദാബി കെ.എം.സി.സി നേതാക്കളായ ഷുക്കൂർ ഹാജി, ടി.പി. അഹമ്മദ് ഹാജി, സി. മുഹമ്മദ് സമീർ തുടങ്ങിയവർ സംബന്ധിച്ചു. ഉദ്ഘാടനത്തോടനുബന്ധിച്ച് സലാം തട്ടാനിച്ചേരി രചനയും സംവിധാനവും നിർവ്വഹിച്ച ത്രിക്കരിപ്പൂരിന്റെ ആതുര മേഖലയെ കുറിച്ചുള്ള ഡോക്യുമെന്ററി പ്രദർശിപ്പിച്ചു. ഓർഗനൈസിംഗ് സെക്രട്ടറി അഷ്‌റഫ്. കെ. തങ്കയം സ്വാഗതവും സെക്രട്ടറി ജുനൈദ് വടക്കുമ്പാട് നന്ദിയും പറഞ്ഞു. തുടർന്ന് പ്രവാസി കലാകാരന്മാരുടെ നേതൃത്വത്തിൽ ഇശൽ രാവ് അരങ്ങേറി.
കൂടുതല്‍ ചിത്രങ്ങള്‍

കമ്പനി പാസ്‌പോര്‍ട്ട് കൊടുത്തില്ല കല്യാണം മുടങ്ങി

2012-01-30T20:14:00.002+04:00

മസ്‌കത്ത്: കമ്പനി സമയത്തിന് പാസ്‌പോര്‍ട്ട് കൊടുക്കാത്തതിനാല്‍ മലയാളിയുടെ കല്യാണം മുടങ്ങി. മസ്‌കത്തില്‍ നിന്നും 200കിലോമീറ്റര്‍ അകലെയുള്ള മുദൈബിയിലെ അല്‍ സറൂജ് പെട്രോള്‍ സ്‌റ്റേഷനിലെ മാനേജരാണ് മണവാളന്‍. തിങ്കളാഴ്ച രാവിലെ 9.30നായിരുന്നു മുഹൂര്‍ത്തം. കല്യാണപന്തലില്‍ വിവാഹകോടിയുമണിഞ്ഞ് നില്‍ക്കേണ്ട ചെക്കന്‍ ഇപ്പോഴും കമ്പനിയ്ക്കുവേണ്ടി 'പെട്രോള'ടിച്ചുകൊണ്ടിരിക്കുകയാണ്.

അവസാനം വരെ ലീവ് കിട്ടുമെന്ന ശുഭപ്രതീക്ഷയിലായിരുന്നു മോഹന്‍ കുമാര്‍. അതുകൊണ്ടു തന്നെയാണ് വിവാഹദിവസം രാവിലെ അവിടെ എത്തുന്നരീതിയില്‍ ഒരുക്കങ്ങള്‍ തുടങ്ങിയത്. ഒരു വര്‍ഷം മുമ്പാണ് മനുപ്രിയയുമായുള്ള വിവാഹം ഉറപ്പിച്ചത്. ആലപ്പുഴയിലുള്ള വിവാഹവേദിയില്‍ വരനെയെത്തിക്കാനുള്ള വാഹനം കൊച്ചി എയര്‍പോര്‍ട്ടില്‍ കാത്തുനിന്നിരുന്നു.
വിവാഹത്തിനുവേണ്ടി ജോലി വേണ്ടയെന്നുവെയ്ക്കാന്‍ വരെ മോഹന്‍ തയ്യാറായിരുന്നു. എന്നാല്‍ പാസ്‌പോര്‍ട്ട് നല്‍കാന്‍ മാനേജര്‍ തയ്യാറായില്ല.
എത്രയോ മുമ്പ് തന്നെ ലീവിന് അപേക്ഷിച്ചിട്ടും മാനേജര്‍ അത് അംഗീകരിക്കാന്‍ കൂട്ടാക്കിയില്ല. മസ്‌കത്തിലെ ഇന്ത്യന്‍ എംബസിയുടെ സഹായം തേടി. പുതിയ ലീവ് അപേക്ഷ ഒമാന്‍ തൊഴില്‍ മന്ത്രാലയം മുഖേനയാണ് നല്‍കിയിട്ടുള്ളത്. മനുപ്രിയയോട് സംസാരിച്ചു. കാര്യം പറഞ്ഞു ബോധ്യപ്പെടുത്തി. അഞ്ചു ദിവസത്തിനുശേഷം വിവാഹം നടക്കും-മോഹന്‍ കുമാര്‍ എമിറേറ്റ് പോര്‍ട്ടലിനു നല്‍കിയ അഭിമുഖത്തില്‍ വ്യക്തമാക്കി.

തൃക്കരിപ്പൂര് പ്രവാസി അസോസിയേഷന്‍ (തൃപ) പാരന്റിംഗ് ക്ലാസ്സ്‌ പ്രവാസികള്‍ക്ക് വേറിട്ട അനുഭവമായി

2012-01-30T18:23:00.004+04:00

റിയാദ്:‍ തൃക്കരിപ്പൂര് നിവാസികളുടെ പൊതുവേദിയായ തൃക്കരിപ്പൂര് പ്രവാസി അസോസിയേഷന്‍ (തൃപ) പാരന്റിംഗ് ക്ലാസ്സ്‌ പ്രവാസികള്‍ക്ക് വേറിട്ട അനുഭവമായി. ബത്ഹ ന്യൂ സഫാമക്ക പോളിക്ലിനിക് ഓഡിറ്റോറിയത്തില്‍ നടന്ന ക്ലാസ്സ്‌ തൃപ പ്രസിഡന്‍ഡ്‌ ടി.വി.പി.ഖാലിദിന്റെ അധ്യക്ഷതയില്‍ റിയാദ് ഇന്ത്യന്‍ മീഡിയ ഫോറം പ്രസിഡന്‍ഡ്‌‍ ഷകീബ് കൊളക്കാടന്‍ ഉത്ഘാടനം ചെയ്തു. തൃപ എക്സിക്യുടിവ് മെമ്പര്‍ വി.കെ.പി.ബഷീര്‍ രൂപകല്പനചെയ്ത ലോഗോ ഉപദേശക സമിതി മെമ്പര്‍ അബ്ദുല്‍സലാം തൃകരിപുര്‍ പ്രകാശനം ചെയ്തു. ഏഷ്യനെറ്റ് പ്രതിനിതി നാസര്‍കാരന്തൂര്‍, പ്രവാസി എഴുത്തുകാരനും ന്യൂസഫാമക്ക ക്ലിനിക് പ്രതിനിധിയുമായ റഫിഖ് പന്നിയങ്കര എന്നിയവര്‍ ആശംസകള്‍നേര്‍ന്നു. ഷാഹിദ് ബീരിചെരി സംഘടന പ്രവര്‍ത്തനങ്ങള് പരിചയപെടുത്തി. മുന്‍ സൗദി ഇന്ത്യന്‍ അംബാസഡറും കേരള ഗവേര്‍ണരുമായ എം.ഒ.എച്. ഫാരുഖിന്ടെ മരണത്തില്‍ അനുശോചിച്ചു. സിജി സീനിയര് ട്രെയിനെര്‍ പി.പി.അബ്ദുല്‍ ലതീഫ് നേതൃത്വത്തില്‍ കുട്ടികളോടുള്ള പെരുമാറ്റം, ഇന്റര്‍നെറ്റിന്റെയും മോബൈലിന്ടെയും ശരിയായ ഉപയോഗം കുട്ടികള്‍ക്ക് ബോധ്യപ്പെടുത്തേണ്ട ആവശ്യകത, റിമോട്ട് പാരെണ്ടിങ്ങിന്ടെ പ്രാധാന്യം തുടങ്ങിയ വിഷയങ്ങള്‍ സദസ്സിനു പുതിയ അറിവുകള്‍ പകര്‍ന്നു.അബ്ദുല്‍ സലാം.വീ.പീ.പി, പത്മനാഭന്‍.ടി.കെ, അബ്ദുല്‍ ഖാദര്‍ മാടംബില്ലത്, ജമാല്‍.വി.പി, യാസര്‍.വീ.പീ.പി, ശിഹാബ്.പി, സുബൈര്‍.എം.വി എന്നിവര്‍ നേത്രത്യവും ഇസ്മയില്‍കാരോളം സ്വാഗതവും ഷാഹിദ് ബീരിച്ചേരി നന്ദിയും പറഞ്ഞു.

ദുബയില്‍ ഡ്രൈവിങ് പഠനം ഇനി കടുകട്ടി

2012-01-30T17:35:00.002+04:00

ദുബയ്: ദുബയില്‍ ഡ്രൈവിങ് ലൈസന്‍സ് സ്വന്തമാക്കാന്‍ ഇനി അല്‍പ്പം പ്രയാസപ്പെടേണ്ടി വരും. ഗതാഗത മേഖലയില്‍ വന്‍ പരിഷ്‌കാരങ്ങള്‍ക്കാണ് ആര്‍ടിഎ ഒരുങ്ങുന്നത്. ഡ്രൈവിങ് ടെസ്റ്റ് പാസായതുകൊണ്ടു മാത്രം ഇനി ആര്‍ക്കും ലൈസന്‍സ് കിട്ടില്ല. ഹൈവേയില്‍ രണ്ടുമണിക്കൂറെങ്കിലും വാഹനമോടിച്ച് കഴിവ് തെളിയിക്കണം. കൂടാതെ നല്ലൊരു പരീക്ഷയും ഉണ്ടാവും. കയറ്റം, ഇറക്കം, ഹൈവേ, സിറ്റി എന്നീ വിഭാഗങ്ങളിലായാണ് ഡ്രൈവറുടെ കഴിവ് പരിശോധിക്കുക. കൂടാതെ ഡ്രൈവിങ് പരിശീലനകേന്ദ്രങ്ങളുടെ ഗുണനിലവാരം ഉയര്‍ത്താനും പദ്ധതിയുണ്ട്. പാഠ്യരീതികള്‍ ഏകോപിക്കുന്നതോടൊപ്പം പരിശീലനം അതോറിറ്റിയുടെ നിരീക്ഷണത്തിനു കീഴിലായിരിക്കുകയും ചെയ്യും. പരിശീലകര്‍ക്കു തുടര്‍ച്ചയായ പരിശീലനപരിപാടികള്‍ സംഘടിപ്പിക്കും.

എയര്‍ ഇന്ത്യയില്‍ നിന്ന് സ്വര്‍ണം നഷ്ടപ്പെട്ടതായി പരാതി

2012-01-28T18:29:00.002+04:00

മസ്‌ക്കറ്റ്: മസ്കറ്റില്‍നിന്നു കരിപ്പൂരിലെത്തിയ യാത്രക്കാരന്‍റെ ബാഗില്‍നിന്നു സ്വര്‍ണാഭരണം നഷ്ടപെട്ടതായി പരാതി. വടകര കാര്‍ത്തിക പള്ളി കൂര്‍ക്കയില്‍ വിനോദിന്‍റെ ബാഗെജില്‍നിന്നാണു രണ്ടര പവന്‍റെ ആഭരണങ്ങള്‍ കാണാതായത്. ബുധനാഴ്ച എയര്‍ ഇന്ത്യയുടെ മസ്കറ്റ് വിമാനത്തിലാണ് ഇദ്ദേഹം കരിപ്പൂരിലെത്തിയത്. കസ്റ്റംസ് പരിശോധന കഴിഞ്ഞു ബാഗ് പരിശോധിച്ചപ്പോഴാണു സ്വര്‍ണാഭരണം നഷ്ടപ്പെട്ടതായി കണ്ടെത്തിയത്. പിന്നീട് എയര്‍ ഇന്ത്യക്കു പരാതി നല്‍കിയെങ്കിലും സ്വീകരിച്ചില്ലെന്നു വിനോദ് ആരോപിച്ചു.

എ.ജി.സി.ബഷീറിനും സി.എച്ച്.സെന്റിര്‍ ഭാരവാഹികള്ക്കും അല്‍ ഐനില്‍ സ്വീകരണം നല്‍കി

2012-01-28T17:26:00.005+04:00

അല്‍ഐന്‍: അല്‍ ഐന്‍ കെ.എം.സി.സി കാസറഗോഡ് ജില്ലാ കമ്മിറ്റിയുടെ ആഭിമുഖ്യത്തില്‍ മുസ്ലിംലീഗ് കാസറഗോഡ് ജില്ലാ സെക്രട്ടറി എ.ജി.സി.ബഷീറിനും തൃക്കരിപ്പൂര്‍ സി.എച്ച്.സെന്റര്‍ ഭാരവാഹികള്ക്കും അല്‍ ഐന്‍ ടോപ്പ്‌ ഫൈവ്‌ ഹോട്ടലില്‍ വെച്ച് സ്വീകരണം നല്‍കി. ഇര്ഷാ്ദ്‌ മുത്തലിബിന്റെ ഖിറാഅത്തോടുകൂടി ആരംഭിച്ച പരിപാടിയില്‍ പൂക്കോയതങ്ങള്‍ പ്രാര്ത്ഥന നടത്തി. എം.അബ്ദുള്‍ റഹീമിന്റെ് അദ്ധ്യക്ഷതയില്‍ അല്ഐന്‍ കെ.എം.സി.സി.ആക്റ്റിംഗ് പ്രസിഡണ്ട്‌ ഹുസൈന്‍ കരിങ്ങപ്പാറ ഉല്ഘാ്ടനം ചെയ്തു. മെമ്പര്ഷിപ്പിന്റെ ജില്ലാതല ഉല്ഘാടനം ജില്ലാ വൈസ്പ്രസിഡണ്ട് ഖാദര്‍ ഹാജി സാഹിബ് നിര്‍‌വഹിച്ചു. കെ.എം.സി.സി.ജില്ലാ ഓര്‍ഗനൈസിംഗ് സെക്രട്ടറി മുസ്തഫ തെക്കേകാട് അതിഥികളെ പരിചയപ്പെടുത്തി.എ.ജി.സി.ബഷീര്‍ സാഹിബ് മുഖ്യപ്രഭാഷണം നടത്തി. എം.എ.സി.കുഞ്ഞബ്ദുള്ള, ഒ.ടി.അഹമ്മദ്‌ ഹാജി, പൂക്കോയതങ്ങള്‍, മൊയ്തീന്‍ ഹാജി, കുഞ്ഞഹമ്മദ് വാണിമേല്‍, സൈനുദ്ധീന്‍ കണ്ണൂര്‍, കാസിം മാസ്റ്റര്‍, ഷാഹി തുടങ്ങിയവര്‍ സംസാരിച്ചു. കെ,എം.സി.സി.ജില്ലാ ജനറല്‍ സെക്രട്ടറി മുത്തലിബ് കാടങ്ങോട് സ്വാഗതവും ജില്ലാ സെക്രട്ടറി അഷ്‌റഫ്‌.പി നന്ദിയും പറഞ്ഞു .

നിതാഖാത്ത്: വന്‍കിട പദ്ധതികള്‍ ഏറ്റെടുക്കില്ല

2012-01-28T16:48:00.000+04:00

ദമാം: നിതാഖാത്ത് പദ്ധതി മൂലം ആവശ്യത്തിനു തൊഴിലാളികളെ ലഭിക്കാത്തതിനാല്‍ വന്‍കിട പദ്ധതികള്‍ ഏറ്റെടുക്കാന്‍ കോണ്‍ട്രാക്റ്റിങ് കമ്പനികള്‍ തയാറാകുന്നില്ല. തൊഴില്‍ മന്ത്രാലയത്തിന്‍റെ സങ്കീര്‍ണമായ നടപടികളുടെ പശ്ചാത്തലത്തില്‍ വിദേശ വിദഗ്ധ തൊഴിലാളികളെ റിക്രൂട്ട് ചെയ്യാന്‍ സാധിക്കാത്തത് ഈ രംഗത്ത് നിരവധി കടമ്പകള്‍ സൃഷ്ടിക്കുന്നു. പദ്ധതികള്‍ ഏറ്റെടുക്കാന്‍ കഴിയാത്തതിന്‍റെ ഉത്തരവാദിത്വം തൊഴില്‍ മന്ത്രാലയത്തിനാണെന്നു കമ്പനികള്‍ വ്യക്തമാക്കി. വന്‍കിട കരാര്‍ കമ്പനികളെ നിതാഖാത്ത് പദ്ധതി നിരാശയിലാക്കുന്നുവെന്നും റിപ്പോര്‍ട്ട്.

സി.എച്ച് സെന്റര് ഗള്‍ഫ് ക്യാമ്പയിനും കുടുംബസംഗമവും വെള്ളിയാഴ്ച

2012-01-26T20:25:00.002+04:00

ദുബൈ: ത്രിക്കരിപ്പൂരില് പ്രവര്‍ത്തനമാരംഭിച്ച സി.എച്ച് സെന്ററിന്റെ പ്രചരണാര്‍ത്ഥം നടത്തുന്ന ഗള്‍ഫ് ക്യാമ്പയിനിന്റെ ഉദ്ഘാടനവും കുടുംബ സംഗമവും ജനുവരി 27 വെള്ളിയാഴ്ച വൈകുന്നേരം 6 മണി മുതല് ആരംഭിക്കും. ദുബൈ–ത്രിക്കരിപ്പൂര് പഞ്ചായത്ത് കെഎംസിസി.കമ്മിറ്റിയുടെ നേതൃത്വത്തില് ദേര യൂനിയന് മെട്രോസ്റ്റേഷന് സമീപത്തുള്ള ലോട്ടസ് ഡൌണ് ടൌണ് ഹോട്ടലില്നടക്കുന്ന ചടങ്ങില് സി.എച്ച് സെന്ററ് ഗള്‍ഫ് ക്യാമ്പയിന് ഉദ്ഘാടനം, കുടുംബ സംഗമം, ഡോക്യുമെന്ററി പ്രദര്‍ശനം ,ഇശല് രാവ് എന്നിവ അരങ്ങേറും.സ്വാഗത സംഘം ചെയര്‍മാന് വി.വി.കാസിം മെട്ടമ്മലിന്റെ അദ്ധ്യക്ഷതയില് അല് ഹത്ബൂര് ഗൂപ്പ് സി.ഇ.ഒ എഞ്ചി:എം.സലാഹുദ്ധീന് ചടങ്ങ് ഉദ്ഘാടനം ചെയ്യും. ഡി.എം. ഹെല്‍ത്ത് കെയര് ഗ്രൂപ്പ് ചെയര്‍മാന് പത്മശ്രീ ഡോ: ആസാദ് മൂപ്പന് മുഖ്യാതിഥിയായിരിക്കും. യു.എ.ഇ കെ.എം.സി.സി ജന:സെക്രട്ടറി ഇബ്രാഹിം എളേറ്റില്, ദുബൈ കെ.എം.സി.സി ട്രഷറര് ഹുസൈനാര് ഹാജി എടച്ചാക്കൈ, ത്രിക്കരിപ്പൂര് ഗ്രാമ പഞ്ചായത്ത് പ്രസിഡണ്ട് എ.ജി.സി. ബഷീര്, അല് മസ്‌റൂയി ഗ്രൂപ്പ് എം.ഡി. എഞ്ചി: അബ്‌ദുള് റഹിമാന്, മലബാര് ഗോള്‍ഡ് കോ:ചെയര്‍മാന് പി.എ.ഇബ്രാഹി ഹാജി,രമേഷ് പയ്യന്നൂര്(ഏഷ്യാനെറ്റ് റേഡിയോ),സി.എച്ച് സെന്റര് ചെയര്‍മാന് എം.എ.സി കുഞ്ഞബ്‌ദുള്ള ഹാജി, ട്രഷറര് ഒ.ടി.അഹമ്മദ് ഹാജി, അസീസ് ഹാജി പടന്ന, ജില്ലാ കെ.എം.സി.സി പ്രസിഡണ്ട് ഹംസ തൊട്ടി, മണ്ഡലം കെ.എം.സി.സി പ്രസിഡണ്ട് എം.സി. മുഹമ്മദ് കുഞ്ഞി, അബൂദാബി– ത്രിക്കരിപ്പൂര് കെ.എം.സി.സി സെക്രട്ടറി സി. മുഹമ്മദ് സെമീര് തുടങ്ങിയപ്രമുഖര് ചടങ്ങില് സംബന്ധിക്കും. സി.എച്ച് സെന്ററിന് ലോഗോ തയ്യാറാക്കിയ

ഷുക്കൂർ ഉടുമ്പുന്തലക്ക് ചടങ്ങിൽ വെച്ച് ഉപഹാരം സമർപ്പിക്കും. തുടര്‍ന്ന് നടക്കുന്ന ഇശല് രാവിന് പ്രമുഖ പ്രവാസി കലാകാരന്മാര് നേതൃത്വം നല്‍കും. പരിപാടിയിൽ പങ്കെടുക്കാനെത്തുവർക്ക് വിശാലമായ കാർ പാർക്കിംഗ് സംവിധാനവും ഒരുക്കിയിട്ടുണ്ട്. കൂടുറ്റല്‍ വിവരങ്ങള്‍ക്ക് 0558283683, 0503988390, 0502071577 എന്നീ നമ്പറുകളില്‍ ബന്ധപ്പെടുക

തൃക്കരിപ്പൂര് പ്രവാസി അസോസിയേഷന്‍ അനുശോചിച്ചു

2012-01-26T18:30:00.000+04:00

റിയാദ്: തന്ടെ പ്രസംഗ പാടവതിലുടെ കേരളത്തിന്ടെ സാഗര ഗര്‍ജനമായിമാറിയ ഡോക്ടര്‍ സുകുമാര്‍ അഴീക്കോടിന്റെ നിര്യാണത്തില്‍ റിയാദ് തൃക്കരിപ്പൂര് പ്രവാസി അസോസിയേഷന്‍ (തൃപ) അനുശോചിച്ചു.എഴുത്തുകാരന്‍,‍ അദ്യപകന്‍,പണ്ഡിതന്‍, പ്രഭാഷകന്‍ എന്നീ നിലകളില്‍ അതുല്യനായ അഴീക്കോട് മാഷിന്റെ നിര്യാണം സാംസ്കാരിക കേരളത്തിന് നികത്താന്‍ പറ്റാത്തതാണെന്ന് ഭാരവാഹികള്‍ പറഞ്ഞു.

മുങ്ങാനൊരുങ്ങിയ ബിസിനസ്സുകാരനെ പൊക്കി

2012-01-26T01:06:00.000+04:00

ദുബയ്: 25 കോടി ദീര്‍ഹത്തോളം പണം തിരിച്ചടയ്ക്കാതെ മുങ്ങാനുള്ള ബിസിനസ്സുകാരെ ദുബയ് പോലിസ് പിടികൂടി. പെട്രോളിയം ഉത്പന്നങ്ങളുടെ ഡീലറായ ഇയാള്‍ ബാങ്കിനു നല്‍കിയ 25 കോടി ദീര്‍ഹത്തിന്റെ ചെക്ക് മടങ്ങിയിരുന്നു. ബാങ്കില്‍ നിന്നു പരാതി ലഭിച്ചതിനെ തുടര്‍ന്ന് കഴിഞ്ഞ ഒരാഴ്ചയായി പോലിസ് ഇയാള്‍ക്കുവേണ്ടിയുള്ള തിരച്ചിലായിരുന്നു. വിമാനത്താവളത്തില്‍ നിന്നാണ് ഇയാളെ പിടികൂടിയത്. ഇപ്പോള്‍ റാഫ പോലിസ് സ്‌റ്റേഷനിലുള്ള ഇയാളെ ചോദ്യം ചെയ്തുകൊണ്ടിരിക്കുകയാണ്. മറ്റേതെങ്കിലും സാമ്പത്തിക തട്ടിപ്പില്‍ ഇയാള്‍ പങ്കാളിയാണോയെന്ന കാര്യം അന്വേഷിച്ചുകൊണ്ടിരിക്കുകയാണ്- ആന്റി ക്രൈം ഡിവിഷന്‍ മേധാവി കേണല്‍ അഹമ്മദ് ബിന്‍ ഖലീഫ അറിയിച്ചു.

വീട്ടു ജോലിക്ക് ഇലക്ട്രോണിക് വിസ

2012-01-26T00:21:00.002+04:00

ജിദ്ദ: സൗദിയില്‍ വീട്ടുജോലിക്കാരെ കൊണ്ടുവരാനുള്ള വിസ നടപടികള്‍ ഓണ്‍ലൈനാക്കുന്നു. സ്വദേശികളും വിദേശികളും ഗാര്‍ഹിക വിസയ്ക്കായി അപേക്ഷിച്ചാല്‍ ഉടന്‍ തീരുമാനം ലഭിക്കും. നിലവിലുള്ള ഏഴ് ലേബര്‍ ഓഫിസുകള്‍ക്കു പകരം രാജ്യത്തെ 41 ഓഫിസുകളിലും ഇനി മുതല്‍ ഇത്തരം വിസകള്‍ ലഭ്യമാവും. ഇതോടെ ഗാര്‍ഹികാവശ്യങ്ങള്‍ക്കുള്ള വിസയ്ക്ക് അപേക്ഷിക്കുന്നവര്‍ക്ക് ഓഫിസുകയറിയിറങ്ങേണ്ട ബുദ്ധിമുട്ട് ഒഴിവാക്കാനാവും. അല്‍ഖര്‍ജ് ലേബര്‍ ഓഫീസില്‍ പരീക്ഷണാടിസ്ഥാനല്‍ സേവനങ്ങള്‍ ഇലക്ട്രോണിക്‌സ് രീതിയിലേക്ക് മാറ്റിയത് വന്‍ വിജയമായിരുന്നു.

റിയാദ് ത്രിക്കരിപ്പൂര്‍ കൂട്ടായ്മ ബോധവത്കരണ ക്ലാസ്സ് വ്യാഴാഴ്ച

2012-01-24T15:13:00.000+04:00

റിയാദ്‌: റിയാദിലുള്ള തൃക്കരിപ്പൂര്‍ നിവാസികളുടെ കൂട്ടായ്‌മ തൃക്കരിപ്പൂര്‍ പ്രവാസി അസോസിയേഷന്റെ ആഭിമുഖ്യത്തില്‍ "പ്രവാസികളും പാരന്റിംഗും" എന്ന വിഷയത്തില്‍ ബോധവല്‍കരണ ക്ലാസ് വ്യഴാഴ്ച (ജനുവരി 26) വൈകുന്നേരം 8.00 മണിക്ക് ബതാ ന്യൂ സഫാമക്ക ഓഡിറ്റോറിയത്തില്‍വെച്ച് നടത്തും. കൂടുതല്‍ വിവരങ്ങള്‍ക്ക് കമ്മിറ്റിയുമായി ബന്ധപ്പെടുക.

സി.എച്ച് സെന്റര്‍ ഗള്ഫ് ക്യാമ്പയിനും ത്രിക്കരിപ്പൂര്‍ കുടുംബസംഗമവും ഒരുക്കങ്ങൾ പൂർത്തിയായി

2012-01-23T18:39:00.003+04:00

ദുബൈ: ത്രിക്കരിപ്പൂരില്‍ പ്രവര്ത്തനമാരംഭിച്ച സി.എച്ച് സെന്ററിന്റെ പ്രചരണാര്ത്ഥം നടത്തുന്ന ഗള്ഫ് ക്യാമ്പയിനിന്റെ ഉദ്ഘാടനവും ത്രിക്കരിപ്പുര്‍ കുടുംബ സംഗമവും ജനുവരി 27 വെള്ളിയാഴ്ച വൈകുന്നേരം 6 മണി മുതല്‍ ആരംഭിക്കും. ദുബൈ – ത്രിക്കരിപ്പൂര്‍ പഞ്ചായത്ത് കെ.എം.സി.സി കമ്മിറ്റിയുടെ നേതൃത്വത്തില് ദേര യൂനിയന്‍ മെട്രോ സ്റ്റേഷന് സമീപത്തുള്ള ലോട്ടസ് ഡൌണ്‍ ടൌണ്‍ ഹോട്ടലില്‍ നടക്കുന്ന ചടങ്ങില്‍ സി.എച്ച് സെന്ററ് ഗള്ഫ്ോ ക്യാമ്പയിന്‍ ഉദ്ഘാടനം, കുടുംബ സംഗമം, ഡോക്യുമെന്ററി പ്രദര്‍ശനം, ഇശല്‍ രാവ് എന്നിവ അരങ്ങേറും. സ്വാഗത സംഘം ചെയര്മാന്‍ വി.വി. കാസിം മെട്ടമ്മലിന്റെ അദ്ധ്യക്ഷതയില്‍ അല്‍ ഹത്ബൂര്‍ ഗൂപ്പ് സി.ഇ.ഒ എഞ്ചി: എം. സലാഹുദ്ധീന്‍ ചടങ്ങ് ഉദ്ഘാടനം ചെയ്യും. ഡി.എം. ഹെല്ത്ത് കെയര്‍ ഗ്രൂപ്പ് ചെയര്മാന് പത്മശ്രീ ഡോ: ആസാദ് മൂപ്പന്‍ മുഖ്യാതിഥിയായിരിക്കും. യു.എ.ഇ കെ.എം.സി.സി ജന: സെക്രട്ടറി ഇബ്രാഹിം എളേറ്റില്‍, ദുബൈ കെ.എം.സി.സി ട്രഷറര്‍ ഹുസൈനാര്‍ ഹാജി എടച്ചാക്കൈ, ത്രിക്കരിപ്പൂര്‍ ഗ്രാമ പഞ്ചായത്ത് പ്രസിഡണ്ട് എ.ജി.സി. ബഷീര്‍, അല്‍ മസ്‌റൂയി ഗ്രൂപ്പ് എം.ഡി. എഞ്ചി: അബ്‌ദുള്‍ റഹിമാന്‍, മലബാര്‍ ഗോള്ഡ് കോ: ചെയര്മാന്‍ പി.എ. ഇബ്രാഹി ഹാജി, രമേഷ് പയ്യന്നൂര്‍ (ഏഷ്യാനെറ്റ് റേഡിയോ), സി.എച്ച് സെന്റര്‍ ചെയര്മാന്‍ എം.എ.സി കുഞ്ഞബ്‌ദുള്ള ഹാജി, ട്രഷറര്‍ ഒ.ടി. അഹമ്മദ് ഹാജി, അസീസ് ഹാജി പടന്ന, ജില്ലാ കെ.എം.സി.സി പ്രസിഡണ്ട് ഹംസ തൊട്ടി, മണ്ഡലം കെ.എം.സി.സി പ്രസിഡണ്ട് എം.സി. മുഹമ്മദ് കുഞ്ഞി, അബൂദാബി – ത്രിക്കരിപ്പൂര്‍ കെ.എം.സി.സി സെക്രട്ടറി സി. മുഹമ്മദ് സെമീര്‍ തുടങ്ങിയ പ്രമുഖര്‍ ചടങ്ങില്‍ സംബന്ധിക്കും. സി.എച്ച് സെന്ററിന് ലോഗോ തയ്യാറാക്കിയ ഷുക്കൂർ ഉടുമ്പുന്തലക്ക് ചടങ്ങിൽ വെച്ച് ഉപഹാരം സമർപ്പിക്കും. തുടര്‍ന്ന് നടക്കുന്ന ഇശല്‍ രാവിന് പ്രമുഖ പ്രവാസി കലാകാരന്മാര്‍ നേതൃത്വം നല്കും. പരിപാടിയിൽ പങ്കെടുക്കാനെത്തുവർക്ക് വിശാലമായ കാർ പാർക്കിംഗ് സംവിധാനവും ഒരുക്കിയിട്ടുണ്ട്

സ്വാഗത സംഘം യോഗത്തില്‍ വി.വി. കാസിം അദ്ധ്യക്ഷനായിരുന്നു. എം. അബ്‌ദുള്ള, എന്‍.പി. ഹമീദ്, ഇബ്രാഹിം കൈക്കോട്ട് കടവ്, റഷീദ് വള്വനക്കാട്, സലാം തട്ടാനിച്ചേരി, ടി. മുഹമ്മദലി, എം. സലാം, ഷുക്കൂര്‍ ഉടുമ്പുന്തല, ആഷിഖ്.എന്‍.കൂലേരി, ജുനൈദ് വടക്കുമ്പാട്, ഷഹനാസ് അലി, ഇഖ്‌ബാല്‍ എന്‍.പി. വള്വ്ക്കാട്, ഇല്യാസ് കടവില്, മുഹമ്മദ് ഉടുമ്പുന്തല തുടങ്ങിയര്‍ സംസാരിച്ചു. അഫ്സല്‍ എ.സി. സ്വാഗതവും അഷ്‌റഫ് കോളേത്ത് നന്ദിയും പറഞ്ഞു.

എസ്.കെ.പി. മഹ്‌മൂദിന് യാത്രയയപ്പ് നല്‍കി.

2012-01-23T17:56:00.000+04:00

ദുബൈ: നീണ്ട 30 വര്‍ഷം പ്രവാസ ജീവിതം മതിയാക്കി നാട്ടിലേക്ക് പോകുന്ന എസ്.കെ.പി മഹമൂദിന് അല്‍ അറബ് ഫ്രന്‍സ് യാത്രയയപ്പ് നല്‍കി. 1982ല്‍ ദുബായിയില്‍ എത്തിയ എസ്.കെ.പി 28 വര്‍ഷവും ജോലി ചെയ്‌തത് കഫ്‌റ്റീരിയയിലായിരുന്നു. കഫ്‌റ്റീരിയയിലെ ജോലിക്കിടയിലും സാമൂഹ്യ ജീവകാരുണ്യ പ്രവര്‍ത്തനങ്ങളില്‍ എന്നും നിറഞ്ഞ് നിന്ന വ്യക്തിത്വമായിരുന്നു. കെ.എം.സി.സിയുടെ സജീവ പ്രവര്‍ത്തകനായിരുന്നു. മഹ്‌റൂഫിന്റെ അദ്ധ്യക്ഷതയില്‍ ദുബൈ കെ.എം.സി.സി. അംഗം സി.എച്ച് നൂറുദ്ധീന്‍ യോഗം ഉദ്ഘാടനം ചെയ്‌തു. അബ്‌ദുള്ള എം.പി, അനസ് കൂലേരി, ഇബ്രാഹിം എം.പി, മുനീര്‍.എം, റഷീദ്, മുത്തലിബ്, സലാം, മുഹമ്മദ് എന്നിവര്‍ സംസാരിച്ചു. ജലീല്‍ നന്ദി പറഞ്ഞു.

സി.എം : ആലസ്യം പിടികൂടാത്ത നിസ്സ്വര്തനായ കര്മയോഗി: ത്വഖ മുസ്ലിയാര്‍

2012-01-23T17:05:00.001+04:00

ദുബായ് : ചെയ്യുന്ന സേവനങ്ങള്‍ക്ക് വേണ്ടി വിലപേശാതെയും ആലസ്യം പിടികൂടാതെയും ജീവിച്ച നിസ്വാര്‍ത്ഥനായ കര്മയയോഗിയാണ് സി .എം .അബ്ദുള്ള മുസ്ലിയരെന്നു പ്രമുഖ പണ്ഡിതനും മംഗലാപുരം ഖാസിയുമായ താഖ മുഹമ്മദ്‌ മുസ്ലിയാര്‍ അഭിപ്രായപ്പെട്ടു .ദുബായ് കാസര്ഗോഡ് ജില്ല എസ് .കെ .എസ് .എസ് .എഫ് .സംഘടിപ്പിച്ച സി.എം .അബ്ദുള്ള മുസ്ലിയാര്‍ അനുസ്മരണ യോഗത്തില്‍ അനുസ്മരണ പ്രഭാഷണം നടത്തുകയായിരുന്നു താഖ. കാസര്ഗോഡ് ജില്ലയില്‍ മുസ്ലിം മത ഭൌതിക വിദ്യാഭ്യാസം കെട്ടിപ്പെടുക്കുന്നതില്‍ നിര്ണായക സ്വാധീനം വഹിച്ച അദ്ദേഹം വര്ത്ത മാന സമൂഹത്തില്‍ ഒരു മുസ്ലിം പണ്ഡിതന്‍ എങ്ങിനെ ആയിരിക്കണമെന്ന് തന്റെ ജീവിതത്തിലൂടെ നമ്മെ പഠിപ്പിച്ചു .

കെ. എം .സി .സി ഹാളില്‍ നടന്ന ചടങ്ങില്‍ പ്രസിടന്റ്റ് ശാഫിഹാജി ഉദുമ അധ്യക്ഷം വഹിച്ചു . ദുബായ് സുന്നി സെന്റെര്‍ പ്രസിഡന്റ്‌ സയ്യിദ് ഹാമിദ് കൊയമ്മ തങ്ങള്‍ ഉദ്ഘാടനം ചെയ്തു . .സമസ്ത കാസര്ഗോഡ് ജില്ല സെക്രെട്രി യു .എം .അബ്ദുല്‍ റഹ്മാന്‍ മുസ്ലിയാര്‍ , ഖത്തര്‍ ഹാജി ,സിംസാറുല്‍ ഹക് ,കലീലുറഹ്മാന്‍ കാഷിഫി , എന്‍ .എ .കരീം , സകരിയ ദാരിമി , ഹസൈനാര്‍ തോട്ടുംബാഗം ,ടി .കെ .സി .കാദര്‍ ഹാജി ,മൊയ്തു നിസാമി , കീഴൂര്‍ അബ്ദുള്ള ഹാജി , സലാം ഹാജി വെല്‍ഫിറ്റ് ,കെ .വി .വി .കുഞ്ഞബ്ടുള്ള വള്വക്കാട്, അഷ്ഫാക് മജ്ജേശ്വരം ,എം .ബി .എ .കാദര്‍ ചന്ദേര, കബീര്‍ പെരുംബട്ട ,താഹിര്‍ മുഗു എന്നിവര്‍ പ്രസംഗിച്ചു ,

ഖത്തറില്‍ വാഹനാപകടം: കരിവെള്ളൂര്‍ സ്വദേശി മരണപ്പെട്ടു

2012-01-23T00:27:00.002+04:00

ദോഹ‍: ഖത്തറിലെ ദോഹയിലുണ്ടായ വാഹനാപകടത്തില്‍ കരിവള്ളൂര്‍ തെക്കെ മണക്കാട്ടെ മാവില പത്തായപ്പുരയില്‍ ഈശ്വരന്‍ നമ്പ്യാര്‍(54) മരിച്ചു. അഷ്‌കാല്‍ എന്ന സ്ഥാപനത്തില്‍ ജീവനക്കാരനാണ്. വ്യാഴാഴ്ച രാത്രി സുഹുത്തുക്കള്‍ക്കൊപ്പം ജോലി സ്ഥലത്തുനിന്നു മടങ്ങുമ്പോഴാണ് അപകടമുണ്ടായത്. പിതാവ്: പരേതനായ തമ്പാടന്‍ അടിയോടി, മാതാവ്: എംപി പാറുകുട്ടിയമ്മ. ഭാര്യ: കെപി രമ. മക്കള്‍: രമ്യ, സൗമ്യ, അഞ്ജന. മരുമകന്‍: എന്‍ വി പ്രശാന്ത്. സഹോദരങ്ങള്‍: ഉഷ, ഇന്ദിര, ദയാളന്‍

എ.ജി.സി ബഷീറിന് അല്‍ ഐനില്‍ സ്വീകരണം നല്‍കും

2012-01-23T00:23:00.001+04:00

അല്‍ഐന്‍: അല്‍ഐന്‍ കെ.എം.സി.സി കാസറഗോഡ് ജില്ലാ കമ്മിറ്റിയുടെ ആഭിമുഖ്യത്തില്‍ മുസ്ലിംലീഗ് കാസറഗോഡ് ജില്ലാ സെക്രട്ടറി എ.ജി.സി ബഷീറിനും തൃക്കരിപ്പൂര് സി.എച്ച് സെന്‍റര്‍ ഭാരവാഹികള്‍ക്കും 26/01/2012 വ്യാഴാഴ്ച രാത്രി 8 മണിക്ക് അല്‍ഐനിലുള്ള ടോപ്‌ ഫൈവ് ഹോട്ടലില്‍വെച്ച് സ്വീകരണം നല്‍കും. എം.അബ്ദുള്‍റഹീം അധ്യക്ഷത വഹിച്ച യോഗം കെ.പി.ഷാഹി ഉല്‍ഘാടനം ചെയ്തു. അബ്ദുള്‍ഖാദര്‍ഹാജി , അബ്ദുള്‍നാസര്‍, പി, മുസ്തഫ തെക്കേകാട്, ഷക്കീര്‍, മുനീര്‍.എന്‍.പി, സിദ്ധീഖ്.കെ.എം, മുനീര്‍.കെ.കെ. എന്നിവര്‍സംസാരിച്ചു. അബ്ദുള്‍മുത്തലിബ് സ്വാഗതവും അഷ്‌റഫ്‌.പി നന്ദിയും പറഞ്ഞു.

യുഎഇയില്‍ തണുപ്പ് വര്‍ധിച്ചു.

2012-01-22T07:14:00.002+04:00

ദുബായ്: യുഎഇയില്‍ തണുപ്പ് വര്‍ധിച്ചു. വരും ദിവസങ്ങളില്‍ തണുപ്പ് കനക്കുമെന്നു കാലാവസ്ഥാ നിരീക്ഷകര്‍. ഇറാക്കിനു മുകളില്‍ രൂപപ്പെട്ട ശൈത്യക്കാറ്റാണു യുഎഇയിലെ തണുപ്പിനു കാരണമാകുന്നത്. ഗള്‍ഫ് കടലുകളില്‍ പത്തടിയിലേറെ ഉയരമുള്ള തിരമാലകള്‍ക്ക് വടക്കന്‍ കാറ്റ് കാരണമായേക്കാം. രാത്രികാലങ്ങളില്‍ കടല്‍ പ്രക്ഷുബ്ധമാകാന്‍ സാധ്യത. വടക്കു പടിഞ്ഞാറ് ദിശയില്‍ അനുഭവപ്പെടുന്ന മണല്‍ക്കാറ്റ് ദൂരക്കാഴ്ച കുറയ്ക്കാന്‍ ഇടയുണ്ട്. അതിനാല്‍ വാഹനയാത്രക്കാര്‍ ജാഗ്രത പാലിക്കണം.

പബ്ലിക് സ്‌കൂള്‍ അഡ്മിഷന്‍ 22 മുതല്‍

2012-01-21T19:30:00.001+04:00

അബുദാബി: പബ്ലിക് സ്‌കൂളുകളില്‍ അടുത്ത അദ്ധ്യയന വര്‍ഷത്തേക്കുള്ള അഡ്മിഷന്‍ നടപടികള്‍ ജനുവരി 22 മുതല്‍ ആരംഭിക്കുമെന്ന് അബുദാബി എജ്യുക്കേഷന്‍ കൗണ്‍സില്‍ അറിയിച്ചു. രജിസ്‌ട്രേഷനെത്തുന്നവര്‍ പുതിയ എമിറേറ്റ് ഐഡന്റികാര്‍ഡും ഹാജരാക്കേണ്ടതാണ്.

കഴിഞ്ഞ വര്‍ഷങ്ങളിലെല്ലാം മാര്‍ച്ചിലാണ് രജിസ്‌ട്രേഷന്‍ ആരംഭിക്കാറുള്ളത്. അനാവശ്യമായ കാലതാമസം ഒഴിവാക്കുന്നതിനും കൂടുതല്‍ സുതാര്യമാക്കുന്നതിനുവേണ്ടിയാണ് ഇത്തവണ രജിസ്‌ട്രേഷന്‍ നേരത്തെ ആരംഭിക്കുന്നതെന്ന് അധികൃതര്‍ അറിയിച്ചു. ഓരോ സ്‌കൂളിലും എത്ര കുട്ടികളുണ്ട്? അവര്‍ക്ക് ആനുപാതികമായ അധ്യാപകരുണ്ടോ? ഇത്തരം കാര്യങ്ങള്‍ നേരത്തെ അറിയേണ്ടതുണ്ട്. കെജി മുതല്‍ പ്ലസ്ടുവരെയുള്ള രജിസ്‌ട്രേഷനും ജനുവരി 22 മുതല്‍ മാര്‍ച്ച് 22 വരെയുള്ള ദിവസങ്ങളില്‍ നടക്കും. പ്രവാസികള്‍ക്കുള്ള രജിസ്‌ട്രേഷന്‍ സമയം മാര്‍ച്ച് 18 മുതല്‍ 22 വരെയാണ്. ഒഴിവുകളുടെ 20 ശതമാനം വരെ പ്രവാസി വിദ്യാര്‍ത്ഥികളെ ഉള്‍പ്പെടുത്താന്‍ അനുമതി നല്‍കിയിട്ടുണ്ട്. പക്ഷേ, അറബിയിലും ഇംഗ്ലീഷിലും കണക്കിലും 90 ശതമാനത്തിലധികം മാര്‍ക്ക് നേടണമെന്നുമാത്രം.

ഹജ്ജ് അപേക്ഷ: പാസ്പോര്‍ട്ട് ആവശ്യമില്ലെന്ന് കേന്ദ്രം

2012-01-20T16:12:00.002+04:00

കൊണ്ടോട്ടി: സംസ്ഥാന ഹജ്ജ് കമ്മറ്റി മുഖേനയുള്ള ഹജ്ജ് അപേക്ഷയ്ക്കൊപ്പം പാസ്പോര്‍ട്ട് നല്‍കണമെന്ന തീരുമാനം കേന്ദ്ര ഹജ്ജ് കമ്മിറ്റി ലഘൂകരിച്ചു. പാസ്പോര്‍ട്ടിനു പകരം കോപ്പി നല്‍കിയാല്‍ മതിയെന്നാണ് ഇന്നലെ ചേര്‍ന്ന കേന്ദ്ര ഹജ്ജ് കമ്മിറ്റി യോഗം തീരുമാനിച്ചിരിക്കുന്നത്. അപേക്ഷകര്‍ക്ക് പാസ്പോര്‍ട്ട് ഉണ്ടായിരിക്കണമെന്ന നിര്‍ബന്ധമുള്ളതിനാലാണു പാസ്പോര്‍ട്ടിന്‍റെ കോപ്പി വേണമെന്നു നിര്‍ബന്ധിക്കുന്നത്. ഈ വര്‍ഷത്തെ ഹജ്ജ് അപേക്ഷാ സ്വീകരണവും വിതരണ വും മാര്‍ച്ച് ഒന്നു മുതല്‍ ഏപ്രില്‍ 15 വരെ. അപേക്ഷകളിലുള്ള നറുക്കെടുപ്പ് മെയ് ആദ്യവാരം. മക്കയില്‍ ഈ വര്‍ഷത്തെ ഹജ്ജിന് ഗ്രീന്‍, അസീസിയ കാറ്റഗറികളിലായിരിക്കും താമസ സൗകര്യം.

ഐഡികാര്‍ഡ്: പ്രവാസികള്‍ക്കും ഓണ്‍ലൈന്‍ സൗകര്യം

2012-01-20T15:01:00.002+04:00

ദുബയ്: യുഎഇയില്‍ തിരിച്ചറിയാല്‍ കാര്‍ഡിനായി പ്രവാസികള്‍ക്കും ഇനി ഓണ്‍ലൈനിലൂടെ അപേക്ഷ സമര്‍പ്പിക്കാം. തദ്ദേശിയര്‍ക്ക് ഓണ്‍ലൈന്‍ സൗകര്യം കഴിഞ്ഞ മാസം തന്നെ നിലവില്‍ വന്നിരുന്നു. ഇതോടെ അപേക്ഷനല്‍കാന്‍ ഓഫിസുകള്‍ കയറിറങ്ങേണ്ട കാര്യമില്ല. വീട്ടിലിരുന്ന് ഓണ്‍ലൈന്‍ പൂരിപ്പിച്ച് കൊടുക്കാം. ഒപ്പം നേരിട്ട് ഹാജരാവാനുള്ള സൗകര്യപ്രദമായ സമയവും വ്യക്തമാക്കണം. 40 ദീര്‍ഹമാണ് ഓണ്‍ലൈന്‍ രജിസ്‌ട്രേഷനുള്ള ചാര്‍ജ്. മറ്റു ചാര്‍ജ്ജുകളില്‍ വ്യത്യാസമില്ല. ഈ സൗകര്യം ഉപയോഗിച്ച് കാര്‍ഡ് പുതുക്കാനും മാറ്റിയെടുക്കാനും സാധിക്കും. ആദ്യം എമിറേറ്റ് ഐഡന്റിറ്റി അതോറിറ്റിയുടെ വെബ്‌സൈറ്റ് തുറന്ന് എക്കൗണ്ട് ഉണ്ടാക്കുകയാണ് വേണ്ടത്. ഈ സൗകര്യമുപയോഗിച്ച് ഒരാള്‍ക്ക് ഒരു ദിവസം 20 ഫോമുകള്‍ സമര്‍പ്പിക്കാന്‍ പറ്റും. പക്ഷേ, ഈ സൗകര്യത്തെ ആരെങ്കിലും വാണിജ്യപരമായി ഉപയോഗപ്പെടുത്തുകയാണെങ്കില്‍ അവര്‍ക്കെതിരേ കര്‍ശന നടപടിയെടുക്കുമെന്ന് അതോറിറ്റി വ്യക്തമാക്കിയിട്ടുണ്ട്.

ത്രിക്കരിപ്പൂര്‍ പഞ്ചായത്ത് കെ.എം.സി.സി അടിയന്തിര പ്രവര്‍ത്തക സമിതി യോഗം

2012-01-19T00:20:00.002+04:00

ദുബൈ: ദുബൈ–ത്രിക്കരിപ്പൂര്‍ പഞ്ചായത്ത് കെ.എം.സി.സി അടിയന്തിര പ്രവര്‍ത്തക സമിതി യോഗം ജനുവരി 19 വ്യാഴാഴ്ച വൈകീട്ട് 8 മണിക്ക് ദേര അല്‍റാസിലുള്ള നോവല്‍റ്റി റസ്റ്റോറന്റില്‍ വെച്ച് ചേരുമെന്ന് ദുബൈ–ത്രിക്കരിപ്പൂര്‍ പഞ്ചായത്ത് കെ.എം.സി.സി. ജന: സെക്രട്ടറി അഫ്‌സല്‍. എ.സി. മെട്ടമ്മല്‍ അറിയിച്ചു

സൗദി എക്‌സ്‌ചേഞ്ച് സൈറ്റില്‍ ഇസ്രായേല്‍ ആക്രമണം

2012-01-19T00:18:00.002+04:00

റിയാദ്: ഗള്‍ഫ് മേഖലയിലെ പ്രമുഖ രാജ്യങ്ങളായ സൗദി അറേബ്യയിലെയും യുഎഇയിലെയും സ്റ്റോക്ക് എക്‌സ്‌ചേഞ്ച് സൈറ്റുകള്‍ ഇസ്രായേല്‍ ഹാക്കര്‍മാര്‍ തകര്‍ത്തു. വാസ്തവത്തില്‍ ഇസ്രായേലിലെ ടെല്‍അവീവ് സ്‌റ്റോക്ക് എക്‌സ്‌ചേഞ്ച് വെബ്‌സൈറ്റ് തകര്‍ത്താണ് ഹാക്കര്‍മാരെ ഈ കടുംകൈക്ക് പ്രേരിപ്പിച്ചത്. ഇസ്രായേല്‍ ബാങ്ക് എക്കൗണ്ടുകള്‍ വിദേശത്ത് നിന്ന് ഓപ്പറേറ്റ് ചെയ്യുന്നവരുടെ കംപ്യൂട്ടര്‍ ഹാക്ക് ചെയ്താണ് സംഘം ടെല്‍ അവീവ് സ്റ്റോക്ക് എക്‌സ്‌ചേഞ്ച് വെബ്‌സൈറ്റുവരെയെത്തിയത്. ഇത്തരത്തിലുള്ള ഗുരുതരമായ സുരക്ഷിതത്വ വീഴ്ചകള്‍ ഇനി ആവര്‍ത്തിക്കില്ലെന്ന് അധികൃതര്‍ ആവര്‍ത്തിച്ചു വ്യക്തമാക്കിയിട്ടുണ്ട്. സൗദി അറേബ്യ, ഇറാന്‍, അള്‍ജീരിയ എന്നിവിടങ്ങളില്‍ നിന്നുള്ള ഐപികളിലൂടെയാണ് ആക്രമണം നടന്നത്. ഇതിനു പ്രതികാരമെന്നോളം സൗദി അറേബ്യയിലെയും യുഎഇയിലെയും സ്‌റ്റോക്ക് എക്‌സ്‌ചേഞ്ച് സൈറ്റുകള്‍ക്കും ബാങ്ക് സൈറ്റുകള്‍ക്കും നേരെ വ്യാപകമായി ഹാക്കിങ് ശ്രമങ്ങള്‍ നടന്നു.

കുടുംബ സംഗമം: ലോഗോ പ്രകാശനം ചെയ്തു

2012-01-17T07:07:00.003+04:00

ദുബൈ: ജനുവരി ഇരുപത്തി ഏഴിന് ദേര ലോട്ടസ് ഡൌണ്‍ ടൌണ്‍ ഹോടലില്‍ വെച്ച് നടക്കുന്ന തൃക്കരിപ്പൂര്‍ സസി.എച്ച്.സെന്റെര്‍ ഗള്‍ഫ്‌ കംപയ്ന്‍ ഉദ്ഘാടനവും,കുടുംബ സംഗമത്തിന്റെയും ലോഗോ പ്രകാശനം അല്‍ ഹത്ബൂര്‍ ഗ്രൂപ്പ്‌സി.ഇ.ഒ യും മിംസ് ഡയരക്ടറുമായ എഞ്ചിനീയര്‍ സലാഹുദ്ധീന്‍ സ്വാഗത സംഗം ചെയര്‍മാന്‍ വി.വി.കാസിം മെട്ടമ്മലിനു നല്‍കി പ്രകാശന കര്‍മ്മം നിര്‍വഹിച്ചു. ചടങ്ങില്‍ സലാം തട്ടാനിച്ചേരി, അഷ്‌റഫ്‌ തങ്കയം, എം.അബ്ദുള്ള, എന്നിവര്‍ സംബന്ധിച്ചു.

സൗദിയില്‍ സെയില്‍സ് മാന്‍ വിസ അനുവദിക്കുന്നതു നിര്‍ത്തലാക്കി

2012-01-15T22:41:00.002+04:00

ജിദ്ദ: സൗദിയില്‍ സ്ത്രീകള്‍ക്കായുളള കടകളിലേക്കു സെയില്‍സ് മാന്‍ വിസ അനുവദിക്കുന്നതു തൊഴില്‍ മന്ത്രാലയം നിര്‍ത്തലാക്കി. ലേഡീസ് ഷോപ്പില്‍ സ്വദേശിവത്കരണം നടപ്പാക്കുന്നതിന്‍റെ ഭാഗമായാണു നടപടി. ഇതോടെ ജോലിക്ക് അപേക്ഷിച്ച സ്വദേശി വനിതകളുടെ എണ്ണം കൂടി. നിയമം നടപ്പാക്കിയെന്ന് ഉറപ്പു വരുത്താന്‍ ഒരു മാസത്തിനു ശേഷം അധികൃതര്‍ ഷോപ്പില്‍ പരിശോധന നടത്തും. ഇത്തരം കടകളില്‍ നിന്നു കുറഞ്ഞ വേതനമാണു നല്‍കുന്നതെന്ന പരാതി പരിഹിക്കുമെന്നും അധികൃതര്‍ അറിയിച്ചു.

ദുബായില്‍ മലയാളി കുടുംബം ആത്മഹത്യയ്ക്കു ശ്രമിച്ചു; ഗൃഹനാഥനും കുഞ്ഞും മരിച്ചു

2012-01-15T19:28:00.005+04:00

ദുബായ്‌: ദുബായില്‍ മലയാളി കുടുംബം അത്മഹത്യയ്ക്ക്‌ ശ്രമിച്ചു. കണ്ണൂര്‍ ചക്കരക്കല്ല്‌ മാച്ചേരി ദ്വാരകയില്‍ റിജേഷ്‌ (36), മകള്‍ അവന്തിക (5) എിവരാണ്‌ മരിച്ചത്‌. ഭാര്യ ശ്രീഷ (30) ദുബൈ റാശിദ്‌ ആശുപത്രിയിലെ തീവ്രപരിചരണ വിഭാഗത്തില്‍ ചികിസയിലാണ്‌. ആത്മഹത്യ ചെയ്യാന്‍ ഉണ്ടായ സാഹചര്യം വ്യക്തമല്ല. ബര്‍ദുബൈ അല്‍ മുസ ടവറിന്‌ പിന്നിലെ ഇവരുടെ ഫ്ളാറ്റില്‍ ഇന്നലെ ഉച്ചയോടെയാണ്‌ സംഭവം. റിജേഷ്‌ കുഞ്ഞിനും ശ്രീഷയ്ക്കും വിഷം നല്‍കിയ ശേഷം തൂങ്ങി മരിച്ചതായിട്ടാണ്‌ പ്രാഥമിക നിഗമനം. ശ്രീഷയുടെ കഴുത്തിലും കൈയിലും മുറിവുകളുണ്ട്‌. ശ്രീഷ ഇപ്പോള്‍ അപകടനില അപകട നില തരണം ചെയ്തതായി ഡോക്ടര്‍മാര്‍ പറഞ്ഞു. ഷാര്‍ജയിലുള്ള സഹോദരന്‍ റീബേഷ്‌ റിജേഷിന്‍റെ മൊബൈലില്‍ ബന്ധപ്പെട്ടെങ്കിലും ആരും ഫോണ്‍ എടുക്കാതിരുന്നതിനെ തുടര്‍ന്ന് സുഹൃത്തുക്കളെ വിവരമറിയിക്കുകയായിരുന്നുവത്രെ. സുഹൃത്തുകള്‍ എത്തിയപ്പോള്‍ വാതി അകത്തുനി്‌ പൂട്ടിയ നിലയിലായിരുു. വിവരമറിയിച്ചതനുസരിച്ച്‌ എത്തിയ പൊലീസ്‌ വാതില്‍ തകര്‍ത്ത്‌ അകത്ത്‌ കടന്നാണ്‌ ശ്രീഷയെ ആശുപത്രിയിലേക്ക്‌ മാറ്റിയത്‌. ദുബൈ എയര്‍പോര്‍ട്ട്‌ ഫ്രീസോണിലെ പനാസോണിക്‌ ഏജന്‍സിയിലാണ്‌ റിജേഷ്‌ ജോലി ചെയ്യുന്നത്‌. ശ്രീഷ അല്‍ റയാമിയില്‍ ജീവനക്കാരിയായിരുന്നു. റിജീഷ്‌ 10 വര്‍ഷത്തോളമായി യു.എ.ഇയിലുണ്ട്. ഇന്നലെ രാവിലെ ഫ്ളാറ്റില്‍ നിന്ന് കരച്ചില്‍ കേട്ടിരുന്നതായി പരിസരവാസികള്‍ പറഞ്ഞു. മരണ കാരണം അറിവായിട്ടില്ല. അവന്തിക ദുബൈയിലെ കിന്റര്‍ഗാര്‍ടന്‍ സ്കൂളില്‍ കെ.ജി 2 വിദ്യാര്‍ഥിനിയാണ്‌.

യുവതി എട്ടാംനിലയില്‍ നിന്നു വീണു മരിച്ചു

2012-01-15T18:52:00.001+04:00

ഷാര്‍ജ: അല്‍ സഫിയ പാര്‍ക്കിനടുത്തുള്ള അല്‍മജാസ് പ്രദേശത്തുള്ള ഒരു കെട്ടിടത്തിന്റെ എട്ടാം നിലയില്‍ നിന്നും റഷ്യന്‍ യുവതി വീണു മരിക്കാനിടയായ സംഭവത്തെ കുറിച്ച് പോലിസ് അന്വേഷണം തുടങ്ങി. ശനിയാഴ്ച ഏഴുമണിക്കാണ് പോലിസ് കണ്‍ട്രോള്‍ റൂമിലേക്ക് അപകടത്തെ കുറിച്ചുള്ള ഫോണ്‍കോള്‍ വന്നത്. ഫോറന്‍സിക് വിദഗ്ധരുമായി സംഘം എത്തുമ്പോള്‍ 28കാരിയായ യുവതി മരണവുമായി മല്ലടിക്കുകയായിരുന്നു. തലയ്ക്കു ഗുരുതരമായി പരിക്കേറ്റ യുവതി അല്‍പ്പസമയത്തിനുശേഷം മരിച്ചു. അലിന പെര്‍കോവ് എന്ന യുവതി ഈജിപ്തുകാരനായ കാമുകനൊപ്പം ഫഌറ്റിലാണ് താമസിച്ചിരുന്നത്. ഈജിപ്ത് പൗരനെ പോലിസ് കസ്റ്റഡിയിലെടുത്തിട്ടുണ്ട്. രണ്ടു വര്‍ഷം മുമ്പാണ് റഷ്യന്‍ യുവതി യുഎഇയിലെത്തിയത്.

സൗദി നഴ്‌സുമാരുടെ നൃത്തം വിവാദമാവുന്നു

2012-01-13T23:40:00.001+04:00

ജിദ്ദ: സൗദിയിലെ സര്‍ക്കാര്‍ ആശുപത്രിയില്‍ നടന്ന ഒരു ജന്മദിനാഘോഷപരിപാടിക്കിടെ ഏഷ്യയില്‍ നിന്നുള്ള നഴ്‌സുമാര്‍ പുരുഷന്മാരോടൊപ്പം ചേര്‍ന്ന് നൃത്തം ചെയ്യുന്ന വീഡിയോ ദൃശ്യങ്ങള്‍ ഓണ്‍ലൈനില്‍ പരക്കുന്നു. ഇതിനെ കുറിച്ച് ആരോഗ്യമന്ത്രാലയം അന്വേഷണം ആരംഭിച്ചിട്ടുണ്ട്. സൗദി ആശുപത്രികളിലും പൊതുസ്ഥലങ്ങളിലും ഇത്തരത്തിലുള്ള നൃത്തം നിരോധിച്ചിട്ടുള്ള പശ്ചാത്തലത്തില്‍ യുട്യൂബിലൂടെ പരക്കുന്ന വീഡിയോകളെ അതീവ ഗൗരവത്തോടെയാണ് അധികൃതര്‍ കാണുന്നത്. പുറത്തിറങ്ങിയ മൂന്നു വീഡിയോ ദൃശ്യങ്ങളും ഉദ്യോഗസ്ഥര്‍ പരിശോധിച്ചുകൊണ്ടിരിക്കുകയാണ്. ദൃശ്യങ്ങളില്‍ നിന്ന് പ്രശസ്തമായ കിങ് ഫഹദ് ആശുപത്രിയിലാണ് നൃത്തവിരുന്ന് നടന്നിട്ടുള്ളതെന്ന് വ്യക്തമായി. ഫിലിപ്പീന്‍സില്‍ നിന്നും ഇന്തോനേഷ്യയില്‍ നിന്നുമുള്ള നഴ്‌സുമാരാണ് ദൃശ്യത്തിലുള്ളത്. ഹൊഫൗഫ് കിങ് ഫഹദ് ആശുപത്രി വിവാദം, കിങ് ഫഗദ് ആശുപത്രിയിലെ നാഥനില്ലാത്ത അവസ്ഥ, നഴ്‌സുമാരുടെ ബെര്‍ത്ത്‌ഡേ ഡാന്‍സിങ് പാര്‍ട്ടി എന്നീ പേരുകളാണ് വീഡിയോക്ക് നല്‍കിയിട്ടുള്ളത്.

ഇതിഹാദിന് ട്രാവല്‍ ഓസ്‌കാര്‍ പുരസ്‌കാരം

2012-01-13T23:34:00.001+04:00

അബുദാബി: ലോകത്തെ ഏറ്റവും മികച്ച വിമാനസര്‍വീസിനുള്ള പുരസ്‌കാരം തുടര്‍ച്ചയായി മൂന്നാം തവണയും യുഎഇ ഔദ്യോഗിക എയര്‍ലൈനായ ഇതിഹാദ് നേടി. വാള്‍ സ്ട്രീറ്റ് ജേര്‍ണല്‍ ട്രാവല്‍ രംഗത്തെ ഓസ്‌കാര്‍ എന്നുവിശേഷിപ്പിക്കുന്ന പുരസ്‌കാരമാണിത്. ദോഹയില്‍ നടന്ന ചടങ്ങിലാണ് പുരസ്‌കാരങ്ങള്‍ പ്രഖ്യാപിച്ചത്. ട്രാവല്‍ മേളയുടെ ഭാഗമായി ഏഴ് അന്താരാഷ്ട്ര റൂട്ടുകള്‍ ഇതിഹാദ് പ്രഖ്യാപിച്ചിരുന്നു. കൂടാതെ ജര്‍മനിയിലെ ഏറ്റവും വലിയ രണ്ടാമത്തെ എയര്‍ലൈനായ എയര്‍ബെര്‍ലിന്‍ ഓഹരികളുടെ 29 ശതമാനവും കമ്പനി കരസ്ഥമാക്കി.

യാത്രക്കാര്‍ക്കായി കൂടുതല്‍ സൗകര്യമൊരുക്കുമെന്ന് കമ്പനിയുടെ ചീഫ് എക്‌സിക്യുട്ടീവ് ഓഫീസര്‍ ജെയിംസ് ഹോഗന്‍ അറിയിച്ചു. വിമാനത്തിനുള്ളില്‍ വിവിധ വിനോദപരിപാടികളും ആകാശത്തിലും മൊബൈലും ഇന്റര്‍നെറ്റും ഉപയോഗിക്കാനുള്ള സൗകര്യവുമാണ് ഇതില്‍ പ്രധാനപ്പെട്ടത്.

മൊബൈലില്‍ സംസാരിച്ചു ഡ്രൈവിംഗ് : ഇന്ത്യക്കാര്‍ മുന്നില്‍

2012-01-13T23:23:00.002+04:00

ദുബൈ: ഗള്‍ഫില്‍ മൊബൈലില്‍ സംസാരിച്ചു വാഹനം ഓടിക്കുന്നവരില്‍ കൂടുതല്‍ ഇന്ത്യക്കാരെന്നു റിപ്പോര്‍ട്ട്. സ്വദേശികളും പാക്കിസ്ഥാനികളുമാണു രണ്ടും മൂന്നും സ്ഥാനത്ത്. വാഹനം ഓടിക്കുന്നതിനിടെ മൊബൈല്‍ ഉപയോഗിക്കുന്നത് അപകടം വര്‍ധിപ്പിക്കുന്നു. ഡ്രൈവര്‍മാരുടെ ശ്രദ്ധ തിരിയുകയും അപകങ്ങള്‍ക്കു കാരണമാകുകയും ചെയ്യുന്നു. ഇതു തടയാന്‍ മന്ത്രാലയം ശക്തമായ നടപടി സ്വീകരിച്ചു കഴിഞ്ഞതായി അധികൃതര്‍.

സൌദിയില്‍ വിസ കച്ചവടത്തിന് കടുത്ത ശിക്ഷ

2012-01-12T20:44:00.003+04:00

റിയാദ്: പണം വാങ്ങിയുള്ള വിസ കച്ചവടവും സ്പോണ്‍സര്‍ഷിപ്പും കുറ്റക്കരമെന്നു സൗദി തൊഴില്‍ മന്ത്രാലയം. ഇതു മനുഷ്യ കച്ചവടത്തിന്‍റെ പരിധിയില്‍ വരും. നിയമം ലംഘിക്കുന്നവര്‍ക്കു കടുത്ത ശിക്ഷ നല്‍കും. തൊഴില്‍ തര്‍ക്കങ്ങളില്‍ വേഗത്തില്‍ തീര്‍പ്പു കല്‍പ്പിക്കാന്‍ നടപടിയെടുക്കും. സ്വദേശി- വിദേശി തൊഴിലാളികള്‍ക്കു ശമ്പളം കൃത്യമായി ലഭിക്കുന്നുണ്ടോയെന്ന് ഉറപ്പുവരുത്താന്‍ വേതനം ബാങ്കുകള്‍ വഴിയാക്കും. തൊഴിലാളികളുടെ പരാതികള്‍ കേള്‍ക്കുന്നതിനും പരിഹാരം കാണുന്നതിനും ഹോട്ട് ലൈന്‍ സംവിധാനം നടപ്പാക്കുമെന്നും മന്ത്രാലയം അറിയിച്ചു.

എട്ടിക്കുളം സ്വദേശി അബൂദാബിയില്‍ അപകടത്തില്‍ മരിച്ചു

2012-01-12T18:56:00.002+04:00

അബുദാബി: വാഹനാപകടത്തില്‍ മലയാളി ദാരുണമായി വെന്തുമരിച്ചു. എട്ടിക്കുളം സ്വദേശി കണ്ടത്തില്‍ നവാസ്(23)ആണ് മരിച്ചത്. അബുദാബിയിലെ ഗയാത്തില്‍ ബുധനാഴ്ച രാത്രി നവാസ് ഓടിച്ചിരുന്ന വാഹനം മറ്റൊരു വാഹനവുമായി കൂട്ടിയിടിച്ചതിനെ തുടര്‍ന്ന് തീപിടിക്കുകയായിരുന്നു. വാഹനത്തിനുള്ളില്‍ കുടുങ്ങിപോയ നവാസിന് പുറത്തിറങ്ങാന്‍ സാധിച്ചില്ല. അഗ്നിശമനസേനാ പ്രവര്‍ത്തകരും പോലിസും ഏത്തുമ്പോഴേക്കും വാഹനം പരിപൂര്‍ണമായും കത്തിനശിച്ചിരുന്നു. ദുബയില്‍ ജോലി ചെയ്യുന്ന മുഹമ്മദ് കുഞ്ഞിയാണ് പിതാവ്. മാതാവ്: കുഞ്ഞായിശു. സഹോദരങ്ങള്‍: നൗഷാദ്(അബുദാബി), നസീമ.

ദുബായില്‍ ജനുവരി 18ന് കാര്‍ ഫ്രീഡേ

2012-01-12T18:04:00.000+04:00

ദുബയ്: ജനുവരി 18ലെ 'കാര്‍ ഫ്രീ' പ്രചാരണം വിജയിപ്പിക്കുവാന്‍ ദുബയ് മുന്‍സിപ്പാലിറ്റി നടപടികള്‍ തുടങ്ങി. കാര്‍ ഉപയോഗിക്കാത്ത ഈ ദിവസത്തില്‍ മന്ത്രിമാരും ഡയറക്ടര്‍ ജനറല്‍മാരും വിവിധ സര്‍ക്കാര്‍ ഉദ്യോഗസ്ഥരും പങ്കുചേരുന്നുണ്ട്. ദുബയില്‍ 3000ഓളം കാറുകള്‍ റോഡിലിറങ്ങില്ലെന്നാണ് കണക്കാക്കുന്നത്. കാറിനു പകരം ബസ്, മെട്രോ സംവിധാനം ഉപയോഗിച്ച് യാത്ര ചെയ്യാനാണ് തീരുമാനം.

നഗരത്തില്‍ ഒരു കാര്‍ പോലും ഓടാത്ത ഒരു ദിവസമാണ് മുന്‍സിപ്പാലിറ്റിയുടെ സ്വപ്‌നം-ഡയറക്ടര്‍ ജനറല്‍ ഹുസൈന്‍ നാസര്‍ ലൂട്ട അറിയിച്ചു. അടുത്ത വര്‍ഷം മുതല്‍ കൂടുതല്‍ സര്‍ക്കാര്‍ സ്ഥാപനങ്ങളെയും സ്വകാര്യ സ്ഥാപനങ്ങളെയും ഈ പ്രചാരണത്തിനു കീഴില്‍ അണിനിരത്താന്‍ ശ്രമിക്കും. ഒരു ദിവസം കാര്‍ ഫ്രീ ആയി ആചരിക്കുന്നതുമൂലം വര്‍ഷത്തില്‍ ഏകദേശം 10 ടണ്‍ കാര്‍ബണ്‍ ഡയോക്‌സൈഡ് മാലിന്യം കുറയ്ക്കാന്‍ സാധിക്കും. കാര്‍ ഫ്രീ ഡേയില്‍ മുന്‍സിപ്പാലിറ്റിയുടെ കീഴിലുള്ള കാര്‍ പാര്‍ക്കിങ് സ്ഥലങ്ങളെല്ലാം അടച്ചിടും. വിവിധ സ്വകാര്യസ്ഥാപനങ്ങള്‍ ഈ ഉദ്യമത്തിന് പിന്തുണ പ്രഖ്യാപിച്ചിട്ടുണ്ട്.

സൗദി വിമാന താവളങ്ങളില്‍ ഇ- ഗേറ്റുകള്‍ സ്ഥാപിക്കും

2012-01-11T22:25:00.001+04:00

റിയാദ് : സൗദി വിമാന താവളങ്ങളില്‍ ഇ- ഗേറ്റുകള്‍ സ്ഥാപിക്കും. വിരലടയാള സംവിധാനങ്ങള്‍ ഏര്‍പ്പെടുത്തിയ ശേഷവും കുറ്റവാളികള്‍ രക്ഷപെടുന്നതായി ആഭ്യന്തര മന്ത്രാലയം കണ്ടെത്തിയതിനെ തുടര്‍ന്നാണിത്. പിടികിട്ടാപ്പുള്ളികള്‍ക്കും കുറ്റവാളികള്‍ക്കും മുന്നില്‍ കവാടങ്ങള്‍ തുറക്കില്ല. പിടികിട്ടാപ്പുള്ളികളുടെ വിവരങ്ങളടങ്ങിയ കംപ്യൂട്ടറുകള്‍ കവാടങ്ങളുമായി ബന്ധപ്പെടുത്തുന്നതിനാലാണിത്. പരീക്ഷണാടിസ്ഥാനത്തില്‍ റിയാദിലെയും ദമാമിലെയും താവളങ്ങളില്‍ 10 ഇ- ഗേറ്റുകള്‍ സ്ഥാപിക്കും.

പാര്‍ക്കിംഗില്‍ എഞ്ചിന്‍ ഓഫ് ചെയ്തില്ലെങ്കില്‍ പിഴ

2012-01-11T22:11:00.003+04:00

ദുബായ് : റോഡരികില്‍ എന്‍ജിന്‍ ഓഫാക്കാതെ പാര്‍ക്ക് ചെയ്യുന്ന വാഹനങ്ങള്‍ക്കു പിഴ ചുമത്തുമെന്നു ദുബായ് പൊലീസ്. 300 ദിര്‍ഹമാണു പിഴയൊടുക്കേണ്ടി വരിക. എന്‍ജിന്‍ ഓണ്‍ ചെയ്തു പാര്‍ക്ക് ചെയ്യുന്നതു മോഷ്ടാക്കള്‍ക്കു സഹായകമാകുന്നതായി കണ്ടെത്തിയതോടെയാണിത്. മുന്‍വര്‍ഷം കവര്‍ച്ച ചെയ്യപ്പെട്ട കാറുകളില്‍ പത്തു ശതമാനവും ഇത്തരത്തില്‍ പാര്‍ക്ക് ചെയ്തവയാണ്. വിലപിടിപ്പുള്ള വസ്തുക്കളും രേഖകളും പാര്‍ക്ക് ചെയ്ത വാഹനങ്ങളില്‍ സൂക്ഷിക്കരുതെന്നും പൊലീസ് അറിയിച്ചു.

കുറ്റബോധം വേട്ടയാടി, മോഷ്ടിച്ച പണം തിരിച്ചുനല്‍കി

2012-01-11T18:57:00.002+04:00

കുവൈത്ത് സിറ്റി: അടുത്ത കൂട്ടുകാരിയുടെ ബാങ്ക് എക്കൗണ്ടില്‍ നിന്ന് പണം അടിച്ചുമാറ്റിയ കുവൈത്ത് അധ്യാപികയ്ക്ക് മാനസാന്തരം. പോലിസ് സ്‌റ്റേഷനിലെത്തി തുടര്‍ച്ചയായി കരയാന്‍ തുടങ്ങിയ യുവതിയെ ഏറെ നേരം സമാധാനിപ്പിച്ചതിനുശേഷമാണ് പോലിസിനു കാര്യം പിടികിട്ടിയത്. ടീച്ചരെ വളരെയധികം വിശ്വാസമായിരുന്ന കൂട്ടുകാരി ബാങ്ക് എക്കൗണ്ട് പാസ്‌വേര്‍ഡ് പറഞ്ഞുകൊടുത്തിരുന്നു. എക്കൗണ്ടില്‍ നിന്ന് 6450 ഡോളറാണ് അടിച്ചുമാറ്റിയത്. എന്നാല്‍ ഈ പണം എടുത്തതോടെ ടീച്ചര്‍ക്ക് മനസ്സമാധാനത്തോടെ ഉറങ്ങാന്‍ സാധിച്ചില്ല. പേടി സ്വപ്‌നങ്ങള്‍ കണ്ട്‌ ഞെട്ടി ഉണരുക പതിവായി.

ഒടുവില്‍ രണ്ടു കല്‍പ്പിച്ച് പോലിസ് സ്‌റ്റേഷനിലെത്തി കുറ്റം ഏറ്റുപറയുകയായിരുന്നു. പണം തിരിച്ചുനല്‍കിയാല്‍ മാത്രമേ സമാധാനത്തോടെ ഉറങ്ങാന്‍ സാധിക്കൂ. പോലിസ് ഉദ്യോഗസ്ഥന്‍ ഉടന്‍ തന്നെ കൂട്ടുകാരിയെ വിളിച്ചുവരുത്തി പ്രശ്‌നം പരിഹരിച്ചു. അറബ് പ്രവാസികളായ രണ്ടു പേരും കുവൈത്ത് സിറ്റിയിലെ ഒരേ അപ്പാര്‍ട്ട്‌മെന്റിലാണ് താമസം

പ്രവാസികള്‍ക്ക് ആധാര്‍ തിരിച്ചറിയല്‍ നല്‍കും

2012-01-10T19:43:00.002+04:00

ദുബൈ: പ്രവാസി ഇന്ത്യക്കാര്‍ക്കു കൂടി ഏകീകൃത തിരിച്ചറിയല്‍ കാര്‍ഡ് (ആധാര്‍) നല്‍കണമെന്ന കേരളത്തിന്‍റെ ആവശ്യം കേന്ദ്രം തത്വത്തില്‍ അംഗീകരിച്ചതായി മുഖ്യമന്ത്രി ഉമ്മന്‍ ചാണ്ടി. ഏകീകൃത തിരിച്ചറിയല്‍ കാര്‍ഡിന്‍റെ വിതരണം ഇന്ത്യയില്‍ പൂര്‍ത്തിയാകുന്ന മുറയ്ക്കു വിദേശ ഇന്ത്യക്കാര്‍ക്കും നല്‍കും. വോട്ടര്‍ പട്ടികയില്‍ പേരുണ്ടെങ്കില്‍ തിരിച്ചറിയല്‍ കാര്‍ഡ് നല്‍കാന്‍ എളുപ്പമായിരിക്കും. അടുത്ത വര്‍ഷത്തെ പ്രവാസി ഭാരതീയ ദിവസ് കൊച്ചിയില്‍ നടത്തണമെന്നു കേന്ദ്ര സര്‍ക്കാരിനോട് ആവശ്യപ്പെടും. പ്രവാസികള്‍ക്ക് വോട്ടവകാശം നല്‍കിയതോടെ അവര്‍ എല്ലാ അവകാശങ്ങളുമുള്ള ഇന്ത്യന്‍ പൗരന്‍മാരായി. കഴിഞ്ഞ നിയമസഭാ തെരഞ്ഞെടുപ്പില്‍ ആയിരക്കണക്കിനു മലയാളികള്‍ വോട്ട് ചെയ്തു. ഓണ്‍ലൈനായി വോട്ടര്‍പട്ടികയില്‍ പേര് ചേര്‍ക്കാനുള്ള അവസരവും ലഭിക്കുന്നതോടെ കൂടുതല്‍ പേര്‍ക്കു വോട്ടവകാശം ലഭിക്കും.

എംബസികളില്‍ ആവശ്യത്തിനു ജീവനക്കാരില്ലാത്ത പ്രശ്നം വിദേശകാര്യ മന്ത്രാലയം ഏറ്റെടുത്തിട്ടുണ്ട്. 224 ജീവനക്കാരെ നിയമിക്കാനുള്ള നിര്‍ദേശത്തിനു ധനമന്ത്രാലയത്തിന്‍റെ അനുമതി ലഭിച്ചാലുടന്‍ കേന്ദ്ര മന്ത്രിസഭയില്‍ അവതരിപ്പിച്ചു പരിഹാരമുണ്ടാക്കും. നടപടിക്രമങ്ങളില്‍ വീഴ്ച വരുത്തിയും കബളിപ്പിക്കപ്പെട്ടും ഗള്‍ഫിലെ ജയിലുകളില്‍ കഴിയുന്നവരെ രക്ഷിക്കാന്‍ എംബസിയോടൊപ്പം പ്രവാസി സംഘടനകളും രംഗത്തു വരണം. അവര്‍ക്കു നിയമസഹായം ലഭ്യമാക്കണം. പ്രവാസി ബാങ്കും പ്രവാസി സര്‍വകലാശാലയും സ്ഥാപിക്കണമെന്ന ആവശ്യം സ്വാഗതാര്‍ഹമാണ്. സിയാല്‍ മോഡലാണ് ഇക്കാര്യത്തില്‍ പരിഗണിക്കുന്നത്. പ്രവാസി സര്‍വകലാശാല യാഥാര്‍ഥ്യമായാല്‍ പ്രവാസികളുടെ മക്കള്‍ക്കു കൂടുതല്‍ ഉന്നത വിദ്യാഭ്യാസ അവസരങ്ങള്‍ ലഭിക്കും. അടിസ്ഥാന സൗകര്യങ്ങളുടെ കാര്യത്തില്‍ വര്‍ഷങ്ങളാ യി കേരളം നിശ്ചലമാണ്. ചേര്‍ത്തല മുതല്‍ തൃശൂര്‍ വരെയാണു നാലുവരിപ്പാതയുള്ളത്. സ്ഥലമെടുപ്പാണ് ഏറ്റവും വലിയ പ്രശ്നം. കൊച്ചി മെട്രൊ പദ്ധതിയില്‍ നിന്ന് ഇ. ശ്രീധരനെ ഒഴിവാക്കില്ലെന്നും മുഖ്യമന്ത്രി.

കൂറ്റന്‍ സൗരോര്‍ജ പാര്‍ക്ക് പദ്ധതിക്ക് ദുബായില്‍ തുടക്കം

2012-01-10T17:08:00.000+04:00

ദുബായ് : വൈദ്യുതോര്‍ജ പ്രതിസന്ധിക്കു പരിഹാരം കണ്ടെത്തുന്നതിനായി കൂറ്റന്‍ സൗരോര്‍ജ പാര്‍ക്ക് പദ്ധതിക്ക് ദുബായില്‍ തുടക്കം കുറിച്ചു. 1200 കോടി ദിര്‍ഹം മുതല്‍മുടക്കില്‍ നടപ്പാക്കുന്ന പദ്ധതി മുഹമ്മദ് ബിന്‍ റാഷിദ് അല്‍ മഖ്ത്തൂം സോളാര്‍ പാര്‍ക്ക് എന്ന പേരിലായിരിക്കും അറിയപ്പെടുക. ദുബായ് സര്‍ക്കാരിന്‍റെ ഈ വര്‍ഷത്തെ ഏറ്റവും വലിയ പദ്ധതിയാണിത്. യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷേഖ് മുഹമ്മദ് ബിന്‍ റാഷിദ് അല്‍ മഖ്ത്തൂമാണ് പദ്ധതി ഉദ്ഘാടനം ചെയ്തത്. 1000 മെഗാവാട്ട് വൈദ്യുതി ഉത്പാദിപ്പിക്കാന്‍ പദ്ധതിയിലൂടെ കഴിയും. പദ്ധതിയുടെ ആദ്യഘട്ടം അടുത്തവര്‍ഷം പൂര്‍ത്തിയാകും.

മക്കയില്‍ വ്യവസായ നഗരം സ്ഥാപിക്കണമെന്നു നിര്‍ദേശം

2012-01-09T22:49:00.002+04:00

മക്ക: മക്കയില്‍ 5000 കോടി റിയാല്‍ ചെലവില്‍ വ്യവസായ നഗരം സ്ഥാപിക്കണമെന്നു നിര്‍ദേശം. ഇസ് ലാമിക രാജ്യങ്ങളുടെ സഹകരണത്തോടെ രൂപീകരിക്കാനാണു നിര്‍ദേശം. മക്ക ചേംബര്‍ ഒഫ് കൊമേഴ്സിനു സമര്‍പ്പിച്ച പഠന റിപ്പോര്‍ട്ടിലാണ് ഇക്കാര്യമുള്ളത്. ഇസ് ലാമിക രാജ്യങ്ങളുടെ വ്യാവസായിക പുരോഗതിയാണു ലക്ഷ്യം. ഇവിടങ്ങളിലെ ഉത്പന്നങ്ങളുടെ നിര്‍മാണവും കയറ്റുമതിയും വര്‍ധിക്കും. രാജ്യാന്തര കമ്പനികളുടെ ഫാക്റ്ററികള്‍ സ്ഥാപിക്കണം. ചെങ്കടലിനോടു ചേര്‍ന്നു 10 നിര്‍മാണ ഫാക്റ്ററികളാണു നിര്‍മിക്കുക. ഒരു ലക്ഷം തൊഴിലവസരങ്ങള്‍ സൃഷ്ടിക്കപ്പെടും. മക്കയില്‍ ഷെയര്‍ ഹോള്‍ഡുകള്‍ സ്ഥാപിക്കും. ഇതു വഴി ഇസ് ലാമിക രാജ്യങ്ങളില്‍ കമ്പനിയുടെ ഓഹരി വില്‍പ്പന നടത്താനാണു നീക്കം.

13കാരനെ ട്യൂഷന്‍ ടീച്ചര്‍ പീഢിപ്പിച്ചു

2012-01-09T18:45:00.002+04:00

ദുബയ്: പതിമൂന്നുകാരനെ ഒരുമാസത്തോളം ട്യൂഷനെടുക്കുന്ന അധ്യാപകന്‍ പ്രകൃതിവിരുദ്ധപീഡനത്തിന് വിധേയമാക്കിയതായി പരാതി. പാഠങ്ങള്‍ ഒന്നും ശരിയായി പഠിക്കുന്നില്ലെന്ന് മാതാപിതാക്കളോട് പരാതി പറയുമെന്ന് ഭീഷണിപ്പെടുത്തി ബാലന്റെ വസ്ത്രങ്ങളെല്ലാം അഴിച്ചുമാറ്റുകയായിരുന്നു പതിവ്. കുട്ടിയുടെ മാതാവ് ചെറിയൊരു മയക്കത്തിനായി മുറിയിലേക്ക് പോയിട്ടുണ്ടെന്ന് ഉറപ്പാക്കിയതിനുശേഷമായിരുന്നു അധ്യാപകന്റെ കടന്നുകയറ്റം. ഒരു ദിവസം പതിവുപോലെ കുട്ടിയോട് പാന്റ്‌സ് അഴിച്ചുമാറ്റാന്‍ അധ്യാപകന്‍ ആവശ്യപ്പെട്ട സമയത്ത് തന്നെ മാതാവ് കടന്നുവന്നതോടെ കള്ളിവെളിച്ചത്തായി.

അലറിവിളിച്ചുകൊണ്ട് മാതാവ് അറബി അധ്യാപകന്റെ അടുത്തേക്ക് ഓടിയടുത്തെങ്കിലും അയാള്‍ സമര്‍ത്ഥമായി രക്ഷപ്പെട്ടു. പരാതി കൊടുത്തതിനെ തുടര്‍ന്ന് പോലിസ് ഇയാളെ അറസ്റ്റ് ചെയ്തു.

ഗ്ളോബല്‍ വില്ളേജില്‍ ഇത്തവണയെത്തിയത് റെക്കോര്‍ഡ് ജനക്കൂട്ടം.

2012-01-09T13:54:00.000+04:00

ദുബൈ: എമിറേറ്റിലെ പ്രധാന വിനോദ കേന്ദ്രമായ ഗ്ളോബല്‍ വില്ളേജില്‍ ഇത്തവണയെത്തിയത് റെക്കോര്‍ഡ് ജനക്കൂട്ടം. നവംബര്‍ ഒന്നിന് സന്ദര്‍ശകര്‍ക്കായി തുറന്നത് മുതല്‍ ഡിസംബര്‍ 31 വരെ രണ്ട് മില്യന്‍ സന്ദര്‍ശകരാണ് ആഗോള ഗ്രാമത്തിലെത്തിയത്. ഗ്ളോബല്‍ വില്ളേജിലെത്തുന്ന സന്ദര്‍ശകരുടെ എണ്ണത്തിലുള്ള സര്‍വകാല റെക്കോര്‍ഡാണിത്.

ഗ്ളോബല്‍ വില്ളേജിന്‍െറ 16 വര്‍ഷത്തെ ചരിത്രത്തില്‍ ഏറ്റവും കൂടിയ സന്ദര്‍ശകരെയാണ് ഈ വര്‍ഷം പ്രതീക്ഷിക്കുന്നതെന്ന് സംഘാടകര്‍ അറിയിച്ചു. ഫെസ്റ്റിവെലിന്‍െറ ആദ്യ രണ്ട് ദിവസം ഇവിടെയെത്തിയ വാഹനങ്ങളുടെ നിര പത്ത് കി.മീറ്ററോളമാണ് നീണ്ടത്. വില്ളേജിലെ കാര്‍ പാര്‍ക്കിങില്‍ 16,000 വാഹനങ്ങള്‍ നിര്‍ത്തിയിടാനുള്ള സൗകര്യമാണുള്ളത്. മിക്ക ദിവസങ്ങളിലും വൈകീട്ട് ആറു മണിയോടെ തന്നെ ഇവിടെ വാഹനങ്ങള്‍ നിറയും. ഇതു കാരണം ഗ്ളോബല്‍ വില്ളേജിന്‍െറ ഗേറ്റില്‍ നിന്ന് ദൂരെ പാര്‍ക്ക് ചെയ്യുന്ന വാഹനങ്ങളിലെ യാത്രക്കാര്‍ക്കായി അധികൃതര്‍ പ്രത്യേക ബസുകള്‍ ഏര്‍പ്പെടുത്തിയിട്ടുണ്ട്. ഈ ബസുകളുടെ എണ്ണം ഇനിയും വര്‍ധിപ്പിക്കുമെന്ന് അധികൃതര്‍ വ്യക്തമാക്കി.
ഗ്ളോബല്‍ വില്ളേജിലെ വേദിയില്‍ അരങ്ങേറുന്ന വിവിധ രാജ്യങ്ങളുടെ കലാ സാംസ്കാരിക പരിപാടികളും ആയിരങ്ങളെ ആകര്‍ഷിക്കുകയാണ്. കേരളത്തില്‍ നിന്നടക്കമുള്ള സാംസ്കാരിക പരിപാടികള്‍ ഈ വേദിയില്‍ നടക്കുന്നുണ്ട്. ഇതിന് പുറമെ വിവിധ രാജ്യങ്ങളുടെ പവലിയനുകളും ഗ്ളോബല്‍ വില്ളേജില്‍ ഒരുക്കിയിട്ടുണ്ട്. 45 രാജ്യങ്ങളുടെ പവലിയനുകളാണ് ഇവിടെ പ്രവര്‍ത്തിക്കുന്നത്. ഓരോ രാജ്യത്തെയും ഉല്‍പന്നങ്ങള്‍ പരിചയപ്പെടാനും വാങ്ങാനും ഇത് സൗകര്യമൊരുക്കും. ഇത്തവണ കേരള തീമിലാണ് ഇന്ത്യന്‍ പവലിയന്‍ തയാറാക്കിയിരിക്കുന്നത്.

സമസ്ത കേരള ജംഇയ്യത്തുല്‍ ഉലമ സമ്മേളന പ്രചാരണവും സി.എം.ഉസ്താദ്‌ അനുസ്മരണവും

2012-01-08T20:04:00.002+04:00

ദുബൈ : ദുബൈ എസ്.കെ.എസ്.എസ്.എഫ് കാസറഗോഡ് ജില്ലാ കമ്മിറ്റി സംഘടിപ്പിക്കുന്ന സമസ്ത കേരള ജംഇയ്യത്തുല്‍ ഉലമ സമ്മേളന പ്രചാരണവും സി.എം.ഉസ്താദ്‌ അനുസ്മരണവും ജനുവരി 13 വെള്ളിയാഴ്ച വൈകുന്നേരം 6 മണിക്ക് ദുബൈ കെ.എം.സി.സി ഓഡിറ്റോറിയത്തില്‍ ‍വെച്ച് നടത്തപ്പെടുന്നു. ബഹു: സയ്യിദ് ഹാമിദ് കോയമ്മ തങ്ങള്‍, സിംസാറുല്‍ ഹഖ ഹുദവി, ടി.കെ.സി അബ്ദുള്‍ ഖാദര്‍ ഹാജി, സയ്യിദ് അബ്ദുള്‍ ഹകീം തങ്ങള്‍,മൊയ്തു നിസാമി,അബ്ദുള്‍ ഹകീം ഫൈസി, ഖാലീലുര്‍റഹ്മാന്‍ കാഷിഫി തുടങ്ങിയവര്‍ സംബന്ധിക്കുന്നു.

ദുബയില്‍ വൈറ്റ് പോയിന്റ്‌സ് ട്രാഫിക് സിസ്റ്റം

2012-01-08T19:31:00.002+04:00

ദുബയ്: ഗള്‍ഫ് രാജ്യങ്ങളില്‍ ആദ്യമായി യുഎഇയില്‍ വൈറ്റ് പോയിന്റ്‌സ് എന്നറിയപ്പെടുന്ന ട്രാഫിക് സമ്പ്രദായം കൊണ്ടു വരുന്നു. ഗതാഗതനിയമങ്ങള്‍ ലംഘിക്കപ്പെടുന്നുവെന്ന പരാതികള്‍ വ്യാപകമായതാണ് പുതിയ പരീക്ഷണങ്ങളുമായി മുന്നോട്ടുപോവാന്‍ അധികൃതരെ പ്രേരിപ്പിച്ചത്. നിലവിലുള്ള ബ്ലാക്ക് പോയിന്റ് സിസ്റ്റത്തിനു സമാന്തരമായി തന്നെ ഇതു നടപ്പാക്കാനാണ് പരിപാടി. ട്രാഫിക് നിയമങ്ങള്‍ അനുസരിച്ച് ഡ്രൈവ് ചെയ്യുന്നവര്‍ക്ക് ഇന്‍സെന്റീവ് പോയിന്റുകള്‍ നല്‍കുകയാണ് ലക്ഷ്യം. കൂടാതെ പ്രധാനപ്പെട്ട ഷോപ്പിങ് കോംപഌക്‌സുകളിലേക്കുള്ള ഡിസ്‌കൗണ്ട് കൂപ്പണുകളടക്കമുള്ള സമ്മാനങ്ങളും നേരത്തെയുള്ള ഫൈനില്‍ തന്നെ ഇളവും ലഭിക്കാനുള്ള സാധ്യതയുണ്ട്.

ട്രാഫിക് നിയമങ്ങള്‍ ലംഘിക്കുന്നവരെ മാത്രമല്ല അനുസരിക്കുന്നവരെയും കാണുന്നുണ്ട്. ശരിയായി ഡ്രൈവ് ചെയ്യുന്നവരെ അനുമോദിക്കാന്‍ യാതൊരു മടിയുമില്ല. ഇത്തരം അനുമോദനങ്ങള്‍ മുന്നോട്ടുള്ള ഡ്രൈവിങിലും അവരെ ശ്രദ്ധാലുക്കളാക്കും- ദുബയ് ട്രാഫിക് പോലിസ് മേധാവി മേജര്‍ ജനറല്‍ മുഹമ്മദ് അല്‍ സഫിന്‍ അറിയിച്ചു.

ഉദിനൂര്‍ ഖാദിമുല്‍ ഇസ്ലാം ജമാഅത്ത് പ്രവാസി സുരക്ഷാ ഫണ്ട് മൂന്നാം വര്‍ഷത്തിലേക്ക്

2012-01-08T19:17:00.002+04:00

ദുബായ്: ഉദിനൂര്‍ ഖാദിമുല്‍ ഇസ്ലാം ജമാഅത്ത് ദുബായ് കമ്മിറ്റിയുടെ കീഴില്‍ പ്രവര്‍ത്തിക്കുന്ന പ്രവാസി സുരക്ഷാ ഫണ്ട് (പി.എസ്.എഫ്) വിജയകരമായ രണ്ടു വര്‍ഷം പൂര്‍ത്തിയാക്കിയതായി ഭാരവാഹികള്‍ പത്രക്കുറിപ്പില്‍ അറിയിച്ചു. 2010 ജനുവരിയില്‍ തുടക്കം കുറിച്ച പി.എസ്.എഫില്‍ ദുബായിലും പരിസര നഗരങ്ങളിലുമുള്ള ഉദിനൂര്‍ നിവാസികളായ 60 ഓളം മെമ്പര്‍മാര്‍ ഉണ്ട്. മെമ്പര്‍മാര്‍ പ്രതിമാസം നിക്ഷേപമായി നല്‍കുന്ന തുക ഉപയോഗിച്ച് പി.എസ്.എഫ് ചില ബിസിനസ് സംരംഭങ്ങളില്‍ പങ്കാളികളാകുക വഴി ഇതിനകം മുതല്‍ മുടക്കിന്റെ 32 ശതമാനത്തോളം ലാഭം കൈവരിച്ചതായും ഭാരവാഹികള്‍ വ്യക്തമാക്കി. പ്രസ്തുത ലാഭ സംഖ്യയുടെ നിശ്ചിത ശതമാനം കേന്ദ്ര ജമാഅതിന്റെ പ്രവര്‍ത്തനത്തിനും, നാട്ടിലെ പാവപ്പെട്ടവരുടെ റിലീഫ് പ്രവര്‍ത്തനത്തിനുമായി നീക്കി വെക്കും.

മാര്‍ച്ച് ആദ്യ വാരം പി.എസ്.എഫ്ന്റെ വിപുലമായ ജനറല്‍ബോഡി വിളിച്ചു ചേര്‍ക്കാനും ലാഭ വിഹിതം മെമ്പര്‍മാര്‍ക്ക് വീതിച്ചു നല്‍കാനും തീരുമാനിച്ചു. പി.എസ്.എഫ്ന്റെ പുതിയ ചെയര്‍മാനായി ടി.അബ്ദുല്‍ ഹമീദിനെയും, വൈസ് ചെയര്‍മാന്‍ ആയി എ.ജി. അബ്ദുല്‍ ജബ്ബാര്‍ ഹാജിയെയും തെരഞ്ഞെടുത്തു.
ടി.അബ്ദുല്‍ ഹമീദിന്റെ അദ്ധ്യക്ഷതയില്‍ നടന്ന എക്സിക്ക്യുട്ടീവ് യോഗത്തില്‍ ജനറല്‍ കണ്‍-വീനര്‍ ടി.സി ഇസ്മായില്‍ ചര്‍ച്ച അവതരിപ്പിച്ചു, ജോയിന്റ് കണ്‍-വീനര്‍മാരായ എം.റാഷിദ്, എന്‍.സുബൈര്‍, ശാഖാ സെക്രട്ടറി ടി. റഹമത്തുല്ല, ട്രഷറര്‍ ടി.പി.അബ്ദുല്‍ റഷീദ്, എന്‍.ബഷീര്‍ അഹമദ്, എ.ബി.അബ്ദുല്‍ സലാം, ടി.സി.സൈനുല്‍ ആബിദ് തുടങ്ങിയവര്‍ സംസാരിച്ചു.

ദുബയ് ഭരണാധികാരിക്ക് ആണ്‍കുട്ടി

2012-01-08T18:54:00.000+04:00

ദുബയ്: യുഎഇ വൈസ് പ്രസിഡന്റും പ്രധാനമന്ത്രിയും ദുബയ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍മഖ്തൂമിന് ആണ്‍കുട്ടി പിറന്നു. ഹയ ബിന്ദ് അല്‍ഹുസൈനും എനിക്കും ഒരു ആണ്‍കുട്ടി പിറന്നു. അവന് ഞങ്ങള്‍ സയിദ് എന്നു പേരിട്ടു-ശൈഖ് ട്വിറ്ററിലൂടെ ലോകത്തെ അറിയിച്ചു. ട്വിറ്റര്‍ വാര്‍ത്ത പുറത്തുവന്ന ഉടനെ തന്നെ ശൈഖിന്റെ ഫേസ്ബുക്ക് പേജിലേക്ക് അഭിനന്ദന പ്രവാഹമായിരുന്നു. ട്വിറ്റര്‍ ട്രെന്‍ഡില്‍ ഇതോടെ സയിദ് എന്ന പേര് ആറാം സ്ഥാനത്തുവരെയെത്തി. ലോകത്തിന്റെ വ്യത്യസ്ത ഭാഗങ്ങളില്‍ നിന്നെത്തിയ അഭിനന്ദനസന്ദേശങ്ങളില്‍ പ്രമുഖ ബിസിനസ്സുകാരും ഭരണാധികാരികളും സ്ഥാപനങ്ങളും ഉള്‍പ്പെടും.

ജിദ്ദയില്‍ ഇന്ത്യന്‍ ടൂറിസം റോഡ്‌ ഷോ

2012-01-05T20:20:00.002+04:00

ജിദ്ദ: സൗദി അറേബ്യയില്‍ നിന്ന് കൂടുതല്‍ വിനോദസഞ്ചാരികളെ ആകര്‍ഷിക്കുകയെന്ന ലക്ഷ്യത്തോടെ ഇന്ത്യ സംഘടിപ്പിക്കുന്ന റോഡ് ഷോ പുരോഗമിക്കുന്നു. റിയാദ്, ദമാം എന്നീ നഗരങ്ങളില്‍ നടന്ന റോഡ് ഷോകള്‍ക്ക് മികച്ച പ്രതികരണമാണ് ലഭിച്ചതെന്ന് എംബസി അധികൃതര്‍ അറിയിച്ചു. ജനുവരി 11ന് 2.30 മുതല്‍ 7.30വരെ ജിദ്ദയിലെ മൂവ് ആന്റ് പിക് ഹോട്ടലിലാണ് പരിപാടികള്‍ സംഘടിപ്പിക്കുന്നത്. ഇന്ത്യയിലെ വിവിധ വിനോദ സഞ്ചാരകേന്ദ്രങ്ങളെ കുറിച്ച് ബോധവത്കരിക്കുകയും ഇത്തരം കേന്ദ്രങ്ങളില്‍ എത്തി ചേരുന്നതിനെ കുറിച്ചുള്ള വിശദമായ വിവരങ്ങള്‍ കൈമാറുകയുമാണ് ഷോ കൊണ്ട് ഉദ്ദേശിക്കുന്നത്.

ഇന്ത്യന്‍ അസോസിയേഷന്‍ ഓഫ് ടൂര്‍ ഓപ്പറേറ്റേഴ്‌സിന്റെ പ്രതിനിധികള്‍ മേളയില്‍ പങ്കെടുക്കുന്നുണ്ട്. ചികില്‍സാ ആവശ്യങ്ങള്‍ക്കായി നിരവധി സൗദി പൗരന്മാര്‍ ഇന്ത്യയിലെത്താറുള്ളതിനാല്‍ വിവിധ ആശുപത്രിയില്‍ നിന്നുള്ള പ്രതിനിധികളും സംഘത്തിനൊപ്പമുണ്ട്.

ദുബയ് ഷോപ്പിങ് ഫെസ്റ്റിവല്‍ തുടങ്ങി

2012-01-05T20:01:00.002+04:00

ദുബയ്: ലോകത്തിലെ ഏറ്റവും വലിയ വ്യാവസായ, വാണിജ്യ, വിനോദ പ്രദര്‍ശനങ്ങളിലൊന്നായ ദുബയ് ഷോപ്പിങ് ഫെസ്റ്റിവലിന് തുടക്കമായി. ജനുവരി അഞ്ചിന് ആരംഭിക്കുന്ന ഉത്സവം ഫെബ്രുവരി അഞ്ചിനാണ് അവസാനിക്കുക. ദുബയ് ഇവന്റ്‌സ് ആന്റ് പ്രമോഷന്‍ എസ്റ്റാബ്ലിഷ്‌മെന്റാണ് മേള സംഘടിപ്പിക്കുന്നത്. ഏറ്റവും കുറഞ്ഞ വിലയ്ക്കു ഏറ്റവും ഗുണമേന്മയുള്ള സാധനങ്ങള്‍ വാങ്ങാനുള്ള സൗകര്യമൊരുക്കുന്നതോടൊപ്പം ഒരു കുടുംബം, ഒരു ലോകം ഒരാഘോഷം എന്ന മഹത്തായ സന്ദേശവും ഈ ഷോപ്പിങ് മാമാങ്കത്തിനു പിറകിലുണ്ട്.
ഫാഷന്‍ ഷോ, സാഹസികയാത്രകള്‍, കരിമരുന്ന് പ്രയോഗം, സംഗീത കലാപരിപാടികള്‍ എന്നിവയെല്ലാം ഡിഎസ്എഫ് എന്ന ചുരുക്കപ്പേരില്‍ അറിയപ്പെടുന്ന ദുബയ് ഷോപ്പിങ് ഫെസ്റ്റിവലിന്റെ പ്രത്യേകതയാണ്. പ്രതിദിനം നിരവധി ഭാഗ്യശാലികളെ മേളയിലൂടെ കണ്ടെത്താറുണ്ട്. വിജയികള്‍ക്ക് സ്വര്‍ണവും പണവും വാഹനങ്ങളും സമ്മാനമായി ലഭിക്കും. ഫെസ്റ്റിവലിന്റെ ഭാഗമായ ആഗോളഗ്രാമത്തില്‍ 13000 ചതുരശ്രമീറ്റര്‍ വ്യാപിച്ചുകിടക്കുന്ന ഇന്ത്യാപവലിയന്‍ സജ്ജീകരിച്ചിട്ടുണ്ട്. കേരളത്തില്‍ നിന്നുള്ള നിരവധി സ്റ്റാളുകളും ഇവിടെയുണ്ട്.

സി.എച്ച് സെന്റര്‍ " സാന്ത്വനത്തിന്റെ കൈത്താങ്ങ് " പ്രവാസി കുടുംബ സംഗമം ജനുവരി 27ന്

2012-01-04T20:43:00.002+04:00

ദുബൈ: ത്രിക്കരിപ്പൂര്‍ കേന്ദ്രമാക്കി കൊണ്ട് അഞ്ചോളം പഞ്ചായത്തുകളിലെ നിര്ദ്ദരരായ രോഗികള്ക്ക് ആതുര ശുശ്രൂഷാ രംഗത്ത് നിസ്വാര്ത്ഥമായ സേവനം നല്‍കാനായി ആരംഭിച്ച സി.എച്ച് സെന്റര്‍ ത്രിക്കരിപ്പൂരിന്റെ സന്ദേശം പ്രവാസികളിലെത്തിക്കാ‍നായി നടത്തുന്ന സി.എച്ച് സെന്റര്‍ "സാന്ത്വനത്തിന്റെ കൈത്താങ്ങ് " ക്യാമ്പയിന്‍ ഉദ്ഘാടനവും പ്രവാസി സംഗമവും ജനുവരി 27ന് ദുബായില്‍ വെച്ച് നടക്കും. പത്തോളം ഡയാലിസിസ് മെഷീനും അനുബന്ധ സൌകര്യങ്ങളും ഒരുക്കിക്കൊണ്ട് തയ്യാറാവുന്ന ത്രിക്കരിപ്പൂര്‍ സി.എച്ച് സെന്ററില്‍ കൂടി ത്രിക്കരിപ്പൂരിലെയും പരിസര പഞ്ചായത്തുകളിലെയും നിര്‍ദ്ദരരായ രോഗികളുടെ കണ്ണീരൊപ്പാനും അവര്ക്ക് സാന്ത്വനമേകാനും സാധിക്കും. പ്രവാസ ലോകത്തിലെ പ്രമുഖ നേതാക്കളും ആരോഗ്യ രംഗത്തെ വിദഗ്ദരും പങ്കെടുക്കുന്ന പ്രവാസ കുടുംബ സംഗമം ജനുവരി 27ന് വൈകുന്നേരം 6 മണിമുതല്‍ ദേര യൂനിയന്‍ മെട്രോ സ്റ്റേഷന് എതിര്‍ വശത്തുള്ള ലോട്ടസ് ഡൌണ്‍ ടൌണ്‍ ഹോട്ടലില്‍ വെച്ച് നടക്കും. ത്രിക്കരിപ്പൂര്‍ ഗ്രാമ പഞ്ചായത്ത് പ്രസിഡണ്ട് എ.ജി.സി. ബഷീര്‍, സി.എച്ച് സെന്റര്‍ ചെയര്‍മാന്‍ എം.എ.സി കുഞ്ഞബ്‌ദുള്ള ഹാജി, സാംസ്കാരിക, സാമൂഹിക രംഗങ്ങളിലെ പ്രമുഖ വ്യക്തിത്വങ്ങള്‍ എന്നിവര്‍ ചടങ്ങില്‍ പങ്കെടുക്കും. തുടര്ന്ന് ഇശല്‍ വിരുന്ന് അരങ്ങേറുമെന്ന് സംഘാടകര്‍ അറിയിച്ചു. ഇതുമായി ബന്ധപ്പെട്ട് ചേര്ന്ന ആലോചനാ യോഗത്തില്‍ വി.വി. കാസിം അദ്ധ്യക്ഷത വഹിച്ചു. സലാം തട്ടാനിച്ചേരി പദ്ധതി വിശദീകരിച്ചു. മുഹമ്മദലി യു. മാവിലാടം, എന്‍.പി. ഹമീദ്, എം. അബ്‌ദുള്ള, എം. സലാം. റഷീദ് വള്വക്കാട്, കെ.വി.വി. അബ്‌ദുള്‍ റഹിമാന്‍, എന്‍.പി. ഇഖ്ബാല്‍, ആഷിഖ്. എന്‍. കൂലേരി, സമദ് മെട്ടമ്മല്‍, സാഹിറലി.എന്‍. മെട്ടമ്മല്‍, അമീറലി ഉടുമ്പുന്തല, വി.വി. ഉസ്മാന്‍ എന്നിവര്‍ സന്നിഹിതരായിരുന്നു. ജുനൈദ് വടക്കുമ്പാട് നന്ദി പറഞ്ഞു.

അബുദാബി നഗരത്തില്‍ തുപ്പുന്നവര്‍ക്ക് പിഴ

2012-01-04T20:38:00.002+04:00

അബുദാബി: അബുദാബി നഗരത്തില്‍ ചപ്പുചവറുകള്‍ വലിച്ചെറിയുകയോ തുപ്പുകയോ ചെയ്യുന്നവര്‍ക്ക് ഉടനടി പിഴ ചുമത്തുമെന്ന് അധികൃതര്‍ വ്യക്തമാക്കി. പൊതുസ്ഥലങ്ങളില്‍ തുപ്പുന്നവര്‍ക്കു നൂറു ദിര്‍ഹവും സിഗരറ്റ് കുറ്റികളും മറ്റും വലിച്ചെറിയുന്നവര്‍ക്ക് 200 ദിര്‍ഹവും ബബിള്‍ഗം ചവച്ചു തുപ്പുന്നവര്‍ക്ക് 500 ദിര്‍ഹവുമാണു പിഴ. മുനിസിപ്പാലിറ്റിയുടെ പൊതു ശുചിത്വ ബോധവത്കരണ പരിപാടിയുടെ ഭാഗമായാണിത്. വിവരങ്ങള്‍ ജനങ്ങളെ അറിയിക്കാന്‍ നാലു ഭാഷകളിലായി നോട്ടിസ് ഇറക്കിയിട്ടുണ്ട്.

ദുബായില്‍ ഗ്ലാസ്സ് സബ്‌വേ വരുന്നു

2012-01-04T18:53:00.001+04:00

ദുബയ്: ലോകത്തിലെ ഏറ്റവും വലിയ കെട്ടിടമായ ബുര്‍ജ് ഖലീഫയെയും ദുബയ് മാളിനെയും ബന്ധിപ്പിച്ചുകൊണ്ട് ഗ്ലാസ് സബ്‌വേ വരുന്നു. 820 മീറ്റര്‍ നീളത്തില്‍ നഗരത്തിന്റെ മുഴുവന്‍ സൗന്ദര്യവും ആസ്വദിച്ച് ആളുകള്‍ക്ക് നടക്കാന്‍ കഴിയുന്ന വിധത്തിലാണ് ഇത് തയ്യാറാക്കുന്നത്. ഒരോ മണിക്കൂറിലൂം 13500ലധികം ആളുകള്‍ക്ക് കടന്നു പോകാവുന്ന സംവിധാനങ്ങളോട് കൂടിയാണ് ഇത് തയ്യാറാക്കുന്നത്. ഓട്ടോമാറ്റിക് നടപ്പാതകള്‍ക്കൊപ്പം കാല്‍നടയാത്രക്കാര്‍ക്ക് സഞ്ചരിക്കാനുള്ള സൗകര്യവും ഈ ശീതീകരിച്ച പാതയിലുണ്ടാവും. ബുര്‍ജ് ഖലീഫയുടെയും ദുബയ് മാളിന്റെയും ഡെവലപ്പര്‍മാരായ എമ്മാര്‍ ഗ്രൂപ്പ് പത്രക്കുറിപ്പില്‍ അറിയിച്ചു.
വളരെയധികം ആളുകള്‍ സന്ദര്‍ശിക്കുന്ന സ്ഥലമാണ് ദുബയ് മാള്‍. 14000ഓളം വാഹനങ്ങള്‍ പാര്‍ക്ക് ചെയ്യാനുള്ള സൗകര്യം ഇവിടെയുണ്ട്. മെട്രോ സ്‌റ്റേഷനുമായി ബന്ധിപ്പിക്കപ്പെടുന്നതിനാല്‍ ബുര്‍ജ് ഖലീഫയും അതോടനുബന്ധിച്ചുള്ള നഗരത്തിലെ മറ്റു സ്ഥലങ്ങളിലും എളുപ്പത്തില്‍ എത്തിച്ചേരാന്‍ സാധിക്കും. 2013ഓടെ യാഥാര്‍ത്ഥ്യമാവുന്ന പാത നിര്‍മ്മിക്കുന്നത് ഡട്‌കോയാണ്. എല്ലാ അന്താരാഷ്ട്ര സുരക്ഷാമാനദണ്ഡങ്ങളും പാലിച്ചുകൊണ്ടായിരിക്കും ഇത് നിര്‍മ്മിക്കുകയെന്ന് എമ്മാര്‍ പ്രോപ്പര്‍ട്ടീസ് ചെയര്‍മാന്‍ മുഹമ്മദ് അലബ്ബാര്‍ അറിയിച്ചു.

നിതാഖാത്തില്‍ അഞ്ചു പുതിയ കാറ്റഗറികള്‍

2012-01-03T20:53:00.001+04:00

റിയാദ്: സ്വദേശി വത്കരണം ലക്ഷ്യമാക്കി സൗദി സര്‍ക്കാര്‍ നടപ്പാക്കുന്ന നിതാഖാത് പദ്ധതിക്കുകീഴില്‍ അഞ്ചു തൊഴില്‍ മേഖലകളെ കൂടി ഉള്‍പ്പെടുത്താന്‍ തീരുമാനമായി. നഴ്‌സറി സ്‌കൂളുകള്‍, ആണ്‍കുട്ടികളുടെ സര്‍ക്കാര്‍-സ്വകാര്യ സ്‌കൂളുകള്‍, ബേക്കറികള്‍, ഇന്‍ഫര്‍മേഷന്‍ ടെക്‌നോളജി, റെഡിമെയ്ഡ്, കോണ്‍ക്രീറ്റ് വര്‍ക്കുകള്‍ എന്നിവയാണ് പുതുതായി നിതാഖാത് പരിധിയില്‍ പെടുത്തിയിട്ടുള്ളത്.

ഈ മേഖലയിലുള്ള സ്ഥാപനങ്ങളിലെ ജീവനക്കാരുടെ എണ്ണത്തിന്റെ അടിസ്ഥാനത്തിലാണ് സ്വദേശി വത്കരണം നടപ്പാക്കുക. ഇതുവരെ 45 മേഖലകളാണ് സ്വദേശി വത്കരണത്തിന്റെ പരിധിയില്‍ ഉള്‍പ്പെടുത്തിയിട്ടുള്ളത്. ഇഖാമ നമ്പറിലൂടെ തങ്ങളുടെ സ്ഥാപനം ഏത് കാറ്റഗറിയിലാണെന്ന് എല്ലാവര്‍ക്കും തിരിച്ചറിയാന്‍ സാധിക്കും. കൂടുതല്‍ മേഖലകളെ നിതാഖാത് പരിധിയില്‍ വരുന്നത് വിദേശ തൊഴിലാളികളെ ആശങ്കയിലാക്കുന്നുണ്ട്. കാറ്റഗറി കണ്ടെത്താനുള്ള വെബ്‌സൈറ്റിലേക്കെത്താന്‍ ഇവിടെ ക്ലിക്ക് ചെയ്യുക

സൌദിയില്‍ മലയാളി നഴ്‌സുമാരടക്കം പിരിച്ച് വിടല്‍ ഭീഷണിയില്‍

2012-01-03T20:36:00.002+04:00

റിയാദ്: സൗദിയില്‍ സ്വദേശിവത്കരണം ശക്തമാക്കിയതോടെ നിരവധി നഴ്സുമാര്‍ പിരിച്ചുവിടല്‍ ഭീഷണിയിലെന്നു റിപ്പോര്‍ട്ട്. വര്‍ഷങ്ങളായി ആരോഗ്യമന്ത്രാലയത്തിനു കീഴില്‍ ജോലി ചെയ്യുന്നവര്‍ക്കാണു പിരിച്ചുവിടല്‍ ഭീഷണി. മലയാളികളാണ് ഇവരില്‍ ഏറെയും. 17,000 ത്തിലധികം സ്വദേശികളാണു നഴ്സിങ് പഠനം പൂര്‍ത്തിയാക്കി ജോലിക്കായി കാത്തിരിക്കുന്നത്. ആറു മാസം മുമ്പു തന്നെ ഇവരുടെ ആവശ്യങ്ങള്‍ പരിഗണിച്ച് ആരോഗ്യമന്ത്രാലയത്തിനു കീഴില്‍ ജോലി ചെയ്യുന്ന വിദേശി നഴ്സുമാരെ ഒഴിവാക്കാന്‍ നടപടി ആരംഭിച്ചിരുന്നു. സ്വദേശിവത്കരണം നടപ്പാക്കാന്‍ ആറു മാസത്തെ കാലാവധി അനുവദിക്കണമെന്ന് ആരോഗ്യവകുപ്പ് മന്ത്രാലയത്തോട് ആവശ്യപ്പെട്ടിരുന്നു. എന്നാല്‍ സ്വദേശിവത്കരണം ത്വരിതപ്പെടുത്തണമെന്ന നിര്‍ദേശമാണു മന്ത്രാലയം നല്‍കിയത്. ഇതേത്തുടര്‍ന്നു സൗദിയിലെ മിക്ക ആശുപത്രികളിലും നഴ്സുമാര്‍ക്കു പിരിച്ചുവിടല്‍ നോട്ടിസ് നല്‍കിക്കഴിഞ്ഞു.

എമിറേറ്റ്‌സ് ഐഡികാര്‍ഡുകള്‍ കൊറിയര്‍ ചെയ്യില്ല

2012-01-02T22:36:00.000+04:00

ദുബയ്: ഇനി മുതല്‍ കൊറിയര്‍ വഴി തിരിച്ചറിയല്‍ കാര്‍ഡുകള്‍ അയക്കില്ലെന്ന് എമിറേറ്റ്‌സ് ഐഡന്റിറ്റി കാര്‍ഡ് അതോറിറ്റി അറിയിച്ചു. ഒരു ദിവസം 30000ഓളം കാര്‍ഡുകളാണ് പുറത്തിറങ്ങുന്നത്. ഇത്രയും കാര്‍ഡുകള്‍ ഫലപ്രദമായി കൈകാര്യം ചെയ്യാനുള്ള ശേഷി രാജ്യത്തെ കമ്പനികള്‍ക്കില്ല-ഡയറക്ടര്‍ ജനറല്‍ ഓഫ് എമിറേറ്റ്‌സ് ഐഡി ഡോ അലി അല്‍ഖൗറി അറിയിച്ചു. നേരത്തെ കൊടുത്ത കാര്‍ഡുകളില്‍ പലതും ഇതുവരെ കൊടുത്തുതീര്‍ത്തിട്ടില്ല. കാര്‍ഡുകള്‍ വിതരണം ചെയ്യാന്‍ അതോറിറ്റിയുമായി കരാറിലേര്‍പ്പെട്ട കമ്പനികള്‍ക്കെല്ലാം തന്നെ പരമാവധി ആയിരം കാര്‍ഡുകളെ വിതരണം ചെയ്യാന്‍ സാധിക്കുന്നുള്ളൂ. കാര്‍ഡുകള്‍ വിതരണം ചെയ്യുന്നതിന് അതോറിറ്റി നാലുകമ്പനികളെയാണ് നിയോഗിച്ചിരുന്നത്. എമിറേറ്റ് പോസ്റ്റിന്റെ സഹായത്തോടെ രാജ്യത്തെ 120 പോസ്റ്റ് ഓഫിസുകളിലൂടെ കാര്‍ഡുകള്‍ വിതരണം ചെയ്യാന്‍ കഴിയുമെന്ന ശുഭാപ്തി വിശ്വാസത്തിലാണ് അതോറിറ്റി.

ത്രിക്കരിപ്പൂര്‍ കെ.എം.സി.സിയുടെ പ്രവര്‍ത്തനം മാതൃകാപരം: ചെര്‍ക്കളം

2012-01-02T18:56:00.004+04:00

ദുബൈ: ദുബൈ - ത്രിക്കരിപ്പൂര്‍ പഞ്ചായത്ത് കെ.എം.സി.സിയുടെ പ്രവര്‍ത്തനം മാതൃകാപരമാണെന്ന് കാസര്ഗോഡ് ജില്ലാ കെ.എം.സി.സി ജന: സെക്രട്ടറി ഹനീഫ് ചെര്‍ക്കളം അഭിപ്രായപ്പെട്ടു. റിലീഫ് രംഗത്തെന്ന പോലെ കലാ-സാംസ്കാരിക രംഗങ്ങളിലും ത്രിക്കരിപ്പൂര്‍ കെ.എം.സി.സി നല്‍കുന്ന സേവനങ്ങള്‍ വളരെയധികം വിലപ്പെട്ടതാണെന്നും അദ്ദേഹം പറഞ്ഞു. ദേര നോവല്‍‌റ്റി റസ്റ്റോറന്റില്‍ വെച്ച് ചേര്‍ന്ന യു.എ.ഇ. കെ.എം.സി.സി മെമ്പര്ഷിപ്പ് ക്യാമ്പയിന്‍ ഉദ്ഘാടനം നിര്‍‌വഹിച്ച് പ്രസംഗിക്കുകയായിരുന്നു അദ്ദേഹം.
വി.വി. കാസിം അദ്ധ്യക്ഷത വഹിച്ചു. ട്രഷറര്‍ എന്‍.പി ഹമീദ് ഹാജിക്ക് മെമ്പര്ഷിപ്പ് നല്‍കി ഹനീഫ് ചെര്‍ക്കളം മെമ്പര്ഷിപ്പ് ക്യാമ്പയിന്‍ ഉദ്ഘാടനം ചെയ്‌തു. ത്രിക്കരിപ്പൂർ മണ്ഡലം കെ.എം.സി.സി ഓർഗ: സെക്രട്ടറി മുഹമ്മദലി. യു. മാവിലാടം എം. അബ്‌ദുള്ള, കെ.വി.വി.അബ്‌ദുള്‍ റഹിമാന്‍, എം. സലാം, റഷീദ് വള്വക്കാട്, സാഹിറലി മെട്ടമ്മൽ, ഇഖ്‌ബാല്‍ എന്‍.പി, ആഷിഖ്. എന്‍. കൂലേരി, സമദ് മെട്ടമ്മല്‍, വി.വി. ഉസ്മാന്‍ എന്നിവര്‍ സംസാരിച്ചു. സലാം തട്ടാനിച്ചേരി സ്വാഗതവും ജുനൈദ് വടക്കുമ്പാട് നന്ദിയും പറഞ്ഞു.

നഗ്നചിത്രം ഇന്റര്‍നെറ്റിലൂടെ പരസ്യപ്പെടുത്തിയ യുവതിക്ക് മൂന്നു മാസം തടവ് ശിക്ഷ

2012-01-02T17:37:00.000+04:00

അബുദാബി: നഗ്നചിത്രം ഇന്റര്‍നെറ്റിലൂടെ പരസ്യപ്പെടുത്തിയ യുവതിക്ക് മൂന്നു മാസം തടവ് ശിക്ഷ വിധിച്ചു. യുവതിയുടെ ഭര്‍ത്താവിന് ജീവനാശം നല്‍കാതെയുള്ള വിവാഹമോചനവും അബുദാബി കുടുംബ കോടതി അനുവദിച്ചിട്ടുണ്ട്. ഭാര്യയുടെ നഗ്നചിത്രങ്ങള്‍ പോണ്‍സൈറ്റുകളില്‍ കണ്ട ഭര്‍ത്താവ് പരാതിയുമായെത്തുകയായിരുന്നു. പരിശോധനയില്‍ അഞ്ചു ചിത്രങ്ങള്‍ ശരിയ്ക്കുള്ളതാണെന്ന് വ്യക്തമായി. എന്നാല്‍ മൊബൈല്‍ ഫോണുപയോഗിച്ച് ഭര്‍ത്താവ് തന്നെയെടുത്ത ഫോട്ടോകളാണിതെന്നും ജീവനാംശം നല്‍കാതിരിക്കാനും കുട്ടികളെ വിട്ടുതരാതിരിക്കാനുമുള്ള തന്ത്രത്തിന്റെ ഭാഗമായി ഇത് വെബ്‌സൈറ്റില്‍ പ്രസിദ്ധീകരിക്കുകയായിരുന്നുവെന്ന് ഗവണ്‍മെന്റ് ഉദ്യോഗസ്ഥയായ യുവതി പരാതിപ്പെട്ടു. ചിത്രം കാണുമ്പോള്‍ ഇത്തരത്തിലൊരു സാധ്യത തോന്നുന്നില്ലെന്ന നിലപാടാണ് കോടതിയെടുത്തത്.

യു.എ.ഇ യില്‍ ദര്‍ബ് സംവിധാനം നിലവില്‍ വന്നു

2012-01-01T22:27:00.002+04:00

ദുബായ് : തൊഴില്‍ മന്ത്രാലയത്തിന്‍റെ ഇടപാടുകള്‍ വേഗത്തിലാക്കാന്‍ യുഎഇയില്‍ പുതിയ സംവിധാനം പ്രാബല്യത്തില്‍. യുവസ്വദേശി നിക്ഷേപകരെ ആകര്‍ക്ഷിക്കുന്നതിന്‍റെ ഭാഗമായാണു സര്‍ക്കാര്‍ നടപടി. ദര്‍ബ് എന്നാണു പുതിയ സംവിധാനത്തിന്‍റെ പേര്. വനിതാ വ്യവസായികള്‍, മുതിര്‍ന്ന പൗരന്മാര്‍, യുവ നിക്ഷേപകര്‍, പ്രത്യേക പരിചരണം വേണ്ടവര്‍ തുടങ്ങിയവര്‍ക്കു മുന്‍ഗണന ലഭിക്കും. ഇവര്‍ക്ക് അപേക്ഷ നല്‍കുന്നതിനു കൂടുതല്‍ സമയം കാത്തിരിക്കേണ്ടിവരില്ല. തൊഴില്‍ മന്ത്രാലയത്തിന്‍റെ പ്രധാന ഹാളിലാണു ദര്‍ബ് സംവിധാനം ഏര്‍പ്പെടുത്തിയിട്ടുള്ളതെന്ന് അധികൃതര്‍.

ദുബായ് ഷോപ്പിംഗ് ഫെസ്‌റിവലിന് ജനുവരി 5ന് തുടക്കമാകും.

2012-01-01T13:32:00.002+04:00

ദുബായ്:പതിനേഴാമത് ദുബായ് ഷോപ്പിംഗ് ഫെസ്‌റിവലിന് ജനുവരി 5ന് തുടക്കമാകും. ജനുവരി 5 മുതല്‍ ഫെബ്രുവരി 5 വരെ നടക്കുന്ന ഷോപ്പിംഗ് മാമാങ്കത്തിനായുള്ള അവസാനവട്ട ഒരുക്കത്തിലാണ് ദുബായ് നഗരം. ഗ്ലോബല്‍ വില്ലേജില്‍ ഇത്തവണത്തെ ഇന്ത്യന്‍ പവലിയന്‍ രൂപകല്പന ചെയ്തിരിക്കുന്നത് തിരുവനന്തപുരത്തെ മ്യുസിയത്തിന്റെ മാതൃകയിലാണ്. കേരളത്തിലെ മിക്ക സ്വകാര്യ ടൂര്‍ ഓപ്പറേറ്റര്‍മാരെല്ലാം ഷോപ്പിംഗ് ഫെസ്റ്റിവെലിനോടനുബന്ധിച്ച് ടൂര്‍ പാക്കേജുകള്‍ പ്രഖ്യാപിച്ചു കഴിഞ്ഞു. ഒരാള്‍ക്ക് 15,500 രൂപ മുതലാണ് നിരക്ക്.

ഖത്തര്‍ - ത്രിക്കരിപ്പൂര്‍ കെ.എം.സി.സി മെമ്പര്‍ഷിപ്പ് ക്യാമ്പയിനിന് ഉജ്ജ്വല തുടക്കം

2012-01-01T13:26:00.000+04:00

ദോഹ: ഖത്തര്‍ - ത്രിക്കരിപ്പൂര്‍ മണ്ഡലം കെ.എം.സി.സിയുടെ മെമ്പര്‍ഷിപ്പ് ക്യാമ്പയിനിന് ഉജ്ജ്വല തുടക്കം. ദോഹയിലെ കെ.എം.സി.സി. ഹാളില്‍ വെച്ച് നടന്ന ചടങ്ങില്‍ നൂറുദ്ദീന് ആദ്യ മെമ്പര്‍ഷിപ്പ് നല്‍കി സ്റ്റേറ്റ് പ്രസിഡണ്ട് പി.എസ്.എച്ച് തങ്ങള്‍ മെമ്പര്‍ഷിപ്പ് വിതരണത്തിന്റെ ഉദ്ഘാടനം നിര്‍വ്വഹിച്ചു. ത്രിക്കരിപ്പുര്‍ മണ്ഡലം പ്രസിഡണ്ട് എന്‍. ബഷീര്‍ അധ്യക്ഷത വഹിച്ചു. മലപ്പുറം ജില്ലാ കെ.എം.സി.സി സെക്രട്ടറി സലീം നാലകത്ത് മുഖ്യാതിഥിയായിരുന്നു. സ്റ്റേറ്റ് സെക്രട്ടറി കെ.എസ്. മുഹമ്മദ് കുഞ്ഞി, ജില്ലാ പ്രസിഡണ്ട് എം.ടി.പി. മുഹമ്മദ് കുഞ്ഞി, എം.ബി. ബഷീര്‍, ആബിദ് തുരുത്തി, എന്നിവര്‍ പ്രസംഗിച്ചു. സെക്രട്ടറി ടി.സി. സലാം സ്വാഗതവും ശംസുദ്ധീന്‍ നന്ദിയും പറഞ്ഞു.

കൂടുതല്‍ ചിത്രങ്ങള്‍

യുഎയില്‍ 'ലോക മുണ്ട് ദിനം'

2012-01-01T13:22:00.001+04:00

ദുബയ്: യുഎഇയില്‍ പുതുവല്‍സര ദിനം ലോക മുണ്ടുദിനമായി ആഘോഷിക്കുന്നു. തെക്കുകിഴക്കന്‍ ഏഷ്യന്‍ രാജ്യങ്ങളിലെ പരമ്പരാഗത വസ്ത്രമായ മുണ്ടിനെ ആഗോളതലത്തില്‍ പരിചയപ്പെടുത്തുകയാണ് ദിവസത്തിന്റെ ലക്ഷ്യം. ഇനി എല്ലാ വര്‍ഷങ്ങളിലും ഈ ദിവസം മുണ്ടു ദിനമായി കൊണ്ടാടുമെന്ന് രാജ്യത്തെ പ്രവാസികള്‍ അറിയിച്ചു. ശ്രീലങ്ക, കെനിയ, ബംഗ്ലാദേശ്, നേപ്പാള്‍ എന്നിവിടങ്ങളിലും മുണ്ട് ഏറെ പ്രചാരമുള്ള വേഷമാണ്. മാസത്തില്‍ ഒരു ദിവസം മുണ്ടെടുക്കാന്‍ എല്ലാവരും തയ്യാറാവണം. രാജ്യത്തെ എല്ലാ നിയമങ്ങളും പാലിച്ചുകൊണ്ടായിരിക്കും ഈ ദിനം ആചരിക്കുന്നത്. ഏഷ്യയില്‍ നിന്നുള്ളവര്‍ കൊച്ചുകുട്ടികളെ മുണ്ടുടുക്കാന്‍ പഠിപ്പിക്കണം. മുണ്ടും വേഷ്ടിയും ഇന്ത്യ, പാകിസ്താന്‍, ബംഗ്ലാദേശ്, ശ്രീലങ്ക എന്നീ രാജ്യങ്ങളില്‍ സ്ത്രീകള്‍ ഏറെ ഇഷ്ടപ്പെടുന്ന വേഷമാണ്.

ഷാര്‍ജയില്‍ മുണ്ടുകള്‍ക്ക് വിലക്കുണ്ടെന്ന് ചില മാധ്യമങ്ങളിലൂടെ പുറത്തുവന്ന റിപ്പോര്‍ട്ടുകള്‍ തെറ്റാണ്. സര്‍ക്കാര്‍ ഓഫിസുകളിലെത്തുമ്പോള്‍ ലുങ്കി ധരിക്കരുതെന്നു മാത്രമാണ് വിലക്കുള്ളത്-പ്രവാസിയായ അഡ്വക്കറ്റ് അജി കുര്യാക്കോസ് അറിയിച്ചു. ഈയിടെ അല്‍ ക്വാസിലുള്ള ഒരു സിനിമാതിയേറ്ററില്‍ മുണ്ടുടുത്തുവന്നവര്‍ക്ക് ടിക്കറ്റ് നിഷേധിച്ചത് വിവാദമായിരുന്നു.

സ്‌ക്കൂള്‍ ബസ്സില്‍ പീഢനം: നിഷേധവുമായി സ്‌ക്കൂള്‍ അധികൃതര്‍

2011-12-30T14:32:00.002+04:00

ഷാര്‍ജ: ബസ്സിനുള്ളില്‍ വെച്ച് നാലരവയസ്സുകാരിയെ പീഡിപ്പിച്ചുവെന്ന ആരോപണം തെറ്റാണെന്ന് ഷാര്‍ജ ഇന്ത്യന്‍ സ്‌കൂള്‍ അധികൃതര്‍. കാരണം ഈ ബസ്സില്‍ കുട്ടി തനിച്ചായിരുന്നില്ല. രാവിലെ 10.10നാണ് കുട്ടിയെ ബസ്സില്‍ കയറ്റിയത്. ഈ ബസ് 10.40ന് സ്‌കൂളിലെത്തുകയും ചെയ്തിട്ടുണ്ട്. ബസ്സിന് മൊത്തം 27 സ്റ്റോപ്പുകളാണുള്ളത്. ഇതില്‍ 14ാമത്തെ സ്റ്റോപ്പില്‍ നിന്നാണ് കുട്ടിയ കയറിയത്. അതിനര്‍ത്ഥം 13 സ്റ്റോപ്പുകളില്‍ നിന്നുള്ള കുട്ടികള്‍ക്കൊപ്പമാണ് ഈ കുട്ടിയും. ഇത്തരത്തിലൊരു സംഭവം ഉണ്ടായിരുന്നെങ്കില്‍ സ്‌കൂള്‍ അധികൃതര്‍ തീര്‍ച്ചയായും ശ്രദ്ധിക്കുമായിരുന്നു-സ്‌കൂള്‍ ജനറല്‍ സെക്രട്ടറി നിസാര്‍ തളങ്കര അറിയിച്ചു.

പീഡിപ്പിച്ചുവെന്ന് പറയുന്ന ബസ് ജീവനക്കാരനെ പോലിസ് അറസ്റ്റ് ചെയ്തിട്ടുണ്ട്. കേസിന്റെ ഭാഗമായി നിരവധി പേരെ ചോദ്യം ചെയ്യുന്നുണ്ട്. അതിനിടെ സ്‌കൂള്‍ ബസ്സുകളില്‍ വനിതാ കണ്ടക്ടര്‍മാരെ നിയമിക്കണമെന്ന ആവശ്യം ശക്തമായി വരികയാണ്.

കുവൈത്തില്‍ സെല്‍ഫ് സ്പോണ്‍സര്‍ഷിപ്പിന് അനുമതി

2011-12-29T20:59:00.002+04:00

കുവൈറ്റ്സിറ്റി : വിദേശികള്‍ക്കു സെല്‍ഫ് സ്പോണ്‍സര്‍ഷിപ്പിന് അനുമതി നല്‍കുമെന്നു കുവൈറ്റ് സാമൂഹ്യ തൊഴില്‍ മന്ത്രാലയം. ബാങ്ക് അക്കൗണ്ടില്‍ കുറഞ്ഞതു 10000 ദിനാറുണ്ടെങ്കില്‍ വ്യക്തിക്കോ വ്യക്തികളുടെ കൂട്ടായ്മയ്ക്കോ സെല്‍ഫ് സ്പോണ്‍സര്‍ഷിപ്പിന് അപേക്ഷിക്കാം. അപേക്ഷ നല്‍കുന്ന വ്യക്തി രണ്ടു വര്‍ഷമായി പാര്‍ട്ട്നര്‍ ഷിപ്പിലോ അല്ലാതയോ ബിസിനസ് ചെയ്യുന്ന ആളായിരിക്കണമെന്നു മന്ത്രാലയം അറിയിച്ചു. 2005ല്‍ നിര്‍ദേശം ഉയര്‍ന്നുവന്നെങ്കില്‍ നടപ്പായില്ല.

ഷാര്‍ജയില്‍ സ്‌കൂള്‍ ബസ്സില്‍ പിഞ്ചുകുട്ടിയെ പീഡിപ്പിച്ചു

2011-12-29T20:43:00.002+04:00

ദുബയ്: ഗള്‍ഫ് മേഖലയിലെ സ്‌കൂള്‍ ബസ്സുകളില്‍ കൊച്ചുകുട്ടികളെ പീഡിപ്പിക്കുന്നത് വര്‍ധിച്ചുവരുന്നതായി റിപ്പോര്‍ട്ട്. പലപ്പോഴും പ്രവാസികളുടെ കൊച്ചുകുട്ടികളാണ് ബസ് ജീവനക്കാരുടെ ക്രൂരതയ്ക്ക് ഇരയാകുന്നത്. ഷാര്‍ജയില്‍ നാലരവയസ്സുള്ള പെണ്‍കുട്ടിയെ ബസ് ജീവനക്കാരന്‍ ലൈംഗികപീഡനത്തിന് വിധേയമാക്കിയതിനെ തുടര്‍ന്ന് ഇപ്പോള്‍ അല്‍ ഖാസിമി ആശുപത്രിയില്‍ ചികില്‍സയിലാണ്.

കിന്‍ഡര്‍ ഗാര്‍ഡനില്‍ പഠിക്കുന്ന കുട്ടിയുടെ ശരീരത്തില്‍ രക്തം കണ്ടതിനെ തുടര്‍ന്നാണ് ആശുപത്രിയില്‍ പ്രവേശിപ്പിച്ചതെന്ന് എമിറേറ്റ്‌സ് പോര്‍ട്ടല്‍ റിപ്പോര്‍ട്ട് ചെയ്തു. നിരവധി വര്‍ഷങ്ങളായി സ്‌കൂള്‍ ബസ്സില്‍ സഹായിയായി പ്രവര്‍ത്തിക്കുന്നയാളാണ് ഈ ക്രൂരത ചെയ്തതെന്ന കാര്യം എല്ലാവരെയും അമ്പരപ്പിച്ചിരിക്കുകയാണ്. ദുബയില്‍ ബസ് ജീവനക്കാര്‍ ചേര്‍ന്ന് നാലുവയസ്സുകാരിയെ ബലാത്സംഗം ചെയ്ത സംഭവം വരെയുണ്ടായിട്ടുണ്ട്. പ്രതി കാസര്‍കോട് സ്വദേശിയാണെന്ന് സ്ഥിരീകരിക്കാത്ത റിപ്പോര്‍ട്ടുകളുണ്ട്. ഇതു സംബന്ധിച്ച് പരാതി ലഭിച്ചതായി ഷാര്‍ജ ഇന്ത്യന്‍ സ്‌കൂള്‍ അധികൃതര്‍ സ്ഥിരീകരിച്ചു. പോലിസ് കേസെടുത്തിട്ടുണ്ട്.

ദല മാധ്യമ സംവാദം സംഘടിപ്പിക്കുന്നു

2011-12-29T18:08:00.002+04:00

ദുബായ്: ദുബായ് ആര്‍ട്‌സ് ലവേഴ്‌സ് അസോസിയേഷന്‍ (ദല) മാധ്യമ സംവാദം സംഘടിപ്പിക്കുന്നു. ‘മാധ്യമ ഇടപെടല്‍ സമൂഹത്തില്‍’ എന്ന വിഷയത്തിന്മേലാണ് സംവാദം. ഡിസംബര്‍ 30ന് വൈകീട്ട് 6ന് ദല ഹാളില്‍ നടക്കുന്ന സംവാദം പ്രശസ്ത ചലച്ചിത്ര സംവിധായകന്‍ പ്രിയനന്ദന്‍ ഉദ്ഘാടനം ചെയ്യും. ദേശാഭിമാനി അസോസിയേറ്റ് എഡിറ്റര്‍ ശ്രീ പി.എം മനോജ് വിഷയാവതരണം നടത്തും. ബിന്ദു രഘു, ധന്യ ലക്ഷമി, കെ.എം അബ്ബാസ്, ടി. ജമാലുദ്ധീന്‍, റഹ്മാന്‍ എളമങ്കല്‍, ആര്‍.ബി ലിയോ തുടങ്ങിയവര്‍ പങ്കെടുക്കും. കൂടുതല്‍ വിവരങ്ങള്‍ക്ക് 050 6272279, 055 2897914 എന്നീ നമ്പറുകളില്‍ ബന്ധപ്പെടുക.

പണം നല്‍കാതെ ഇന്ത്യന്‍ വ്യാപാരി മുങ്ങി

2011-12-28T21:49:00.002+04:00

ദുബയ്: കോടിക്കണക്കിനു ദീര്‍ഹത്തിനുള്ള പച്ചക്കറികളും പഴങ്ങളും വാങ്ങി പണം നല്‍കാതെ ഇന്ത്യന്‍ വ്യാപാരിയും 12 സഹായികളും മുങ്ങിയതായി പരാതി. ഓറഞ്ച് ലൈന്‍ എന്ന പേരില്‍ സ്ഥാപനം നടത്തിയിരുന്ന മുഹമ്മദ് അഷ്‌റഫിനെതിരേ നിരവധി പേര്‍ പോലിസില്‍ പരാതി നല്‍കി കഴിഞ്ഞു. ദുബയ് ഫ്രൂട്ട്‌സ് ആന്റ് വെജിറ്റബിള്‍ മാര്‍ക്കറ്റ് കേന്ദ്രീകരിച്ച് വ്യാപാരം നടത്തിയിരുന്ന സംഘം യുഎഇയില്‍ ഒട്ടുമിക്ക ജിസിസി രാജ്യങ്ങളിലേക്ക് കയറ്റുമതിയും നടത്തിയിരുന്നു.

മാര്‍ക്കറ്റിലെ ഓരോ കച്ചവടക്കാരനും അയാള്‍ പണം കൊടുക്കാനുണ്ട്. അതുകൊണ്ടു തന്നെ ഏകദേശം രണ്ടു കോടി ദീര്‍ഹത്തിലധികം വെട്ടിച്ചാണ് മുങ്ങിയിട്ടുള്ളതെന്ന് വ്യാപാരികളിലൊരാള്‍ പറഞ്ഞു. മുങ്ങല്‍ നേരത്തെ ആസൂത്രണം ചെയ്തതാണെന്ന് സംശയിക്കേണ്ടിയിരിക്കുന്നു. കമ്പനിയുടെ പേരിലുള്ള എല്ലാ വാഹനങ്ങളും വിറ്റൊഴിവാക്കുകയും മറ്റുള്ളവരില്‍ നിന്നു കിട്ടാനുള്ള കുടിശ്ശികയെല്ലാം പിരിച്ചെടുക്കുകയും ചെയ്തിട്ടുണ്ട്. കൂടാതെ 'റെഡി ക്യാഷ് ' നല്‍കാന്‍ തയ്യാറായ ഖത്തറിലെയും കുവൈത്തിലെയും കസ്റ്റമേഴ്‌സിന് വാങ്ങിയ വിലയേക്കാള്‍ കുറഞ്ഞ വിലയ്ക്ക് സാധനങ്ങള്‍ വിറ്റിട്ടുണ്ടെന്ന് വ്യക്തമായിട്ടുണ്ട്.

ത്രിക്കരിപ്പൂര്‍ പഞ്ചായത്ത് കെ.എം.സി.സി മെമ്പര്‍ഷിപ്പ് പ്രചരണം വെള്ളിയാഴ്ച

2011-12-28T20:32:00.001+04:00

ദുബൈ: ദുബൈ – ത്രിക്കരിപ്പൂര്‍ പഞ്ചായത്ത് കെ.എം.സി.സി പ്രവര്‍ത്തക സമിതി യോഗം ഡിസമ്പര്‍ 30 വെള്ളിയാഴ്ച മഗ്‌രിബ് നിസ്കാരനന്തരം ദേര അല്‍ റാസിലുള്ള നോവല്‍റ്റി റസ്റ്റോറന്റില്‍ വെച്ച് ചേരും. ചടങ്ങില്‍ വെച്ച് പുതിയ മെമ്പര്‍ഷിപ്പ് പ്രവർത്തനത്തിന്റെ ഉദ്ഘാടനം കാസര്‍ഗോഡ് ജില്ലാ കെ.എം.സി.സി ജന: സെക്രട്ടറി ഹനീഫ് ചെര്‍ക്കളം നിര്‍വ്വഹിക്കും. ത്രിക്കരിപ്പൂര്‍ മണ്ഡലം കെ.എം.സി.സി പ്രസിഡണ്ട് എന്‍.സി. മുഹമ്മദ് കുഞ്ഞി, മണ്ഡലം കെ.എം.സി.സി ഓര്‍ഗ: സെക്രട്ടറി മുഹമ്മദലി .യു. മാവിലാടം തുടങ്ങിയ നേതാക്കള്‍ ചടങ്ങില്‍ സംബന്ധിക്കുമെന്ന് ദുബൈ – ത്രിക്കരിപ്പൂര്‍ പഞ്ചായത്ത് കെ.എം.സി.സി. ജന: സെക്രട്ടറി അഫ്‌സല്‍. എ.സി. മെട്ടമ്മല്‍ അറിയിച്ചു.

ദുബായില്‍ വാടകക്കരാര്‍ രജിസ്ട്രേഷന്‍ നിര്‍ബന്ധമാക്കുന്നു.

2011-12-28T20:00:00.000+04:00

ദുബായ്: ദുബായില്‍ വാടകക്കരാര്‍ രജിസ്ട്രേഷന്‍ നിര്‍ബന്ധമാക്കുന്നു. അടുത്ത വര്‍ഷം മുതല്‍ ഇതു പാലിക്കാത്തവര്‍ക്കു സര്‍ക്കാര്‍ ഇടപാടുകള്‍ നടത്താന്‍ സാധിക്കില്ലെന്ന് അധികൃതര്‍. ദുബായ് സര്‍ക്കാരിന്‍റെ ഓണ്‍ലൈന്‍ പോര്‍ട്ടല്‍ വഴി വാടകക്കരാര്‍ രജിസ്റ്റര്‍ ചെയ്യാം. നിലവിലുള്ള കരാറുകള്‍ പുതുക്കുന്ന മുറയ്ക്കു രജിസ്റ്റര്‍ ചെയ്താല്‍ മതി. ദുബായിലെ കൊമേഴ്സ്യല്‍, റെഡിഡന്‍സ് കെട്ടിടങ്ങള്‍ക്കെല്ലാം തന്നെ കരാര്‍ രജിസ്ട്രേഷന്‍ നിര്‍ബന്ധമാണ്. അല്ലാത്തപക്ഷം ജല, വൈദ്യുതി കണക്ഷനുകള്‍ തടഞ്ഞുവയ്ക്കുകയും വിവിധ സര്‍ക്കാര്‍ വകുപ്പുകളുമായുള്ള ഇടപാടുകള്‍ അനുവദിക്കാതിരിക്കുകയും ചെയ്യും. 160 ദിര്‍ഹമാണു രജിസ്ട്രേഷന്‍ ഫീ.

അക്ബര്‍ ട്രാവല്‍സ് അബുദബിയില്‍ 28ന് പ്രവര്‍ത്തനം തുടങ്ങും

2011-12-27T19:59:00.002+04:00

അബുദാബി: അക്‌ബര്‍ ട്രാവല്‍സ് ഓഫ് ഇന്ത്യയുടെ പുതിയ ശാഖ യു.ഏ.ഇ തലസ്ഥാനമായ അബുദാബിയില്‍ ഡിസംബര്‍ ഇരുപത്തി എട്ടിന് പ്രവര്‍ത്തനം ആരംഭിക്കുമെന്ന് അധികൃതര്‍ വാര്‍ത്താ സമ്മേളനത്തില്‍ അറിയിച്ചു. ഇന്ത്യന്‍ അംബാസഡര്‍ എം കെ ലോഗേഷ് ഉദ്ഘാടനം നിര്‍വഹിക്കും. 2006ല്‍ ഗള്‍ഫില്‍ ആദ്യമായി ഷാര്‍ജയില്‍ പ്രവര്‍ത്തനമാരംഭിച്ച അക്ബര്‍ ട്രാവല്‍സിനു യു.ഏ.ഇ യില്‍ പതിനാലുശാഖകള്‍ നിലവിലുണ്ട്. അടുത്ത വര്‍ഷം മുതല്‍ പുതിയ ഓണ്‍ ലൈന്‍ സേവനങ്ങള്‍ ലഭ്യമാക്കുമെന്നും ജനറല്‍ മാനേജര്‍ ആര്‍ കണ്ണന്‍ പറഞ്ഞു. രാജേന്ദ്രന്‍, വി പി ഹരികുമാര്‍ ,സ്വാമി, ബഷീര്‍ , സന്തോഷ് ചെറിയാന്‍, എന്നിവരും സന്നിഹിതരായിരുന്നു .

യു.എ.ഇ: ഇന്റര്‍നെറ്റ് വേഗത കുറഞ്ഞു

2011-12-27T19:57:00.002+04:00

ദുബയ്: ഇന്ത്യയിലെയും ഈജിപ്തിലെയും രണ്ടു സുപ്രധാന സമൂദ്രാന്തര്‍ കേബിള്‍ ശൃംഖല തടസ്സപ്പെട്ടതിനാല്‍ യുഎഇയിലെ ഇന്റര്‍നെറ്റ് വേഗത കുറയുമെന്ന് ഡു കമ്പനി അറിയിച്ചു. ഈജിപ്തിലെ സൂയസിനടുത്തുള്ള എസ്എംഡബ്ല്യു 3 കേബിളും ഇന്ത്യയും സിംഗപ്പൂരിനെയും ബന്ധിപ്പിക്കുന്ന ഐടുഐ കണക്ഷനുമാണ് തകര്‍ന്നിട്ടുള്ളത്. ഭാഗികമായ പ്രശ്‌നം പരിഹരിച്ചിട്ടുണ്ടെങ്കിലും പഴയ സ്ഥിതിയിലാക്കാന്‍ സമയമെടുക്കുമെന്നുമുറപ്പാണ്. പലപ്പോഴും കപ്പലുകള്‍ നിയമവിരുദ്ധമായി നങ്കൂരമിടുന്നതുകൊണ്ടാണ് ഇത്തരത്തിലുള്ള നാശനഷ്ടങ്ങള്‍ ഉണ്ടാവുന്നത്. അന്താരാഷ്ട്ര നെറ്റ്‌വര്‍ക്കില്‍ രണ്ടു വര്‍ഷത്തിനിടെ മൂന്നാം തവണയാണ് ഇത്തരത്തില്‍ നാശനഷ്ടമുണ്ടാവുന്നത്. തക്കസമയത്ത് വിവരം ലഭിച്ചതുകൊണ്ട് ഒട്ടുമിക്ക സേവനദാതാക്കളും പകരം സംവിധാനങ്ങള്‍ ഏര്‍പ്പെടുത്തിയിട്ടുണ്ട്. അതുകൊണ്ടു തന്നെ മിക്ക സാധാരണ ഉപഭോക്താക്കള്‍ക്കും ഈ വേഗത കുറവ് അനുഭവപ്പെട്ടിട്ടില്ല. എന്നാല്‍ തിരക്കേറിയ സമയത്ത് ഇത് തിരിച്ചറിയുമെന്നതിനാലാണ് ഡു മുന്നറിയിപ്പ് നല്‍കിയത്.

ന്യൂ ഇയര്‍ യുഎഇയില്‍ പൊതുഅവധി

2011-12-27T19:44:00.002+04:00

ദുബയ്: പുതുവല്‍സരദിനമായ ജനുവരി ഒന്ന് യുഎഇയില്‍ പൊതുഅവധിയായിരിക്കുമെന്ന് പ്രഖ്യാപിച്ചു. ഈ ദിവസം സര്‍ക്കാര്‍, സ്വകാര്യ മേഖലയിലെ സ്ഥാപനങ്ങളും ബാങ്കുകളും തുറന്നു പ്രവര്‍ത്തിക്കില്ല.

ഖത്തര്‍ - ത്രിക്കരിപ്പൂര്‍ കെ.എം.സി.സി. മെമ്പര്‍ഷിപ്പ്: ഉദ്ഘാടനം വെള്ളിയാഴ്ച

2011-12-26T21:59:00.003+04:00

ദോഹ: ഖത്തര്‍ - ത്രിക്കരിപ്പൂര്‍ കെ.എം.സി.സി. മെമ്പര്‍ഷിപ്പ് ക്യാമ്പയിനിന്റെ ഉദ്ഘാടനം ഡിസംബര്‍ 30 വെള്ളിയാഴ്ച ജൂമുഅ നിസ്‌കാരാനന്തരം ദോഹ കെ.എം.സി.സി ഓഫീസില്‍ വെച്ച് നടക്കുമെന്ന് മണ്ഡലം കെ.എം.സി.സി. ഭാരവാഹികള്‍ അറിയിച്ചു. ചടങ്ങില്‍ പങ്കെടുക്കുന്നവര്‍ക്കായി ഭക്ഷണ സൌകര്യം ഒരുക്കിയിട്ട്.

പ്രവാസ സമൂഹം ലീഡറെ അനുസ്മരിച്ചു

2011-12-26T20:11:00.002+04:00

ഷാര്‍ജ: കെ.കരുണാകരന്‍ ഫൗണ് ടേഷന്‍ യു.എ.ഇ ചാപ്റ്റര്‍ സംഘടിപ്പിച്ച കെ.കരുണാകരന്‍ അനുസ്മരണ സമ്മേളനം ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടന്നു. മണ്‍മറഞ്ഞ ലീഡറെ അനുസ്മരിച്ച് പ്രാര്‍ത്ഥനയും പുഷ്പാര്‍ച്ചനയും നടത്തി. കെ.കരുണാകരന്റെ നിസ്തുല സേവനം കേരള ജനതക്ക് വലിയൊരു മുതല്‍ക്കൂട്ടായെന്നും ലീഡര്‍ ഉണ്ടായിരുന്നെങ്കില്‍ മുല്ലപ്പെരിയാര്‍ പോലുള്ള വിഷയങ്ങള്‍ ഇത്രയും സങ്കീര്‍ണ്ണമാവില്ലായിരുന്നുവെന്നും -കേരളം കരുണാകരനു ശേഷം- എന്ന വിഷയത്തെക്കുറിച്ചു സംസാരിച്ച യു.എ.ഇ യിലെ വിവിധ സംഘടനാ നേതാക്കള്‍ അഭിപ്രായപ്പെട്ടു. ചടങ്ങില്‍ ഫൗണ്ടേഷന്‍ പ്രസിഡന്റ് കെ.വി.രവീന്ദ്രന്‍ അദ്ധ്യക്ഷത വഹിച്ചു. ഇന്ത്യന്‍ അസോസിയേഷന്‍ ആക്ടിംഗ് പ്രസിഡന്റ് ബദറുദ്ദീന്‍, ജന.സെക്രട്ടറി നിസാര്‍ തളങ്കര, ട്രഷറര്‍ പി.പി.ദിലീപ്, ഒ.ഐ.സി.സി. ഷാര്‍ജ പ്രസിഡന്റ് ടി.എ.രവീന്ദ്രന്‍, ഇന്ദിരാഗാന്ധി വീക്ഷണം ഫോറം പ്രതിനിധി സുബാഷ് ചന്ദ്രബോസ്, ഒ.ഐ.സി.സി.ഷാര്‍ജ പ്രതിനിധികളായ നാരായണന്‍ നായര്‍,നവാസ്, കെ.ബാലകൃഷ്ണന്‍, ബാബുരാജ്, സമദര്‍ശിനി പ്രതിനിധി കുമാര്‍, വില്ലറ്റ് കറിയ, ജോയ് തോട്ടുങ്ങല്‍, ഫൗണ്‍ ടേഷന്‍ ഭാരവാഹികളായ ബാബുരാജ്, പ്രബുദ്ധന്‍, വി.പി.ദാസ്, പ്രമോദ് എന്നിവര്‍ സംസാരിച്ചു.

സാങ്കേതിക തകരാര്‍: മെട്രൊ റെയ്ല്‍ ഗതാഗതം തടസപ്പെട്ടു.

2011-12-26T20:04:00.002+04:00

ദുബായ്: സാങ്കേതിക തകരാറിനെത്തുടര്‍ന്നു ദുബായില്‍ മെട്രൊ റെയ്ല്‍ ഗതാഗതം തടസപ്പെട്ടു. രണ്ടു ദിവസവും പലയിടങ്ങളിലായി വാഹനം നിര്‍ത്തിയിട്ടു. സിഗ്നല്‍ സംവിധാനത്തിലാണു തകരാറെന്ന് ആര്‍ടിഐ അറിയിച്ചു. ഗ്രീന്‍, റെഡ് ലൈനുകളില്‍ 20 മിനിറ്റ് വരെയാണു തടസപ്പെട്ടത്. തകരാറിനെത്തുടര്‍ന്നു കഴിഞ്ഞയാഴ്ച ഒരു മണിക്കൂര്‍ വരെ ഗതാഗതം തടസപ്പെട്ടിരുന്നു.

ഐഡികാര്‍ഡ് പുതുക്കാന്‍ വൈകിയാല്‍ പിഴ

2011-12-26T19:46:00.003+04:00

ഷാര്‍ജ: തിരിച്ചറിയല്‍ കാര്‍ഡ് പുതുക്കാന്‍ വൈകിയാല്‍ ഫെബ്രുവരി ഒന്നു മുതല്‍ പിഴ ചുമത്തുമെന്ന് എമിറേറ്റ് ഐഡന്റിറ്റി അതോറിറ്റി അറിയിച്ചു. ഷാര്‍ജയില്‍ ഫെബ്രുവരി ഒന്നുമുതലും അബുദാബിയില്‍ ഏപ്രില്‍ ഒന്നുമുതലും ദുബയില്‍ ജൂണ്‍ ഒന്നുമുതലും പിഴ ഈടാക്കി തുടങ്ങുമെന്നാണ് അറിയിച്ചിട്ടുള്ളത്. ഐഡി കാര്‍ഡ് ഇല്ലാതെ പുതുക്കാനെത്തുന്നവര്‍ക്ക് ജനുവരി ഒന്നുമുതല്‍ പിഴ ചുമത്തി തുടങ്ങും. കാര്‍ഡിന്റെ കാലാവധി പൂര്‍ത്തിയായി ഒരു മാസത്തിനുള്ളിലാണെങ്കില്‍ 20 ദീര്‍ഹവും ഒരു മാസം കഴിഞ്ഞിട്ടാണെങ്കില്‍ പരമാവധി 1000 ദീര്‍ഹവും പിഴ ചുമത്താനാണ് നിര്‍ദ്ദേശിച്ചിട്ടുള്ളത്. അഞ്ചു വര്‍ഷത്തേക്ക് തിരിച്ചറിയല്‍ കാര്‍ഡ് പുതുക്കുന്നതിന് 100 ദീര്‍ഹമാണ് ചാര്‍ജ് നിശ്ചയിച്ചിട്ടുള്ളത്. കേടായതോ നഷ്ടപ്പെട്ടതോ ആയ കാര്‍ഡുകള്‍ക്ക് ഇനി 150 ദീര്‍ഹം നല്‍കണം.

ത്രിക്കരിപ്പൂര്‍ മുസ്ലിം ജമാ‌അത്ത് ഗള്‍ഫ് പ്രവാസി സംഗമം സംഘടിപ്പിക്കുന്നു

2011-12-25T22:47:00.003+04:00

ദുബൈ: പ്രവാസ ഭൂമിയില്‍ പ്രവര്‍ത്തന രംഗത്ത് മൂന്നര പതിറ്റാണ്ട് പൂര്‍ത്തിയാക്കിയ ദുബൈ – ത്രിക്കരിപ്പൂര്‍ മുസ്ലിം ജമാ‌അത്തിന്റെ ആഭിമുഖ്യത്തില്‍ ത്രിക്കരിപ്പൂര്‍ മുസ്ലിം ജമാ‌അത്ത് മഹല്ല് അടിസ്ഥാനപ്പെടുത്തി ഗള്‍ഫ് പ്രവാസി സംഗമം സംഘടിപ്പിക്കുന്നു. മാര്‍ച്ച് ആദ്യവാരത്തില്‍ ദുബായിയില്‍ വെച്ച് നടക്കുന്ന സംഗമത്തില്‍ യു.എ.ഇക്ക് പുറമെ മറ്റ് ഗൾഫ് രാജ്യങ്ങളില്‍ നിന്നുള്ള ത്രിക്കരിപ്പൂർ മുസ്ലിം ജമാ‌അത്തിന്റെ പ്രവര്‍ത്തകന്മാരും പ്രതിനിധികളായി പങ്കെടുക്കും. ചടങ്ങില്‍ ത്രിക്കരിപ്പൂര്‍ മുനവ്വിര്‍ കമ്മിറ്റിയുടെ ഭാരവാഹികള്‍, പ്രമുഖ പണ്ഡിതന്മാര്‍, പ്രവാസ ലോകത്തിലെ പ്രമുഖ വ്യക്തിത്വങ്ങള്‍ എന്നിവര്‍ പങ്കെടുക്കും. ആദ്യമായാണ് ത്രിക്കരിപ്പൂര്‍ മുസ്ലിം ജമാ‌അത്ത് പരിധിയിലുള്ളവരെയെല്ലാം ഒത്തൊരുമിച്ച് ചേർത്ത് കൊണ്ട് വിപുലമായ രീതിയില്‍ൽ ഗള്‍ഫ് പ്രവാസി സംഗമം സംഘടിപ്പിക്കുന്നതെന്ന് യോഗം അഭിപ്രായപ്പെട്ടു.
അല്‍ഗുറൈര്‍ സെന്ററില്‍ വെച്ച് ചേര്‍ന്ന പ്രവര്‍ത്തക സമിതി യോഗത്തില്‍ പ്രസിഡണ്ട് യു.പി. മുഹമ്മദ് സഹീര്‍ അദ്ധ്യക്ഷത വഹിച്ചു. ജന: സെക്രട്ടറി സലാം തട്ടാനിച്ചേരി ഗള്‍ഫ് സംഗമത്തിന്റെ രൂപ രേഖ യോഗത്തില്‍ വിശദീകരിച്ചു. മെഡിറ്റ് പ്രവര്‍ത്തന റിപ്പോര്‍ട്ട് ജന: കണ്‍‌‌വീനര്‍ ടി. മുഹമ്മദ് അവതരിപ്പിച്ചു. മെഡിറ്റ് ചെയര്‍മാന്‍ ടി.പി. സിറാജ്, ഡി.ടി.എം.ജെ, ട്രഷറര്‍ എന്‍.പി. ഹമീദ് ഹാജി, ടി. ഹമീദ്, എന്‍. അബ്‌ദുള്ള, കെ.വി.വി. അബ്‌ദുള്‍ റഹിമാന്‍, സി.റഹീം, എം. അബ്‌ദുള്ള, ടി. മൊയ്തീന്‍, വി.പി.പി. അബ്‌ദുള്‍ റഹിമാന്‍, എന്‍. ഷബീര്‍, ഒ.ടി. അബ്‌ദുള്ള, എ.കെ. മുത്തലിബ്, സുനീര്‍.എന്‍.പി, എന്‍. ആഷിഖ് കൂലേരി, എ.കെ. അബ്‌ദുള്‍ സത്താര്‍, അനസ് വി.പി. തുടങ്ങിയവര്‍ ചര്‍ച്ചയില്‍ പങ്കെടുത്ത് സംസാരിച്ചു. എം. അബ്‌ദുല്‍ സലാം നന്ദി പറഞ്ഞു.